والله مدري وش اقوول بعد ماسمعت المقطع وادمي قلبي ردود بعض الاعضاء
اللي بكلامهم كأنهم يقولوا هي اللي جابتها لنفسها تتحمل مايجيها زود على احتقارها تفضحوها وتذلوها ..حنا مانقول ماغلطت لا الغلط راكبها من راسها لساسها ..
بس ترى حتى انتم تغلطون واحنا لسنا ملائكه مطهرين كلنا بنغلط .
انتم نفسكم يامعشر الشباب لاتكفون عن السفرات والغناء ورؤية الحرام لست اعمم لكن متأكده ان ثلاثة ارباع شباب السعوديه كذا ولا احد يطلع لي يقوول حشى ماني كذاا تهبوووووووووووووون .. بنزواتكم ماتقصرون على انفسكم مدبرين اعماركم لكن البنت معذوره مكبوته وعايشه بعالم ثاني بمجرد مايطلع لها الشاب ويقولها كلام حلو ويوهمها
اكيد بتصدقه اذا انت يالابو لاهي وانت يالاخو بس حاشرها او اصلا مو معطيها بال اكيد بيصير فيه ضيااع ... راقبوا افعالكم مع بنات الناس وكلامكم عنهم
و بعض الرجال مايقصر بالجرجره بالحكي او غيره ..انا ماادافع عن البنت لكن انا متأكده ان اي شاب يحتقر بنت بيجي يوم من يحتقر اخته او بنته او زوجته صدقووني ( كما تدين تدان ) مو لازم بالفعل حتى بأقوالكم هذي رآح تتسببون على أنفسكم ..

يعطيك العافيه
والله لايحرمك من الاجر

اخواااااني..الله يعطيكم العاااافيه عالمروور..
شاكره لكم مشاركاتكم الغاليه..والتواصل الطيب
الله يبعدكم عن هالاشكال..ويستر عليكم
ويرزقكم الخير فالدارين..لاهنتم

بعد الردود الي توجهت لي انا والاخ حتماوي والاخ صقر روقان بطريقه مباشره او غير مباشره

احب اوضح لكم بعض الشغلات ويا ليت تفهمون الوضع


وانا اتكلم عن نفسي عشان اخواني حتماوي وصقر روقان ما يصير بخاطرهم

اولا يا اخواني واخواتي العزيزات الكريمات

اغلبنا سمع المقطع واللي صار فيه سواء كان صحيح او كذب لأنه بكلتا الحالتين هو يمثل واقع وهذا شي فعلا حاصل والطرفين اللي فيه بكل تأكيد لا يمثلون لا شباب ولا بنات هم ما يمثلون الا انفسهم
ولكن انا لمى تكلمت لأن الكلام كان صاير على الشاب وانه ما يخاف ربه وان ما فيه خير ومن هذا الكلام
طيب ليه اللوم موجه للشاب نفسه هو حاله حال البنت كل واحد فيهم له شهواته وله غرائزه
لكن ليه البنت غير ملامه بالحال هذا
انتوا الحين زي اللي يقول انه مو ذنبها انها اعطته صورها لأنها وثقت فيه وان كلامه كان غير ويوم اعطته صورها قلب عليها
ترى احنا برضه ما نقول ان معاه حق لأنه اعطته صورها من حقه يفضحها
هذا الشي لا هو من حقها ولا له حق باللي سواه
لكن يا كم احنا نسمع من هالقصص بالجرايد والتلفزيون حتى من السوالف بالمجالس وبكل مكان
يعني هي ما عمرها سمعت من هالسوالف والله اني اجزم ان 99 بالميه من البنات يعرفون هالسوالف وسامعين فيها ليه هي وغيرها بعد ما تسمع ما تعتبر والا على قولة المثل (( ما اسهل ان تكون عاقلا بعد فوات الاوان))
وهذا الشاب ما نعتبره الا شرذمه ولا يمثل الشاب وخاصه الشاب السعوديه ترى وربي ان شباب السعوديه حتى لو كانت عليهم طلعات مالها داعي وخبالات واستهبالات الا انهم بمواقفهم وافعلاهم رجال وفيهم غيره وحميه والحر فيهم ما يرضى المهانه لنفسه ولا يرضاها لغيره حتى لو كان عدوه
دايم يقال الذئاب البشريه ليه ذئاب بشريه يعني ما فيه حية بشريه هههههههههه
وينكم عن البنت اللي بكامل زينتها برى وتغري خلق الله واذا لحقها واحد يرقمها تقول انقلع يا قليل الادب
ليه وانتي مو قليله ادب؟؟
هذا عيب المجتمع السعودي العسكري والحرمه مصدقين والشاب ملعون ابو خيره بكل الاحوال
انا ماني معاه ولا اقول ان الشاب اللي بالفديو معاه حق باللي سواه ولا نأيده على اللي سواه وزي ما قلت هذا شرذمه وعديم تربيه واخلاق ولكن المشكله انه هو وغيره عليهم الملام
واذكر لكم مثال:
بنت بالسوق ولابسه عبايه مخصره وطاقه اللثمه وحاطه مكياج ولابسه قصير وفاكه العبايه وكراعينها تطلع مع المشي ومر من قدامها شاب في امان الله واشرت له قالت الحقني
ولمحهتهم الهيئه مين بينقفط خخخخخخخ
عز الله بياكل تبن خاصه اذا البنت شافت الهيئه وقالت واااااي وااااااااااااي فكووووني منه هذا ذئب بشري عاد الشيخ بيقول استري نفسك يا حرمه وانقلعي وانت يا ملعون الصلايب تعال تعال اااااااابو من رباك ومسكوه بالقسم جلدوه وحلقوا راسه وكتبوا عليه تعهد
(( ملوحظه انا ماني من معارضي الهيئه اسأل الله ان يوفقهم ويسدد خطاهم))
اما بخصوص سالفة الكبت وما كبت لو جينا بناخذها من ناحيه شرعيه فالكبت اللي انتوا فيه والله ماهو انا اللي كابتكم ولا غيري هنا الكلام عن دين وهذا شي مأمور به شرعا ولا اي واحد بالدنيا يقدر يقول هالكلام واستغفر الله من قول كبت هذي اسمها عفه واحتشام واللي مو عاجبها الكبت تغير دين الاسلام!!!!
يعني الحين مو عاجبكم الكبت اللي انتوا فيه؟؟
تبغون الفلته؟؟
لو جينا بناخذها من هذا المنظور احنا بعد مكبوتين ما فيه مراقص ما فيه شراب ما فيه دعاره ما فيه فله بس هذي تعاليم دينيه ولازم نلتزم فيها
واحب اوضح نقطه مهمه الشاب لو بغى يجيب بنت ما يقدر يجيبها بيوم وليله اما البنت لو بغت شاب راس مالها توقف بالدريشه والا خلق الله طوابير
الا تعالوا بخصوص سفريات برى يعني حاسدين الشباب على سفر برى تبون تسافرون انتوا بعد والا كيييف؟
يا ناس يا عالم خافوا ربكم واحسبوا كلامكم قبل تقولونه
ترى يوم القيامه ربي يحاسب كل واحد بأعماله ما يحاسب هذا انه رجال وهذي حرمه
والا هذي مكبوته وهذا فلتان يقدر يسافر
ليه تحكموا على الشاب انه هو المذنب (( الأكبر )) وان البنت ضحيه
حتى في القران تلاقون الاحكام متساويه على الرجل والمرأه
والسارق والسارقه ... والزاني والزانيه
(( والسارق و السارقة فاقطعوا أيديهما جزاء بما كسبا))
استغفر الله العظيم ما قال والسارق فأقطعوا يده والسارقه مسكينه ضحيه اجلدوها بس
الذنب واحد سوا كان رجل والا أمرأه

لا تخلوا العواطف تسيطر عليكم وتحكموا بناء على عواطفكم
الحرمه معروف انها تفكر بقلبها وعواطفها بالتالي احكامها بتكون مع اللي بمكان الضحيه حتى لو كانت بالاساس هي الجانيه
وهنا مشكله احنا ما ننظر للأساس ونحكم بالظاهر
اسف على الاطاله واعتذر اذا اجحفت بالكلام ولكن اعتبروها دردشه واختلاف الرأي لا يفسد للود قضيه ورجائي الخاص يمكن اكون حطيت بعض التفسيرات والاستفسارات المغلوطه وهذا ليس من سوء الظن ولا من التهجم ولكن هو بس للتوضيح واعذروني وانا اسف
احبكم كلكم
تحيااااااااااااااااااااااااااااااااااااااااااااااا ااااااااااااااتي

: tsfiq::t sfiq:
اصفقلك بكلتا يدي..أخ عبدالله
>>صراحه مالي كلام من بعد كلامك..ماشاءالله مشاركه انعبرت فهي تعبر عن رقيك..وفهمك..وطرحك الراقي..والسديد!!
>>تصلح تصير محامي فالمستقبل..^_^
انت اصبت..وفي نفس الوقت لاتخلو من الاخطاء..
((عشان اكون عادله معك..انت ما اثنيت لا عالشباب ولا عالبنات..لكن الواقع اللي انا اشوفه..والله الشباب بس يشوفون زول بنت..مايصدقون خبر..سواء كانت محتشمه..ام لم تكن؟؟
*والله اني زرت بعض من المناطق وفيها اسواق ..تكاد تخلي من وجود رجال الهيئه..والشباب يسرحوون ويمرحوون..على كيفهم))
{{لو بنجلس للصبح .. مانقدر نحل هالقضيه..في مخطي وفيه مجني وجاني..ومعتدى عليه..وشهود وعيان}}
لكن شاكره لك رأيك..اخوي ودمت بحفظ الرحمن

الله يوفق الهيئة يااارب لردع مثل هؤلاء الذئاب والله يستر على بنات وشباب المسلمين
يعطيك العافية على الموضوع

اللهم لك الحمد على ان هديتنا يا ارحم الراحمين وجنبتنا طريق الحرام

الغلط من الأثنين

ومن البنت اولا التي تفتح لشاب باب التلاعب معها

أسأل الله لنا الستر والثباات

و الهدااية للجميع .

شكراا لك .