بسم الله والحمد لله
شباب أنا مقدم على الامن العام في الرياض وعندي موعد في 10/5/1431هـ لتسليم الاوراق (الكشف الطبي و البصمات ودفتر طلب الالتحاق)وفي نفس اليوم سيتم اجراء المقابلة طبعا انا كان موعدي الاول في 11/4/1431هـ وتكلم المقدم المحرج مدير شعبة القبول والتسجيل وقال انتو أنشاء الله مقبولين كفرد اساسي في الدورة واللي يخلص الاجراءت والمقابلة بشكل سليم سيكون دخولة للدورة مضمون 100% ولا بد من حلاقة الراس على رقم 1وتكون منظرك زين عشان لو ماعندك سالفة في الثقافة العامة اقل شي تنقبل عشان انك مرتب ونظيف المظهر لانك ستمثل (((الدولة))) ملاحظة اللي كان موعدهم قبلي ب يوم او بعدي ب يوم ماأدري وش قالهم المقدم بس أنشاء الله أني مقبول ****قول أمين **** وانتو بعد

لذا ولآهم لابد من التعاون مع بعضنا البعض لعل تعم علينا الفائدة خصوصا ان كثير من الشباب اول مره يسوس مقابلة واهله على قد حالهم خلة يشيل عن ابوه شوي ولا كثير من أعباء الحياة
اللي سواء المقابلة سواء في الرياض او في اي منطقة اخرى يعلمنا وش صار معه

وأهم شي الصلاة والدعاء واللي ابوه وامه زعلانين علية لايروح المقابلة الى قد سامحوه ودعولة بالتوفيق وفي الاخير لاتنسوني من دعائكم لعل الله يرزقني بالوظيفة وأنقبل نهائيا وأدخل الدوره

سبحان الله
هاذا كان موضوعي اللي كتبتة في شهر4قبل المقابلة بأيام
وألحين الحمد لله قبلوني أخيراااااااااااااااا وأنا في المجموعة الخامسة اللون رصاااااااااااااااصي ما أكذب عليكم والله أني خايف شوي
ولاكن كل يوم أشوف واحد من اخوياي أيام الدراسة يفر على جيب الدورية في الحاره وأنا يزيد عندي الحماس يوم بعد يوم ياشباب أكيد أنكم خايفين بس الدعوه كلها هرولة وتمارين رياضية وشوية تشريق في الشمس أول يومين النفسية زفت لاكن بعدها عااااااااااااايدي لأن معك 4000طالب ياخي تعرف على 4بس وفلها معهم كلها أيام مع التعب والنوم بتروح يوم ورى يوم وقبل ماتشرد فكر في أخوياك اللي تخرجوا ماهم أرجل منك تحملوا ياخي أقراء قراءن وفي الطابور أقراء أيات صفيرة و ترى البكاء يساعد النفس على التخفيف من التوتر والضيقة وبعد ال45يوم تروح البيت وتلاقي أبوك سادحلك خروووف (مفتخر فيك) ياشباب ما أنساء هل لازم لبس رياضي رصاصي يعني الفنيله والسروال رصاصية كلها ولا لا
وأي أستفسار أنا حاضر ومستعد واللي معي في المجموعة الخامسة يراسلني على الايميل عشان أخاوية في الدوره ونسلي بعض sami.1409@hotmail.com
أخوكم سامي اليامي
والف الف الف الف الف الف مبروك للي قبلوهم