19-06-2010, 11:46 AM
|
 |
عضو نشيط
|
|
تاريخ التسجيل: Feb 2010
المشاركات: 161
معدل تقييم المستوى: 251
|
|
المباحث العامة يوم الإربعاء 4/7/1431 بالتفصيل الممل ..
السلام عليكم ورحمة الله تعالى وبركاته ..
بأقول لكم شصار معي بالمباحث العامة يوم الإربعاء 4/7 بالتفصيل الممل ..
نخش في الموضوع على طول .. 
أول شي رحت للحاير والحمدلله مآآآآضيعت ,, رحت لهم مبكر على الساعة 5:15 تقريبا وانا هناك
عآآآآآد أول مآآآآوصلت مآآآآفيه زحمة ,, بس بعدين بدت الزحمه بس على خفيف
فكوا البوابة على حوالي الساعة 5:35 تجمعنا عندها وصفونا طابور ..
.....
و دخلنا داخل الساحة وكملنا صفة الطابور ..
ونادوا على اسمائنا وصفونا طوابير جديدة منظمه ..
وبعدين طلبوا منا نقفل جوالاتنا وحطوها بشنطه ..
وانتظرنا لحد مآآآزاد العدد وجا بآآص وشالنا <---- (( شالنا يعني ركبنا معه مهوب صدمنا  ))
فال الله ولا فالكم
...
المهم ونزلنا عند صالة كبيرة فيها تدقيق أوراق الملف ,, اللي عنده نواقص و اللي مآآآكتب الخطاب .. وكذا ..
وبعدين طلعانا على الإختبار التحريري وهذا اللي جاني فيه :-
ســ 1 :- أنسخ القطعة كما هي .. <------ طبعا فيه قطعة يبونك تنسخها زي مآآآهي بالظبط .. 
سـ 2 :- تحدث عن مكانة المملكة العربية السعودية في العالم الإسلامي . <-- بسيطــ 
سـ 3:- اكتب بيتين شعر لهما أثر شديد عليك .
^ هذا السؤال صارت له قصه ((مر من جنبي واحد من الأفراد وهو شوي حنيسه)) .
قال لي : خلصت .
أنا : لا والله بس عندي هذا السؤال وانا مآآآآلي بالشعر .
هو : أنت وش أنت <--- لاحول يعني إذا كنت من قبيلة معروفة لازم أكون شآآآآآعر يعني 
أنا : أنا من القبيلة الفلانية طال عمرك .
هو : ونعم . أكتب عندك (( يالله ياللي عالم بخفايا النفوس بعدين مدري وشهو مدري وشهو ))
أنا : صح لسانك خخخخخخخخخ (( أنتفخ راسه عاد هو راح يمشي ونافخ صدره خخخخ الله يوفقه مآآآآقصـّـر ))
سـ 4 :- تحدث عن نفسك , ميلادك , نشأتك , هواياتك ومهاراتك ؟
بس هذي هي الأسئلة اللي جاتني ..
......................
بعدها طلعنا على الفحص الطبي ..
وكان سهل مآآآآآقصروا .. في النظر وعمى الألوان كانوا معي متساهلين الله يوفقهم  ..
.............................
بعدين طلعنا على المقابلة .. 
وقال لنا اللي معنا : (( يالله الحين شيل الشماغ وارفع الثوب واربطه في وسطك وشمر عن ايديك وعن رجليك , واللي عليه شرّاب ينزله ))
المهم وسوينا زي مآآآطلب منا ..
وكان معي واحد من يثرب خخخخخ الله يوفقه كنت اسولف معه اضيع وقت ..
شوي وقال لنا تعالوا يالله مع بعض ..  <--- شلون ندخل المقابلة 5 مع بعض ؟؟
المهم دخلنا في غرفة و أول مآآآدخلنا قال : حياكم الله اقلطوا اقلطوا .. هههههآآآي من جد لعبوا في نفسياتنا ..
إلا فيه حافظتين كبيره فيها قرص <-- للي مآآآآيعرفه القرص أكلة لذيذة جدا ً جدا ً حقة البادية
وفيه موية بعد أنا شربت قاروره كآآآملة ..
المهم , طلعنا بعدها ورجعنا أماكنا وقال العسكري : وين مآآآفطرتوا..
قلنا له : إلا الله يبيض وجهك مآآآقصرت .. <----- الله يوفقه دنيا وآخره 
المهم جا دوري في المقابلة .. <--- فلم تشويق وآآآكشن خخخخ
ودخلت وسلمت .. وأول مآآآوصلت عندهم وقفت على الفرشة الحمرا اللي بالنص وقلت : صبحكم الله بالخير ..
وكان فيه واحد مآآآآ أدري وش رتبته بس باين انها كبيره ..
قال لي : وين كان ابوك شغال .. وأخوك .. ؟
و قال لي : وين اشتغلت قبل كذا يآآآفلان .. ؟
قلت له : مجموعة سامبا و مدينة الملك فهد الطبية وحاليا في وزارة التعليم العالي ..
قال لي : منهو وزير الدفاع والطيران ؟
قلت له : صاحب السمو الملكي الأمير سلطان بن عبدالعزيز ..
قال لي : طيب منهو وزير التعليم دامك هناك .. 
عاد وهقه مآآآآ أعرفه ..
قلت له : لا طال عمرك فرق أنا بالتعليم العالي .. ....
قال لي : طـيييييييييـب منهو حق التعليم العالي يآآآآلله ؟
قلت له و ( بالبؤ المليان ) : معالي الوزير الدكتور خالد العنقري ..
قال لي : أممممممم الله يستر عليك يآآآآفلان ..
..........
ورجعنا للصالة اللي أختبرنا فيها تحريري وإنتظرنا لحد مآآآ أكتمل عددنا ورجعنا للباص وقام العسكري يوزع علينا جوالاتنا ..
ووصلنا لحد البوابة ...
 يعني أروح البيت وأصكها نومه ,,, أخيرا ً  ...
كانت تجربه ممتعة بقد مآآآآهي مربكة الحقيقة ...
.................................................. ....................
أتمنى يكون موضوعي مرتب وبسيط و واضح ..
و الله يوفقنا وياكم وأدعوا لنا بالقبول النهائي , جعل الله يجمعنا بالدورة جميعا قولوا آمين ..
آآآآآآآآآآآآآآآمين
...
..
.
|
العرض الشجري
