عودت نفسي كل ماشددت للهمه ركاب ماصد وجهي عن طريق الا لجبت خبره
الصاحب اللي مايجي من صحبته غير العذاب انذراً علي ان ماهجرني ولا انا اللي بهجره
من يفتح لفرقاي باب افكله عشرين باب ولا خويي ما يقدر خوتي ما قدره
ان راحو فانا بريئ منهم ليوم لحساب وان جرحو قولوهم ماحركو فيني شعره
شفهم لهم حول السنه ولا اخذو مني جواب احسن دوا للي يحاول يستفزك تحقره
انا جمعت اوراقهم بكتاب وغلقت الكتاب ياوقت لم اللي تلمه وانثر اللي تنثره
ماكنت احاتيهم صغير عاد احاتيهم شباب اما ذخرني صاحبي لليوم الاسود مذخره
عقب اكتأب البارحه ماعاد انا حمل اكتاب الطيب جرجرني وانا مانيب ناقص جرجره
اللي يخاف من الظمى يتركلنا طرد السراب واللي مو بقد الظلام وحشته لا يسهره
انا تجرعت اظمى لين احترق وجهي وذاب انا كسرت بخاطري قبل الصداقه تكسره
انا خسرت اللي غيابه غير عن كل الغياب انا غفرت لعالم ما تستحق المغفره
انا اكثر انسان تعلم من كثر ماخطا وصاب انا اخر انسان يتكلم في زمان الثرثره
انا القصيد اللي نزع من دفتره مليون ناب وانا الوحيد اللي جمع مليون ناب بدفتره
جفني وجرحه السهر.حيلي وهدته الصعاب دمعي هدر ضحكي ندر عمري وضيعت اكثره
شيبت بعقول العرب هيبت روساً ماتهاب جمهرت ناساً عمرهم مايعرفون الجمهره
ماصرت ذيب الا اللي حولي ذياب ماكنت اغيب الا لان العفو عند المقدره
ترى حلاتك اذا حملت لصاحبك كلمت عتاب اما نطقها بوجهه ولا ماتذمه بظهره
في هالزمن مايملي عين الحسود الا التراب ولا الحظيظ الطلقه اللي ماتصيبه تذعره
ودك اذا جتك الغلطه من الناس القراب الصاحب اللي ما تكسب محبته ماتخسره