جزاك الله خير

اخوي عبدالله

كلامك سليم .. بس لما تكون انت هناك تعرف ان البلديه جات تشيل بسطتك وتمشي
في بعضهم لآ بيجلــس ويبي يمشي رايه على البلديه هذا يستاهل
هم اللي في البلديه .. وماحلفتني بالله .. يجون دايم بس بدون سيارتهم يقولون
ياجماعه نظموا البسطات عشان مانشيلها لكم ومن هالكلام
بس العالم يوقفون على باب الحرم مايخلون المصلين يطلعون حتى فكذا اكيد بيطفشونهم
فلما تمارس الشغله بتعرف كيف تخارج نفسك من هالبلديه
وتعرف الاوقات اللي يكونون موجودين وكل شي
واشكرك ع الطرح ..
تحيتي لك وللجميـــع

فعلا ً عاطل اول .. لو تجلس البضاعه .. ما عليها خوِف ..

وثآني شي الامانه مطلوبــه ..

مشكور ع الطلــه .. ولايهون زيزوو .. والمآلكي

دمتم بخــير حال

الله يجزاك الجنه ويحرم وجهك عن النار واضح من كلامك انك تبي الخير للغير الله يفتحها في وجهك بسئلك الحين من وين نجيب هالشالات الي تتكلم عنها يعني وين اماكن بيعها وش تعنى بالخرداوات ؟ ومن وين نجيبهم

طيب انت سمعت كلام ويمكن من انسان يقول اماني او انت تقول اماني فهل انت مجرب الشغله او تحمس لمجرد كلام سمعته ومتى صارت المكاسب هذي هل هي الان او قبل سنوات وكم مكاسب الباقين او على الاقل تمشي بضاعتهم او لا

في المدينه الرزق مبارك لكن المفسد تلفظه هذا الي ينقال عنها وقبل شهر او اقل جلس واحد من اقاربي ينصحني فيها وهو عايش فيها واعطاني ارقام خياليه تاما زي ما اعطاني واحد ارقام خياليه في مكه ويوم وصلت لمكه لقيته يتشكى ان الموسم ما جا وتعبت في توفير اجار السكن المصاريف ولقيت ان الشغل برى مكه فيه مكاسب اضعافها فجهد الساعتين برى مكه كلفني جهد من الفجر لعشره الليل وقلت ان ممكن عشاني غشيم في مكه ولقيت كل من اسأله يتشكى ويقول المكاسب في الموسم فصرت متخوف من مكه لان في الموسم زحام واجار السكن غالي ومافي مشكله اذا بيشيلو البضاعه بعدما تطلع مكسب لكن المشكله ان الي موظف في البلديه يكون حاط له اجنبي في البسطه يبيع له او تاجر او حتى مسؤول وانت تجي تنافسه على شغله فلا تقول السعودي كسول والاجنبي شاطر قل القانون يوقف مع من اقولك من الشاطر ومافي مشكله اعطي موظفي البلديه ثلاث ارباع المكسب لكنه هنا بيدقر الين ما يتطمن هل انا مجرد بايع جاي من برى البلد او اني ادفع له لجل اجيب اثبات عليه وما ادري عن المدينه لكن هذا الي مجربينه تلاقي السعودي تتصادر بضاعته بسم تشويه المنظر العام والاجنبي يكمل شغله ويكون واجهه حضاريه للبلد

اعطنا تجربتك انت ومالك الا الي يجي زي الحجيه وحاط بقشته على راسه واذا بعت ولقيت مكسب فوق تكلفة الشرى وجت البلديه بقولهم شيلوها هديه قل بس هل هذي تجربتك وهذي فعلا الارباح الي توصل 3000 في اليوم وبهذا السهوله او مجرد اماني او كلام عن ارباح في وقت مضى وطارت الطيور بارزاقها

مشكور جزاك الله خيراا

السلام عليكم ورحمة الله وبركاته كلامك صحيح والله يديك العافية...

السلام عليكم
كلام اخوي عاطل للنخاع سليم ميه بالميه وانا مجرب هالشغله عندي في مكة
وكانت عندي بسطه صغيرة ابيع فيها ساعات اشتريها من الميناء بجده بتراب الفلوس وانزل ابيعها بمكه وكانت البسطة جنب الحرم قريب من هيلتون ودار التوحيد وكانت ايام عز بصراحة ساعات والله لو تشوفوها ماركات واشكالها خيالية لكن البلدية والله ماخلتنا في حالنا ان لقونا شالو البسطة ماغير اذا سمعنا انهم جايين شلنا البسطه ونشرد تقول مجهولين هوية
كانت ايام هجولة لكن حلوة انك تتعب وتطلع هالريال من تعبك
ياشباب كنت اطلع راس مالي في يوم والبضاعة كانت تخلص بسرعة يعني الشغل كان حررريقه زي النار
الشغلة هاذي مرة حلوة ومولازم تكون في مكة او المدينة لو تكون في الرياض الاسواق والمجمعات والمساجد
انا اتمنى يكون معاي ونيت اي موديل اهم شي عندي الحوض اتررررس الحوض العاب وخردوات وكل فرض اكون في مسجد منها اصلي وادعي ربي وبعد الصلاة اترزق الله بس اخاف البلدية تقولي انا وراك وراك
فكرو في هالشغله يارجال واسف على الإطالة
تقبل مروري

جزاكـ الله خيراخوي ياليت تورينى صور للبضاعة