السلام عليكم ورحمة الله وبركاته...

لدي مشكله ياجماعة الخير رجيتكم اللي يقدر يساعدني لو بدعوه صادقه ..
ياجماعه لدي إثنين من الأخوان غير متوظفين ..الكبير عمره 30 سنه..والصغير 28 سنه ..بدوون وظائف وهم خريجي جامعه ..ياجماعة الخير والله ماتركوا باب ماطرقوه والله العظيم أن الإنكسار واضح على وجيههم ...الوالد الله يحفظه مدرس ومتزوج 3 زوجات يعوول 40 شخصا الراتب والله مايجي بداية الشهر إلا وهو لم يتبقى منه شيء ..الديون أثقلت كاهله ....
تخرجت انا من الجامعه وبقيت كإخواني عاطله ..لايهمني توظيفي بقدر مايتوظفوا إخواني ..
ياجماعه اللي يقدر يوظف إخواني والله له من الأجر مااالله به عليم ...
ساعدوونا ياجماعة الخير اخواني فقدوا الأمل ..فقدوا الصحه .
آآه والله ان سبب كتابتي للمووضوع هو حال إخواني المزري ..
خريجي جامعات ..بلا وظائف ...منذ 7 سنوات متخرج اخي الكبير ياناااس ساعدوووني
صرخة من أخت لكم في الله تتنتظر من يساعدها ...
رجيتكم الله بيده شيء يساعدني في إيجاد وظائف لأخواني .
>>مادري وش اكتب والله دموعي ع خدي تعبببببببببببت ..
أنتظر ردودكم تكفوووووووووووووووووووون..

رعشة امل الله يرزقك انت واخوانك هذا الي اقدر اقولك..
انا زواجي بعد شهر ومتخرج من الجامعه لي خمس سنوات والى الان عاطل والمشكله الكبرى ان
زوجتي لها اخوين وحد متزوج وله اربع عيال وعاطل الى الان والثاني توه متخرج وعاطل يعتني لا الاخوان
ولا الزوج كلنا عندها عاطلين الله يفرجها من عنده..
واظن ان المشكله في كل بيت لاني اعرف دكاتره وحملة الماجستير ينافسوني على وظايف للبكالوريس من الجوع
والعطاله والى الان ما توظفوا وما تصدقين ان فيه طيارين عاطلين ومن جميع التخصصات..
فيه نذاله بين وزارة الماليه ووزارة الخدمه ووزارات اخرى تريد ان نصل الى حد الا ادميه..
تقبلي مشاركتي حتى تخفف عنك المك وصرختك وليس عندي غيرها..
وعسى ربي يجعل من صرختك حل لمشكله عانا الشعب منها..

انا اخواني 5 وربي ولاواحد متوظف وظيفه زي الناس كلهم
شركات بـ1800ريال و 2000 ريال

مو بس انتي

حتى الجامعيين مالهم وظايف هذي كارثه

اخوي روحي بجسدها ..ياربي الله يعينك وربي حالتك برضوا صعبه ربك يفرجها علينا وعليك يااارب ..
الله يسعدك ويرزقك من واسع فضله يارب مشكوور ع الدعوه ..لك بمثلها يارب ..

ممرض ..مليت خلاص
الله يزين الحال يارب لنا ولكم وللجميع ..

ياارب ألاقي مين يساعدني ..ويفرحني بوظيفة اخواني ..يكفي اهلي اني تزوجت وتطلقت >وربي احس بالفشل لاحول ولاقوه الا بالله .
لاوظيفه ولاشي يارب سترك ورضاك بسس..

دامك مستوره واهلك بصحه وعافيه
تأكدي انك بخير

وفيه عوائل تعاني كلها من المرض والاعاقات

احمدي الله يابنت الاجاويد

وربك معاكم

الله يوفقكم يارب
اختى انتو من وين
انا سمعت ان الهيئه الملكيه بالجبيل تبي مدرسين وفيه تسجيل بتاكد لك اكثر
وفيه شركة الغامدي بالدمام تبي رجال امن الراتب 2800
لايفكرون بالراتب بالوقت الحالي اهم شي يشتغلون حتى لو الراتب قليل وبعدين يقدمون ملفاتهم على سابك والهيئه وارمكو وهم بشغلهم لحد مايجيهم تعين اعرف ناس من اهلنا اشتغلو عند الغامدي لحد ماجاهم تعيين بارمكو قدمو استقاله والحمد لله
على العموم اي مساعده ارسلي لي على الخاص والله يوفقكم

مشكورين الله يعطيكم العافيه..اخواني من سكان المدينه المنوره ..
من لديه اي وظيفه لايبخل علي ..وشكرا لكم