يارجل الزمن هذا كل شوي يصعب توكل على الله وادخل الدورة واذا تخرجت ومشت امورك بيكون لك وقت تسوي اختراعك ومنها تقدر واذا نجح مشروعك ومشت امورك صح وقتها تقدر تسحب او تجلس بالمعهد

نصيحه كمل بالمعهد
المشاريع والاختراعات هاذي <- موهبه وليست مستقبل تبني عليه حياتك
انا شخصيا عندي موهبة في مجال ومعي شهادة من مؤسسة الملك عبدالعزيز ورجاله لرعاية الموهبين
وعدونا بملايين الوعود وان الشهادة راح تدعمنا بالتوظيف
وجتنا مديرة جامعة الخليج اللي في البحرين وقالت انهم راح يقبلونا عندهم
لكن كلها اوهااااااااااااااام واحلام
المخترع مايفيد الا نفسه

اما حنا بزمن السرعه كلن يبي ياخذ الشي بدون لايعرف شلون صار

فخلك على المعهد قبل لايجي يوم تندم عليه ..

حبيبي انت في السعودية

يعني بلا اختراع بلا بطيخ معك واسطة يحطونك العالم الفلاني ما معك واسطة مثلك مثل غيرك

احمد ربك واستخير وتوكل على الله

للمعلومية نبذه عن المعهد /
المعهد بيخليك بلبل انجلش
المعهد بيعلمك صناعة الطائرات كله متخصص بالقطاع الجوي
المعهد بيعلمك صيانة الطائرات

لا تفكر انه كله عسكرية في عسكرية

اخوي كان متنح والان ما شاء الله تبارك الله بعد المعهد بلبل انجلش وحول لطيران الدفاع المدني

المعهد يطورك ويرسلك بريطانيا او كندا للتطوير قبل وبعد التخرج

فرصة وصلتك ولا تفوتها

ما تبي عسكرية

خذ شهادة الخبرة والدورات ثم رح للخطوط السعودية وشف كم بيعطونك من غير البدلات

يا اخي يكفي انها شهادة فنية في اي تخصص وتحت اشراف اساتذه اجانب


استخير والله يوفقك

للمعومية سمعت انها 3 سنوات

يا اخووي المعهد فرصتك ... لآن انت ماعندك دعم ..


انت بتتوظف وتصير تدعم نفسك وتكمل اختراعاتك بدعمك لنفسك براتبك الشخصي وهذا شي حلوووو والمعهد كله انجليزي وألآت طيران يعني تزيدك ابتكاااار .. وفكره ..

وبعدين لا تقوول ان العسكريه تنسيك كل شي لا والله هي دووره سنتين ونص وبعده بأمكانك تبتكر وتخترع على كيفك اول ما ترجع من الدوووام نصيحتي لك ... هذا هو الدعم الاساسي ( هو من المعهد) ..

انشاء الله ربي يوفقك ونشوووفك بأختراعاتك بأذن الله الواحد الاحد الذي لا يخيب عباده المؤمنين ..

انا ما انصحك بالعسكريه ياخي كمل جامعه اذا كنت عندك طموح
كثيرين اعرفهم قبل مايتعسكرون قالو اذا توظفنا بنكمل دراسه ولكن بعد الوظيفه ماتهتم في شي الكرشه كيلو قدام


لاكن كمل الجامعه ياخي المعهد الي بتدرس فيه 3 سنوات بدال ماتدخل وتاخذ 3 سنووات كمل جامعه اربع سنوات وانت مخلص واريح لك وافضل لك


نصيحه اخويه

sa3oodi
احسنت والله فعلا العسكريه دمار وقتل للموهبه وانواع النفسيه
================================================== ===============
سرحان نجد***مشعل العقيص ***حبوب القصيم ***وفضاوة عاطل***ممدوح المزيني
بيض الله وجيهكم ولا هنتوا على الرد والمشاركه
================================================== ===============
تراتيل الفرح

اشكرك على طرح تجربتك ومعاناتك ودام طريقهم مسدود اجل بعتمد بعد الله على نفسي
================================================== ===============
اخصائي

اشكرك جزيل الشكر على ردك الي اعتبره من افضل الردود الى حد الان وفعلا كلامك مقنع
لكن اعتقد المشكله اني من الاساس سجلت في المعهد وانا ما اعرف عنه شيء

اشكرك كل الشكر على توضيح الصوره ويعطيك العافيه
================================================== ===============

ايش فيها اذا انت عسكري ومخترع احسبها صح وانت راح تدرس في معهد الدراسات الفنيه كان حلمي ادخله ولكن ...ما صار لي نصيب فيه كان حلمي اكون مهندس طيران ........ولكن لي سنتين عاطل والحمد لله على كل شي الله يوفقك وعقبال ما اشوفك افضل عسكري مخترع في العالم تحياتي

أنا كنت اتمنى اصير تاجر وعندي محلات وعمال

أقوم من النوم اروح اشيك عليهم وارجع

ما أحب الدوام والمواظبه

لكن بالأخير اكتشفت ان التاجر يعتبر (عاطل)

ودرست بمعهد خاص علشان يصير معي شهاده واتوظف

حصلت واحد هامور يدرس معي وعنده أملاك ويقدر يصرف على نفسه يومياً 5000

لكن ما عنده وظيفه

ومعهد الدراسات دخله أخوي من حوالي 10 سنوات

ما فيه دوام يذكر

وكله دراسه وتخصصاته كثيره على ما اعتقد

اقولك شي

الواحد اذا فكر انه يتزوج ويجيه عيال

وقتها بيقول وين الوظيفه بلا دراسه بلا مواهب

وأنت قلتها من البدايه تبي احد يدعمك مادي معناته لازم انت اللي تدعم نفسك من مخباتك

موضوعك حلو بس الوظيفه أحلى وتاريخ 25 ما فيه أحلى منه هههههههههههههه

الله يوفقنا جميعاً