خــلآآآص شكلها ما يبيلها إلا برى

نبي نشوووف أرزاقنا .. إذا استمرينا بهالوضع عز الله خسنا


للأسف اللي هنا ماعندك أحد والمشكله موب حاسين بمعاناة شباب البطالة ..

لازم واسطه واسطه إلى متى ؟!


حسبي الله عليهم

المصيبه تقولون خبره وخبره واقل شيئ ( ثلاث سنوات ) يعني من وين اجيبها لا فيه تدريب ولا تسهيل للوظيفه شروط تعجيزيه جداً والمصيبه ان الراتب بخس ولا يكفي حتى للقوت ؟؟

ليس تشائماً لكن بالفعل الامر بحاجه الى تفكير جدي بالهجره خارجاً للظروف المعيشية القاهره وعدم ايجاد اي حوافز وظيفية ولا ماديه

على النقيض تماماً اخينا بالله اللبناني صاحب الوجه الحسن والعيون الزرق والشعر الاشقر ( بدها هالاد ) !!

ناس مع الوافد وناس ضده ... السالفه ياجماعه نبي نعيش بكرامه ولاحد يجي
يمنا ولاحنا نجي يمه ... راح الاجنبي ولا جااا ... الخطا مو خطاه ..
خطا الحكومة .. وكل ٍ اخذ نصيبه من الظلم مايكفيه وزياده ... فحسبنا الله وكفى

شمس الصباح كلامك في محله وكلام سعود ماننكر فضلهم ومشاركاتهم ومن ناحيتي انا دكاترتي اللي بالجامعه كانوا من جنسيات اخرى ومن بعد الله لهم الفضل في تعليمي خير تعليم وكمان سويت عمليتي الزايده وكان دكتور اجنبي و كان السبب في نجاح العمليه وغيرها وغيرها ماننكر بس لاتنسى حاجتين اخوي :الاجنبي هذا ما جا ببلاش يفيد ويستفيد ياخذ راتب اللي نحلم الحين وناخذه ,,,,
وثانيا ما سبب العنصرية هذه الا سياسة الدولة ,,لو حدت من البطالة ماصار الي صار...بس الله يكفينا شر الانظمة والله ما عدنا نطيقها

الله يعين

لو قلب الموضوع وقال اطرود الموطن من البلد وخلو الاجني يصير افضل
السبب بهذا الشي الحكومة الف ___ تشتغل بالقطاع الخاص براتب 1000 او
اقل بعد وش بتسوي بها المبلغ تقدر تزوج تقدر تشتري سيارة الاجنبي يشتغل براتب
300ريال مثلا طبعن يشتغل 30 مهنة يسكن مع 100 عمل من جامعتة ولا يصرف شي
راحت كم شركة وسلت واحد من الموظفين لة ماتشغلون الموطنين قال ياخي لو
جنا مثلا عشرة من اهل البلد رواتبهم مثل 1000 يعني بالشهر عشرة الاف بينما
نجيب 20 بنقالي بنص هالمبلغ
مالك الا ثلاثة حلول
1-تشتغل وتنكرف براتب زهيد وانسا انك تزوج وتكون اسرة
2- تفتح مشروع
3- تنتحر

هذا شي من زمان لابد يصير
وإذا ...... وبتحديد لم صارت العطاله منتشر
ولا تريدون شباب
لاتعليق اتمني الجميع فهمقصدي في هذا الكلاام

والمثل يقول الصبر مفتاح الفرج..من سهر الليالي نال العلا..

صحيح الأيام الأولى ولت والأوضاع تغيرت وأيام الطفره بدت وأسبابها كثيره منها الواضح ومنها الي الله يعلم فيه، مع ذلك المملكه لازالت تتقدم وتتطور وتشوف المباني تزدهر في أحياء كثيره معقوله كل الي بيشتغلون فيها أجانب أكيد لا، وإن صار فالسبب واضح إن إذا السعودي ما غامر واجتهد واشتغل أي وظيفه حتى لو راتبها كان ضعيف أنه ما راح يتطور وبيجي غيره ينافسه والي راح يجيبهم السعوديين أنفسهم، لأن الأجنبي يبدأ بأي راتب وبأي شغله حتى لو كانت بغير مؤهلاته أو غير ما يتمنى لو براتب زهيد جدا وما يكفيه ويجتهد ويتقن بعمله بس مع السنين تلقى راتبه أضعاف ما كان يتوقع والسبب واضح مثل ما قال الله تعالى : ((أن الله لا يضيع أجر من أحسن عملا))

لو كل واحد يستوعب هالآية ما راح تلقى أحد يشتكي.. والله يوفق الجميع..