شباب والله حرام إلي يصير اليوم مريت على مركز تدريب مكه والله العظيم أن الهروب واجد مجاميع يعني كل شوي وواحد طالع بس كنت هناك اراجع في عشر دقايق حدود سبعه اشخاص انسحبوا وانا اسئلهم ليش شباب والله ما يصير وهم يقولون مانبي الدوره ذي تقول انهم يبون يتمشون والله حرام ويش ذنب إلى بالبيت والله عيب عيب عيب

ذولي يارجال متعودين على الراحه ويدرون ان ابوهم بياكلهم ويشربهم زي مايبغون ومتعودين على الدلع ..

مشكلة العسكرية في تعب نفسي وتعب جسدي فما ادري اي تعب يعانوه بس بالدورة اعتقد الاثنتين

الله المستعان

لاحول ولا قوة إلا با لله




ايت مدينة تدريب الي رحتلها

مدينة مكه

شوف ذا الي ساب الدورة وربي انه ليندم طول عمره ويحلم يدخل الامن العام بعد واصلن وين بيودي وجه من اهله في البيت ياخي اقل شي اختك تطالع فيك تشوف ان مافيه فرق بينكم الى بالاسم والله عيب وحيف على الرجال وربي لو يقطعوني لو اعرف انه موتي عندهم ماشرد ياخي انت عارف ابوي وش يقول لخوي يوم دخل العسكرية يقول اذا هربة من الدورة حط طرحة على وجهك ولا تدخل معي مجالس الرجال وربي اخوي انه يقول 6مرات اوصل حتى البوابة واتذكر كلام ابوي وارجع وفي النهايه هي ماهي قطع راس كرف كم شهر وتتعود وتنسى وعلى فكرة يقول اخوي صح كرف وتعب بس يقول احلى ايام حياتي الدورة والشباب الي فيها يقول يوم التخرج واحنا نوادع بعض واحد من الشباب بكى وبكانا كلنا

هذولي وانا اخوكـ دلوع بابا وماما

والله مو دلوع إلى بنيه يا رجال

واحد اليوم قال لي نفس الكلام هروب واجد ................

انا بكرا بروح عند حقت الرياض واي واحد بينحاش بوصله لبيتهم