سلام من الله عليكم ورحمة منه وبركاته ....

من منا لايعرف سعد بن جدلان احد اساطير الشعر النبطي ...

ابياته لا تمل وااوزانه لاتزل ... كتب الغزل فابدع .. وكتب الحكمة فاسمع .. وكتب في جميع انواع الشعر فامتع.. اجتمعت له عذوبة الشعر مع سلاسة الاسلوب .. مع قوة المعاني المبتكرة ..

اترككم مع ابيات اخترتها لكم ,,,,


دخلت في الحب تصنيفه ورد اعتبار
واجتزت كل المراحل.مرحله. مرحله

سويت مثل العرب الافغان في قندهار
ان حاربو مشكله وان عوّدو مشكله

‏=‏====

أنت مطغيك البها لين حدّد مستواك
يعني اكبر مجرمة حب واكبر طاغيه

انا يوم اغليك واجيك وادور رضاك
باغيه نفسي ولا ادري وشنهي باغيه

‏=‏====

الله يقطع الحاجه ومشي بلا مشهاه
والله يقطع اللي كلّ من قاربه ملّه

والله يقطع اللي لا بغيناه ما نلقاه
والله يقطع اللي لا صفا ما صفا كلّه

‏=‏====

هلا ياخاطرٍ في خاطري من خيرة الخطّار
تقبلك الجوارح شرّع البيبان مسروره

يحيّيك الخفوق اللي بيوتك في مداه كبار
حللت اهلا بدار تحسب انها عنك مهجوره

‏=‏====

الوضع مزري ويؤسف له ويرثى له
حاول على وضع يصلح لك ويصلح لي

اما اعتبرني ذكي ماانت بعلى باله
ولا اعتبرني غبي مرّه ووضح لي

‏=‏====


لانشرح ظرفي لمثله سلمت من الحسوف
ان قدر وان ما قدر ماينقص من غلاه

ان قدر يدرك لزومي ملكني بمعروف
وان تعذر من لزومي عسى الدنيا فداه



‏=‏====

والله اني ما اعتذر عن لزوم الطيبين
وان عسرني فالمطاليق دايم يعذرون

لنهم قد حدّهم وقتهم ومجربين
مرة يلقون وامرار ما يلقون لون

‏=‏====

اجامل على الاحوال والكبد فيها جرح
وكبدٍ يجيها الجرح تبطي وهي وجعه

‏=‏====

والمدوّر في متاهات سر الصامتين
بيتحيّر ما عرف كرهها من ودّها

كم شفوفٍ خيّمت في نفوس المستحين
لين ماتت بين بني الآمال وهدّها




‏=‏====

كني يتيم حسّته نظرة الناظر
ماخلت براسه من دموعه ولا قطرة

‏=‏====

يالطيف الروح يازين الصراحه
كلمتين أمّا مجي ولا مراحي

‏=‏====

عزمي يحطّ الثريا والقمر فيدي
واسعى وعجزت جهودي عن طموحاتي

ارهي على جمع زرعٍ حصده بعيدي
ولا تحسّف على الفايت إذا فاتي

‏=‏====

يجيني منّه هيبه سحا معزّه وتقدير
اجيه في خاطري علم واروح ما قلته

‏=‏====

على ضوء الكلام اللي كشف عنّا ستار الصمت
عرفت ان به وجيهٍ باليمن ووجيه بالشامي

مصيبه لا تردّت قيمتك في عين من قيّمت
يشوفك بالسهل وانته تشوفه بالسما السامي

‏=‏====

فينا كبيرين الهقاوي يظنّون
إنّا لنا منزال فوق النوايف

ومن شانهم مانقبل المنزل الدون
والوقت مدهر والمزاهب خفايف

‏=‏====

والسكوت اخفى معرفه والكلام مصيبه
كان ما به كلمةٍ يفخر بها قايلها

والنشيد تشلّه الركبان وتغنّي به
كل ما غنّوا قصيدة قيل من قايلها

‏=‏====

أما يشرح الرجّال ظرفه على رجّال
ولا يسكت الرجّال لا يشرح ظروفه

‏=‏====

وطارق ابواب العرب تفتح له الابوابي
ومن فتح باب الضيافه يكثرون ضيوفه

‏=‏====

صديقي اللي مايوقّف بصفّي
لا يمكن ان بيني وبينه علاقه



‏=‏====

يدك لا مدّت وفا لا تحرّى وش تجيب
كان جاتك سالمه حب يدك وخشّها

‏=====

خلوني اسجّ عن موضوعه احسن لي
ولّا الغلا والله ان يبطي وهو غالي

‏=‏====

الاصايل تكافح كل يومٍ بالكعوب
والرّدي لا حصّل اللي يهينه قدّره

‏=‏====

يقولون لي تب عن تصرفك وتحبّي
وانا توبتي عن مجتمعهم هي التوبه

وديار الوبا من طبّها راح متوبّي
وقرّابة الجربا على الحول مجروبه

‏=‏====

يامرحبا مادونها باب مقفول
لابوابها ريموت بيدين اهلها

‏=‏====

من يحط اذنه على كل سماعه
جاه فرقى مابعدها تجمّاعي

ان تجمّعنا على العزّ والطّاعه
وان تفرّقنا فجوج الله وساعي

فاقدٍ لي سلعهٍ واغلى بضاعه
سلعةٍ تشرى ولا هي بتنباعي

رفقه الطيب ليّا غيّر طباعه
اشهد انها كيّة توجع اوجاعي


‏=‏====

أفّ.. ياكبر الحلام اللي على بالي وشفّي
واخّ.. ياراسي من التفكير في مالا يشونه

واحّ.. ياحرّ انتظاري للقبول من المقفّي
وآه.. ياحبٍّ عطيت الناس ما يستاهلونه

‏=‏====

سلام ياغرّ السحاب اللي تبجّح بالمطر
وشمّ الجبال اللي تبجّح بالسحاب قذولها

‏=‏====

أنا في السفر لا صار مالي خـوي أزريـت
أشوف الطريـق بعيـد والطرقـه وحيشـه

‏=‏====

ياالله وحنا لك عبيدٍ ملاكا
ولمن يسالك مع رواق السما فكّ

يا مهلك العزّا معزّ الهلاكا
والمبتدا والمنتهى كلها لك

يامالكٍ مالك بملكك شراكا
افرج لجاشٍ حطّ فيه الدهر حكّ

ابغى اتحاكا ماعرفت آتحاكا
من همّي اللي قاطعٍ له علي صكّ

ضيم الدهر منه النشاما تشاكا
التكّ خلاها دبل والدبل تكّ

عطى ضعيف العقل ياكا وياكا
ولا حكيم العقل مايلحقه شكّ

‏=‏====

ياوليفي دمعكم في غيابي ردّ لي
وأدري ان دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منك هبّت في حشاي

والله ان كبدي عليكم عراويها أضميّ
والمشارب غير هرجتك ماتقطع ضماي

‏=‏====

لابغيت أسجّ من سمح المحيّا
شفت من وصفه على غيره حلايا

‏=‏====

من خذا منكم خفيّات السراير
والله ان يبطي ولعكم في ضميره

‏=‏====

ياقطـاة العبيّـه ياهـيـام الـذلـول
ياعيـون النـداوي يارقبـة الغـزال

نور وجهك على من شاف منك القبول
نور صبحٍ تبسم فـي رهـاد الجبـال

كني اقرا على طُـرّة جبينـك تقـول
انـا قلبـي يحبـك ياحبيبـي تعـال



‏

‏=‏====

لا إله إلا القدير المعطي الوهّابي
الخضوع لسلطنته وكبرياه ونوفه

كل ما تحته على وجه التراب تراب_
والمعزّه والمذلّه من رجاه وخوفه

‏=‏====

من نور جيده سواد الليل متبجّد
ليله يصبّح مساه وصبحه يهجده

‏=‏====

واهل التكلّف بالمعرفه والتصنّع بالبشر
والله ماهي حول الصحيح ولا الصحيح بحولها

اللي يفضّل مايقيّم بو ميه من بو عشر
حتى الفضوليّه عن الفاضل بطل مفعولها

اللي تخبره لحيته ذا طولها يصبح بزر
واللي تخبره بزر يصبح لحيته ذا طولها

‏=‏====

أنا وين ابلقى يا لاجاويد فاعل خير
حريصٍ على سرّ المحبّين لا ارسلته

‏=‏====

ياذا الجلال اللي عروشك فوق واملاكك حدر
مهمن تسامت به عروشه مستحيل يطولها

ياحيّ ياقيّوم يا ذات الانافه والكبر
ما نافسك في عظمتك مكر العباد وهولها

ولا نافسك من عمر بيوته على سطح القمر
واللي ترسي فوق اقاليم المياه اسطولها

ولا انت بحاجة من عبد ولا بحاجة من كفر
ولا بحاجة ثابت الدنيا ولا منقولها

انت السميع لمن حمد وانت المزيد لمن شكر
واللي ما يشكر نعمة المنعم عليه تزولها

‏=‏====

يجيني هموم ما تسير على السالين
ملفاها معنّين الزمان ومجاريحه

‏=‏====

خلج الشكاوي على مجدك مسانيدي
اللي حداها من الايام صكّاتي

يامحقق اهداف شرهين المقاصيدي
في جانبك تكبر شروهي وهقواتي

‏=‏====

لا حدانا القلّ واللّي روابعهم ضعوف
جعل ربّي مايرينا غضبه ولا جفاه

ولانقفل بابٍ من الرزق حرّاسه وقوف
فتّحت بيبان الارزاق من كل اتجاه

=====



يدك لا مدّت وفا لا تحرّى وش تجيب
كان جاتك سالمه حب يدك وخشّها

‏=====

خلوني اسجّ عن موضوعه احسن لي
والا الغلا والله ان يبطي وهو غالي

‏=‏====

الاصايل تكافح كل يومٍ بالكعوب
والرّدي لا حصّل اللي يهينه قدّره

=====

يجيني منّه هيبه معزّه سحى تقدير
اقابلـــه عنــــدي علـــم واروح مـــا قلــــــــته

=====

ومنْ منّا لا يرضخ لشعره بإبتسامة - يَ الله - كيف جاب هالبيت !
صدقني يا صديقي صقر ..
ان ابو محمد يمتلك عشر حواس في الشعر النبطي
لذالك أصبحوا الجميع يستمعون له صغاراً وَ كبار.

أبدعت في الطرح




والردي لا حصل اللي يهينه قدرّه !!!



متنفس كـ قمة جبل هذا المتصفح

ربي يعطيك العافيه
انتقاء رائع وجميل منك
دمت بكل ود

أفّ.. ياكبر الحلام اللي على بالي وشفّي
واخّ.. ياراسي من التفكير في مالا يشونه

واحّ.. ياحرّ انتظاري للقبول من المقفّي
وآه.. ياحبٍّ عطيت الناس ما يستاهلونه


يعطيك الف عافيه او كلك ذوق اشكرك علي حسن اختيارك
تقبلو مروري ولــ~~ــد الــعــ~~ـود

أفّ.. ياكبر الحلام اللي على بالي وشفّي
واخّ.. ياراسي من التفكير في مالا يشونه

واحّ.. ياحرّ انتظاري للقبول من المقفّي
وآه.. ياحبٍّ عطيت الناس ما يستاهلونه


أبيآآت قمّة الروعه ، صرآحة أعجز على الرد ،

قمّة الروعه والعذوبه والجزآله ، ربي يسعدك أخوي على الإنتقآء ،

متصفح قيّم الله لا يهينك .

دمت بخير .

رائع
بوركت

الله عليك يابن جدلان

عباد مغفلها الزمان وتعجّبي .. يحسبون قل المال بالرجل عذروبه
هدور المجالس راعي المدح والسبي .. وهو بالخلا لو جاه بنت ِ خذت ثوبه

سملت يمينك وجعل ابوك في الجنه يااخوي صقر

ابدعت في انتقاءك للابيات المتميزه للشاعر الكبير سعد بن جدلان

اتمنى ان لاتحرمنا من جديدك

تقبل مروري

ياذا الجلال اللي عروشك فوق واملاكك حدر
مهمن تسامت به عروشه مستحيل يطولها

ياحيّ ياقيّوم يا ذات الانافه والكبر
ما نافسك في عظمتك مكر العباد وهولها

ولا نافسك من عمر بيوته على سطح القمر
واللي ترسي فوق اقاليم المياه اسطولها

ولا انت بحاجة من عبد ولا بحاجة من كفر
ولا بحاجة ثابت الدنيا ولا منقولها

انت السميع لمن حمد وانت المزيد لمن شكر
واللي ما يشكر نعمة المنعم عليه تزولها
ابن جدلان زحزيح شعر وسلمت يداك اخوي

شاعر .. لولا ما يتعاطآه ..

سئل عن مدى شاعريــته .. فقال أسألو خالد الفيصـل عني ..
فقال خالد الفيصـل / حمار محملاً ب الذهب ..



متصفح يزخـر با الشعر .. ألف شكر يا الغالي لاهنـت .. كل الود