بسم الله الرحمن الرحيم

ما ادري من وين ابدأومن وين انتهي

انا ولله الحمد من المقبولين نهائيا لمعهد الدراسات الجويه <<<<<ولكن لحظه صار عندي مشكله وبالله اقرأ الى الأخير

انا انسان طموح سجلت في المعهد بالصدفه وترشحت للمرحله الثانيه وقلت ياولد توكل على الله واخلص الاجراءات بخميس مشيط

وارجع انتظر //


وصلتني رسالة اعتذار من شركة ارامكو الي سجلت فيها مسبقا(قلت ياولد جعلها خيره)

في اليوم الثاني وصلني خبر القبول بالمعهد وقلت كمان (ان شاء الله فيها خيره)

واخلص اجراءاتي ويجيني خبر موعد الدوره ؟؟وفرحت


ولكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟




سبحان الله العظيم

جيت افكر مع نفسي وجدت انه ماهو هذا الي كنت اتمناه وكل الي صار جا بمحض الصدفه ولا كنت اعرف شيء عن هذا المعهد ؟؟


وعايش الان حيره مع نفسي هل اكمل ام اتركه وليس هذا من الكسل والطمع في النوم نهارا والدجه مساءا لا والله

ولكن خلوني اقولكم سر؟؟



ووالله وبالله وتالله
اني انسان عملي و املك افكار ومشاريع واختراعات اذا نجحت باذن الله ورب الكعبه ان يصل صداها الى جميع انحاء العالم

والله العظيم يا اخوان اني يوم كنت في الابتدائي او المتوسط فكرت في اختراع وجدته بعد كم يوم يعرض في التلفزيون باختراع ياباني ؟؟

وصارت لي اكثر من مره ولكن نسيتها ؟؟وهو انني افكر باختراع واجد بعده بأيام اما اختراع ياباني او امريكي؟؟

انا انسان ابغى اشتغل في اختراعاتي ؟؟ابغى احد يدعمني ماهو معنويا (لاني غاسل يدي) ولكن ماديا واستشاريا؟؟


واحس ان المعهد والعسكريه تقتل الابداع ؟؟احس انها بتنسيني مشاريعي واختراعاتي

خاصه بعد ماقريت التعهد بأن اخدم بما لا يقل عن 8 سنوات

يعني دراسه 2.5 +خدمه بعد التخرج 8 سنوات=10.5 عشر سنوات ونص والله عمر وهذي بتنسيك اسمك وعنوانك اذا على اساس اني بجمع لي كم قرش بعدين افصل وارجع لمشاريعي وابتكاراتي؟؟

والمشكله مجتمعي قاسي ما احد يفهمني ياما كلمت ناس من معارفي وقلت ما ابغى المعهد ويكون الرد قاسي

مثل (احمد ربك غيرك ما لقيها)(لا تكفا لا تخليه ولا تفوت الفرصه عليك)

(ووالله ما عاد بتلقا غيرها)


وكمان والله ما تسلم من السنة الناس بيقولون ؟؟مافيه خير فصل من المعهد ؟؟ولا داشر ؟؟ولا سربوت

ومن هذا الكلام

وانا والله ماعمري اذكر في حياتي اني شكيت الحال لاحد الا الله

ولكن هذي المره قلت ما نستغني عن اخواننا في منتدى البطاله وكذلك نوع من الفضفضه؟؟



وانا هنا ابغى شوركم ومساندكم


هل اكمل ولا احاول اشتغل في مشاريعي واختراعاتي الخاصه ؟؟والي ماقد انجزت منها ولا 1% والعجز المادي هو السبب الرئيس؟؟


وهل اجد برامج او مؤسسات تدعم الي مثلي وتكون عونا لي بعد الله لان افيد واستفيد وان تغنيني بعد الله عن الوظيفه لاتفرغ لها التفرغ التام


انا عارف اني طولت عليكم ولكن هذي هي المشكله وهذا هو الواقع والحاصل ؟؟

ولكم جزيل الشكر والعرفان

وسلامتكم

تبي الصدق
لا جاء موعد الدوره رح وتوكل على الله
والمعهد كله دراسه في دراسه ولا فيه تعقيد رح يا رجال وثبت نفسك في وضيفه ولا توضفت ـأجمع بين الشيئين
الاخترعات والعمل الله يوفقكـ ـأخوي ـادرس انت ولا تفوت الفرصه وـأذـإ جاكـ شي ـأثناء الدراسه اسحب على المعهد
تقبل مروري

اول حاجه انا لو مكانك والله لكمل بالمعهد
وبعد كذا تكلم اختراعاتك بدعم من راتبك الشهري


لاتنسى تصلي الاستخاره
هذا راي شخصي ...!

ترا عادي تقدر تخترع وانت موظف وش المشكله ؟؟؟



يعني يعني اذا انت الي مانعك من المعهد الي هيا اختراعاتك تقدر تخترع وانت عسكري

اما اذا كان فيه اسباب ثانيه مادري ..؟

اتمنى لك كل التوفيق سواء بالمعهد او غيره
معى العلم انه كان ودي نكسبك صاحب

بالتووفييق

طيب يمكن يكون اختيارك أيضاً خيرة لك ، وإذا تبغى نصيحتي صلي استخارة وتوكل على الله
وروح الدورة وأي شيء يصير لك هو خيرة لك وإذا مالقيت أحد يدعمك توظف وإنت بنفسك
أدعم نفسك والله ايسر أمورك ..
وهذا روابط موقعين إن شاء الله تفيدك .
http://www.smes.tvtc.gov.sa/
http://www.alriyadh.com/2010/05/18/article526857.html

اخووووي بالنسبة للاختراعات ومن ذا الكلام

اولا انا اقدر تفكيرك وموهبتك لكن عندي بلد مايعترف بالاختراعات وكلها لسلة المهملات.

لونا فاليابان يمكن تلقى دعم وتقدير لكن هنا زين ان احد حصل وظيفة .

انا مااقول ذا الكلام بحطمك لكن عشان تكون فالصورة .

وشوف ذا المقطع وتعرف ليش اقول كذا