16-06-2010, 05:53 AM
|
|
Guest
|
|
تاريخ التسجيل: Apr 2009
الدولة: في قهوه ع المفرق !
المشاركات: 2,758
معدل تقييم المستوى: 0
|
|
|
شوارد .!
والشوارد ..
شيء وارد !
:
طفلةٍ ..
هدّت غلاها .. بالحنايا ...
ثم نام .!
كل ماصحصح خيالي ...
قمت ادوّر .. له ..
عـليـهــا..!
:
يوم غنّت له ..
بصـدري ...
(( نام واذبح لك حمــام !))
قلت:
يابخت الحمــام
اللي يسابقني .. لـ يديها ..!
***
ما آروح لو كان عـذر الصـدّ جابرنـي
.............. لاشك يجهلك .. مايطـري علـى حالـي
:
ماكنّك اللي عن الأحـلام .. مسهرنـي!
.............. ولا كنّك اللي سكن في مهجتي .. غالـي
:
عشاني إشتقت لك بالبعـد .. تشكرنـي؟
............ وشلون لو شفت .. هوجاسي وغربالي؟
:
ياطول صبـري معـك .. والله ياجرنـي
.............. على كثـر ماتحمّـل عقلـي .. هبالـي!
:
إسلم وسلّم علـى الاحـلام .. واذكرنـي
............ لا أمسيت بين الحشا .. واصبحت في بالي
***
كل صبحٍ ما يجيبك شوف .. ما يسوى سنيني
........... وكل ليلٍ ما يسرّ البال .. ما يشبه جديلك
:
وين أسافر عن خيالك .. وأنت مابيني وبيني
.......... وين ابلقى لي دروبّ ما تذكّرني .. سبيلك
***
كـبّ الجـفـا..! ياقاطع القلب بالذوق
................. مابي على قـطـع المـواصيل شــدّه
:
ماكـل من يسكن ذرى القلب معشوق
................... ولا كـل مـن يبني غـرامه .. يهـدّه
:
الله عطاك معسّـل القول .. مـنطـوق
................ واللي تــودّه .. يـاحـبيبي .. نــودّه!
:
نـمّ ياقريـر العين والليـل .. ملحـوق
................ خلّ السهـر للـي شـكـى الملح خــدّه
:
مدامك أصلاً .. مدمي القـلب بالـشوق
............. وشهـوله تسـأل عـن تـبـاريـح سـدّه؟
***
الزمـن تذكـار .. والذكـرى سـنـيني
........ والدمـوع .. أحيـان ماتشـبه بعضها
:
ليت من ذرّى الطعـون الخضـر .. فيني
........ غــاب .. قبل إن المقــادير تعرضها!
***
أحلى السوالف .. سوالف ناس طرقيّة
........ وأحلى المودة .. مودة صاحبٍ غـالي
:
يامحمّد .. النّاس دونك .. ماهي بـ حيّه
............ ماكنّك الا أنت بس لحالك .. قبالي!
:
من لعبة أم الثلاث .. وطاق طاقيّه!
......... الين مسيارك أمس .. وأنت في بالي!
***
سنين وغيرك يخطر القلب .. ويطوفه
....... يدرج .. وكلما رقى في خاطري .. حوّل
:
إلا أنت .. ياملهم القصـّـاد .. بحروفه
......... أقبلت لي تـالي .. وجـلست بالأوّل!
***
لا ترد الريـح .. عن صــدر الجـريد
.............جـايز القى في مقــاديـرك .. وعـد!
:
السهـر ماقصـّـر .. بـ عمر القصـيد
............ وانت ماقصـّـرت فـي جـرحـي بـعـد!!
***
إشره على ماتبي .. يفداك مطعونك
.......... لولا المشاريه .. ما تسوى معاذيري
:
مادمت ما تدري وشهي حالي بدونك
......... وش عاد لا صرت عندك واحدٍ غيري!
***
ماكذب عليك..
اليوم ..أطريناك
أنا
وإحساسي
وتفكيري
:
فإن ماجيتك ..
طير الهوى جاك ..
والله يعينك .. على طـيري!
***
نشرت شعري .. عشـانك تحتري نشره
........ وإلا إن بغيت الحقيقـة .. هالشعـر بلوى!
:
ما علّمتك السنين .. وكل هالعشـرة؟
...... إن الليــالي بلا شوفـتك .. مـا تسـوى!
***
إن عوّدت للكرامة .. إخترت هجرانك
............. ضيقٍ في صدري .. ولا ذلٍ على وجهي!
خالد التميمي !
|
العرض العادي
