عندك فكره ناجحه امولك بي 50000 الف بس بشروط

رآكان · #31 (**permalink**) 25-06-2010, 09:46 PM

اقتباس:

المشاركة الأصلية كتبت بواسطة يووة مافية وظائف

ياجماعة أنتم أش فيكم ....

طريقة الأخ اللي حط لكم المبلغ تكون كالتالي إذا حابين تكون صحيحة ومظمونة للطرفين أول شئ طريقة توزيع الارباح بتكون راس المال علية والشغل وإدارتة عليك مقابل أن الارباح بالنصف ورأس المال إذا كان المشروع تجارة تدوير يعني محل ويبيع مثل الجوالات يكون رأس المال ثابت لا لك ولا له.
أما الضمانات فأقرب محامي وبــ500 ريال وعقد ينهي الموضوع.

ع فكرة أنا داخل مع شريك وهذا تعاملنا.

ياخي انا ماقلت شي . في مثل يقول لك حدث العاقل بما لايعقل فأن صدق فلا عقل له !
بلخص لك كلام الرجال يقول انه راح يمولك ب50 الف ريال طيب الخمسين هاذي تسوي فيها مشروع المشروع هذاا سواء محل او اي نشاط رآح يكون بأسم الممول < طيب هذا اول ضمان للممول .. بعدها قآل هآ انا ابي ضمان على حقي كيف انت تبي ضمان على حقك والمحل بأسمك كيف انا اقدرر اخذ حقك ومحلك بأسمك ؟ هذا شي

الشي الثاني والي افهمه من كلامه انك مآتاخذ نص الربح السنوي او الشهري او ماشابه انا مدري كيف انا بكسب او انا وش مستفيد من المشروع

الشي الثالث الارباح الخياليه الي يبي يحققها ويبي راس ماله في سنه وحده رغم انها مو مستحيله لاكن مو سهله للدرجه الي يتخيلها هو
وفوق كذا اسلووبه الاستفزازي الي خلى اكثر الي يردون عليه ينتقدونه

..

مخاوي العبرة · #32 (**permalink**) 25-06-2010, 10:19 PM

الرجاء من الاخوان الاكتفاء بالموضوع

لانه اخذ اكثرمن حجمه

تحياتي

غريب الاوطان · #33 (**permalink**) 25-06-2010, 11:15 PM

اقتباس:

المشاركة الأصلية كتبت بواسطة اسير التموين

الف شكر لي ردودكم

المشكله مارا ح احد يفهمني

اكرر واقول انا موظف ولا املك وق فراغ

ابي ناس تستثمر لي المبلغ يعني انا بي امكاني اروح لي بنك او موسسه وتستثمر لي المبلغ

يجماعه الخير ابي ناس واعيه ولها خبره استثمر معاها

لاكن ما احد يفهمني

ابسط شي افتح لي محل واجيب عامل وأء جره عليه بي الشهر 4000 شهري صافي ولقيته كم واحد يقولي كذا

لاكن ابي افيدكم وافيد كل واحد يرسل فكرته بي اختصار وكم المتوقع الربح

والف شكر

طيب واذا قال فكرته وسحبت عليه

وشرح لك ومتأكد ان الشغله ناجحه ثم طنشته وسويتها وتركته

هل تتوقع انك راح تربح لمجرد سمعت كلام وما عندك خبره وتطبيقك للفكره ما راح يكون في المكان الصح والطريقه الصح الا اذا عندك خبره وبتتعب حتى توصل للخبره

ترى ما يدهور الكثير الا سماع فكره وتطبيقها مباشره من دون خبره

فيكون شغله مجرد معمل تجارب وخاصه الاشغال الي ما تكون منتشره في السوق ومعروفه عند الكثير والنصيحه متوفره في اي مكان

فيه فكرة مشروع تخلي كل من رد هنا يشارك ويستفيد وتكون انت الممول للمشروع والكل يستفيد لكن بشرط يكون الكل جاد

انا راح اكون منسحب لمدة اسبوع وماراح اقول بشاركك في المشروع لكن حالي حال غيري في حال تم الرد بغير الموافقه لاني ارتبطت باتفاق مع واحد من الشباب وانتضر الرد في نهاية الاسبوع إذا تمت الموافقه منه فماني ملزم بالدخول معك ولا انت ملزم او احد بدفع نسبه او مقابل للفكره وإذا دخلت معاك وما كان موافق على الشغل معي 50% مقابل دفع 20% من راس المال الي تدفعه ولو وافق ووافق على نقل الفكره فشرطي التعاون المشرتك وتبادل الخبرات بشكل مفتوح من قبل الطرفين ولو ما تم الاتفاق معاه فدخولي مشترط بدخول كل من رد اعلاه او بدلائهم المختارين منهم وحتى تضمن ثقتي في المشروع فنسبتي تماما زي نسبة كل واحد منهم في الشراكه وزي النسبه في الارباح اليوميه وكل واحد يرفع ارباحه والمتهاون مع الباب سواء انا او اي داخل

فالاتفاق على النسب كالتالي :

إنت تاخذ 25% من كل واحد عن ارباحه اليوميه بصفتك الممول وصاحب النصيب الاكبر في المشروع
كل واحد ياخذ 25% من ارباحه اليوميه الخاصه في مبيعاته
الـ 50% تكون ارباح مشتركه للداخلين في تأسيس المشروع كنسبة ملكيه ومقسومه نسبة كل واحد على العدد وتكون خاصه في بناء الشركه وتطويرها ونهاية الخدمه وشامله لكل ما يتم الاتفاق عليه ويتم الاتفاق عليها وتعديل نصوصها مع الوقت مع ضمان بقاء النسبه في الشراكه كثابته ويتم الاتفاق على فترة بقاءالشركه بفتره لا تقل عن 25 عام والدوام بشكل يومي والغياب موصل للفصل والتأخير يعتبر نصف يوم غياب على المؤسسين ويومين على الموظفين الجدد فيما بعد

الاتفاق على العمل :

الكل يعمل ما عدى الممول لان بدون تمويله ما بيقوم المشروع وبدون عمل الداخلين في تأسيس المشروع مال دخولهم داعي

وبحسب عدد الداخلين تكون النسبه في الشراكه والتقارب في نسبة الارباح

تحديد الداخلين في المشروع :

العدد محدد بمن كتب رد قبل هذا الرد او من يختاره يكون بديل له في الدخول لحاجة المشروع لعدد اكبر

المبلغ 50 الف كافي لتأسيس المشروع وكافي لدخول جميع من كتب رد اعلاه للدخول في شراكه رابحه المهم الجديه في العمل والاستمرار في العمل بعمل يومي منضبط صباحي ومسائي على مدار ايام الاسبوع ما عدى الراحه لصباح يوم الجمعه وتمنح اجازه سنويه لمدة شهر بمرتب خالي من النسبه

المشروع :

ماراح اقول الا بعد الاتفاق على الحضور واعلان الجديه من قبل الجميع

وكيفيته ماراح تظهر الا للممول بشرط ضمان دخول من دونوا اسمائهم اعلاه ولو دخلت فنسبتي زيهم ولو تهاونت فنفيي زي نفي اي داخل منهم لعدم انضباطه

لكن في حاجه لشي واحد بس وهو انتضار رد الي تراسلت انا واياه وقال رده بعد اسبوع لاني تقيدت بكلمه وودي اعطيكم امل انكم تستفيدون وإذا وافق اني اعطي الممول الفكره قبل الاسبوع او بعد رده بالموافقه مع العلم اني ما قلت له وش الشغل بالضبط لكن وضحت له اكثر بسبب ارتباط بكلمه معاه

اتمنا ان شاء الله منه انه يوافق على التعاون اذا تم الاتفاق معاه وإذا ما تم فوقتها انتهى الارتباط بكلمه وفي كلا الحالتين ماني خسران وفي كلا الحالتين ما راح توصل الفكره كامله الا بتمويل وبناء الفكره على ارض الواقع والتقيد بعقود فوق التقيد بالكلمه

المهم التحضر لجديه اكبر بما ان المبلغ كافي للاستثمار وتكوين شركه مربحه لكل الداخلين للحاجة الشغل لهم والمتبقين هم الجادين والمنضبطين

❤»طبعى كذا«❤ · #34 (**permalink**) 25-06-2010, 11:18 PM

إذا تقدر تزيدها شوي
يعني 80000الف
عندي مشروع حلو
وارسله لكـ على الخاص يعني يكلف بذي الحدود وفي الشهر يطلع امكن8000الاف ريال

ولو تم ماابي عسكريه ابي افرغ للمحل انا بنفسي
ووظف واحد معي

عبدالله المفلح · #35 (**permalink**) 26-06-2010, 12:05 AM

الناس اجناس على قولتهم...

منهم من يملك راس المال ويملك الفكره ولكنه لايستطيع التفيذ...

لماذا؟؟؟ لانه يخاف من الخساره من الفشل وكماقيل راس المال جبان

ومنهم من يملك راس المال ولديه افكار كثيره لايدري ايهما افضل..

فهذا يحتاج الى شريك يوضح له الفكره بدراسة جدواها وطرق تنفيذها ويتحمل الاشراف عليها...

ايضا هناك من يملك فكره ولكنه لايملك المال وهذا في العاده يكون جريء جدا
لانه لن يخسر مالا....ولانلومه على جائته فهي تحدث كثيرا...

الشراكه ياشباب والله صعبه صعبه جدا....
البعض لم يجربها...وكما قيل النار ماتحرق الارجل واطيها...

الشراكه اذا بُنيت على تنافر بين الطرفين فلاشك تؤل غالبا الى الفشل..

اذا ساءت نيت احد الشركاء نزعت البركه من التجاره...واذا نزعت البركه انتهت الشراكه الى الافلاس...

نصيحتي لاخوتي واحبتي هنا

تصحيح النيه بين الشريكين...كل شريك يحب شريكه ويخاف عليه...لابد ان يكون هناك قبول بين الاطراف المتشاركه...

لاتشارك سيء الاخلاق...ولاتشارك الجبان شديد الجبن...ولاتشارك البخيل والطماع..

وابحث عن الحليم وحسن الخلق,,,

الله يوفق الجميع

فلاشنت · #36 (**permalink**) 27-06-2010, 09:47 PM

عندي مشروع أناأديره لك
أظن ان لا بيت يخلو من الكمبيوتر واللابتوب
ايه رأيك في مركز لصيانة الكمبيوتر سوفت ويير وهارد ويير
وأيضا تجميع اجهزة كمبيوتر وبيعها
وكمان لبيع اكسسوارات الكمبيوتر (مكسب الاكسسوارات مضمون 100%)
أنا مهندس حاسب آلي مصري وموجود حاليا بالمدينة المنورة وأبحث عن مشروع مثل هذا لن مكسبة وربحة مضمون .
اذا توافق راسلني على الميل sameh9500 @ yahoo .com

عندك فكره ناجحه امولك بي 50000 الف بس بشروط

قسم مشاريع وأفكار

بسم الله الرحمن الرحيم السلام عليكم ورحمة الله وبركاته يجماعه بدخل معاكم على طول مستعد امولك بي 50000 الف ريال اذا عندك فكره ناجحه ومضمومه ...

عندك فكره ناجحه امولك بي 50000 الف بس بشروط

تسجيل الدخول

عندك فكره ناجحه امولك بي 50000 الف بس بشروط

قسم مشاريع وأفكار

بسم الله الرحمن الرحيم السلام عليكم ورحمة الله وبركاته يجماعه بدخل معاكم على طول مستعد امولك بي 50000 الف ريال اذا عندك فكره ناجحه ومضمومه ...

عندك فكره ناجحه امولك بي 50000 الف بس بشروط