السلام عليكم ورحمة الله وبركاته
وصل الى الرياض صاحب السمؤ الامير عاطل عشر سنوات وهاهو يلوح بيديه الكريمتين الى
على مدينة تدريب الامن العام في الرياض وكان في استقباله الحر الشديد وزحمة السيارات
وغيرهم من الوزراء وغفير من الجمهور
لم يبقى دخول الدورة سوا ساعات قليله والقلب لا اعلم ماذا اصابه
انا الذي كنت اتوقع اني اشجع الناس ( اثري قلبي رهيف ) لماذا في الايام الاخير لا استطع ان (انجضع) واصبح نومي بعدما كان عشر ساعات اصبحت ثلاث ساعات من التفكير والرهبه
فالشيطان يوسوس لي ( انحش , اشرد , خلها تولي , يلعن ام الغثه 11 شهر , اقول توظف بشركه احسن لك , شايب مع بزران , راح يهينك المدربين ) اشوف الشيطان اللعين ماهو كالمعتاد يوسوس لي في البنات والزواج ويشيشني على الزنا ( رح البحرين , لا الشام احلى , لا مصر البيت بيتك , الى متى وانت اعزب , عادي ازني وربك غفور رحيم ) بس اول مره احس الشيطان غبي
طيب من وين الفلوس
انا الذي كنت اتوقع ان قلبي جامد وشديد ان ارى الدمعة تتسلل من العين الى خدي << اوخص

ياشباب انا بالرياض والله ولا شريت اي شي توهقت الحين كل ماجي عندي راح محل اقول ابي بجامه سماويه يعطوني بجامه لها ازرار كبيره مثل حقين الممرضين اقول ياخي انت تستهبل عطني بجامه حقت نوم يقول ( هزا في بجامة نفر كتير ياخذ علشان دوره يبغى يشتري ولا بس قرقر كتير )
يلعن امه فشلني قدام الناس
ياخوان انا ماهي قصدت فلوس ولا لا الحمدلله سلفني واحد من الجماعه طبعاً يوم درا اني انقبلت بالامن العام ولا قبل حتى السلام مايرد علي المهم نرجع لمحور حديثنا مبارة الجزائر انجلترا كانت مبارة قويه من الجانب الجزائري <<<< عفواً شطحة على قولك الاخ الم
المهم ياربع ماحد يخبر محل يبيع بجامه مثل الناس مافيها ازرارات الكبيره ابي بجامه ساده والله ماقدر اشتريها ياخي احس ماهي راكبه علي هذا مثل الي يقول البس جنز وبودي
الحل الحين اجيهم بدون بجامه والبس الفانيله والسروال الداخليه ؟
بعدين في ناس يقولون لازم شهادة الاصل انا ماجبتها لنهم ماذكروها بالموقع والحين قمت اوسوس
ارجع للديره بس المسافه بعيده بس غريب وش يبون بالشهاده وانا بالدوره ؟
شي ثالث انا بشتري بدله وحده وكندره وحده وكل شي يقولون اثنين ابي اجيب واحد وكل شي يبون يقولون عشره ابي اجيب خمسه ماعندي ياربع مزانية منتف منذو عشر سنين
شي رابع شرايكم ازرق الجوال ولا لا واذا تم كشف امري يفصلوني ولا بس يعاقبون
شي خامس ليش احس اني ماني مرتاح وليش الخوف هذا الي فيني مع اني مشهور بشجاعتي
هل معقوله طلعت مهايطي <<<<
ولا هذا احساس الكل يمر عليه ؟
صح قبل انسى وشو صابون معقم جل كل ماسال احد يقول مايعرف ؟

الله يوفقكـ اخوي
وعقبال التخرج ان شاء الله

الـحمد للـه على السلامـة

لاتشيـل هـم وأنا خوكـ تتيسـر

إحسـآس طبيعي يآلغــلآ



ثـآبـت يآ عسكري ترآك قـدهـآ وقـدود

ياربع تكفون ردو على اسالتي اخوكم متوهق بالبجامه

وعليكم السلام ورحمة الله وبركاته

• ياخوي يعلم الله أني متابع ردودك رجل محترام والله اني أدعيلك من كل قلبي
• والله أني أحبك في الله
• البجامة جيب أي بجامة أصلا ما تحتاج البجامة غير وقت النوم
• نصيحة أخ صغير لخوة لا تدخل معك الجوال يمكن يلقونة معك ويستبدلونك بواحد من الاحتياط لانهم يبون الزلة عليك
• الشهادة الاصل ما هي مكتوبة ولا تخاف أذا معك صورة لها جيبها ما معك هم مو مكتوبة
• والخوف والرهبة ذي شيء طبيعي لانك مقبل لحياة جديدة مر بها كل عسكري وكل طلاب الدورة قسم بالله زيك خايفين
• أذا دخلت الدورة يا تطلع بشهادة التخرج يا تطلع بكفنك أنت لك عشر سنين عاطل والله السعوديه كلها ما تلقى واحد عشر سنوات عاطل
• أقراء على نفسك وأذكر الله وأذا تصلبت أستغفر وأشكر ربك
• الله يوفقك ويارب تسهل الدورة عليك وإن شاء الله تععينك في ديرتك
• تقبل مروري

دور بجامه المطلوبه او جبلهم اي شئ يقارب لها بالنسبه لشهادة الاصل لا مايحتاج صووره تكفي