مثل ما قالوا الاخوان اكثر من 40 الف لا احد يدفع حتى لو كنت قادر
والبنات الله كثرهم اللي ما يرضون في 40 الف في غيرهم وخل بنتهم تقعد عندهم

الله يعين الشباب

انتم ياشباب جايبين اعذار واهية وغير مقنعة

السبب الوحيد العائق هو البطالة وغيرة مافي شي
العرس تقدر يكون عائلي وبستراحة اكثر شي 6 ذبائح فقط
والمهر فية عوائل ماتاخذ شي الا قليل
شكرا لكم

بصراحه بعض الردود تفشل وتأكد انه لازلت العقول المتحجره موجوده
لازال الرجل يرى أنه متفضل على المرأه يأخي ماحد ضربك على يدك
وقالك تزوج واللي تناسبك خذها ولا ماتناسبك الله يرزقها عيب عيب
ياشباب السعوديه ماتفعلونه وتتلفضون به وكأن المرأه هى المحتاجه لكم
بل على العكس انتم من تحتاجونها أكثر ولو فكرتم بنيه نظيفه وبأخلاق رفيعه
ستجدون انها ستكون رفيقة عمر وأم لأبنائكم ستفني عمرها وصحتها ليرفعوا
رؤسكم بالغد وتحافظ على بيوتكم وتستر كل عيب عن الناس هذا هوحال كل امراه
تجد التقدير من زوجها منذ البدايه... ابحثوا عن ارزاقكم عوضا عن اختلاق الاعذار
من وراء شاشات الكمبيوتر فلازلتم في عز شبابكم وقادرين على هز الجبال بقوتكم
أخيرا .... أخواني لاتغضبوا من كلامي فكثير من الفتيات يقرأون بعض التعليقات البعيده
عن الرقي وهذا يكسر نفس الفتاه بدون ذنب اذنبته سوى ان الله لم يكتب لها النصيب ...
همسه ....اخي الشاب ضع نفسك مكان الفتاه أوعلى الاقل اعتبرها أختك فهل ترضى
على أختك هذا الكلام....قدر المرأه تهديك عمرها ....
أنا مع كلام الأخ المحتاج للوظيفه

ياحظي الحين انتم تقلون غلاء المهور وغلاء المهور وكل شي براس البنت واهلها
والمشكله ماتجي الصيفيه الا انتم حاجزين على تركيا واندونيسيا وخميس وجمعه تقضونها بالبحرين والسياره اللي راكبينها ماتقل عن 100 الف والا خلينا نقول حتى سبعين والملابس ماركات وعايشين حياتكم بالطول وبالعرض
واذا جاء العرس قلتوا مهور غاليه مااشوف هالغلاء ما جاء بالسفرات والسيارات اللي كل عقب كم سنه تغيرونها

اللي جاد ويبي العرس مايعوقه المهر اذا هو عرف يخطط من البدايه وترك عنه الخرابيط
ترى هالخمسين والستين اللي عينكم عليها وبزعمكم غاليه تراها ماتسوي لنا شي مع ارتفاع الاسعار بالاسواق الذهب طاير والفساتين طايره حتى البجامات والقصمان مب مثل اول ====>>عصبت

والله الفلوس أولى فيها انا وزوجي

ليش ندفع مظاهر

وقاعات فخمه

وكوشة أفراح

وآخر شيء أقعد مع زوجي يوم نتعشى ويوم مانلقى العشا من الديون

لو على كيفي اكتفيت بحفله صغيره بالمنزل

بس المهم ان قدري كبير في قلبــه

انا صارلي سنة متزوجة
الملكة كانت علينا سويناها بقاعة
المهر 25 الف وجات ناقصة بعد والوالد قال مافي مشكلة ولا تجيبها اساسا انا بزيد البنت من عندي
البيت وفره لنا الوالد الله يخليه لنا
الاثاث جاء هدايا من اصحاب زوجي كلهم كانوا معاه بتحفيظ القران
الفرح على زوجي << هو اختار يكون عليه
وسواه في استراحة شيك ومرتبة والمعازيم من الاهل فقط لاغير
والحمدلله عايشين احسن عيشه لا تكاليف زواج ولا خرابيط
وفرنا فلوسنا وحالنا احسن من اللي يحبوا الفشخرة

موضوعك في محله والصرااااااحه وانا لو لو لو اتزوجت راح اسويه مختصر وثاني شي اشفلي واحد من الاقارب لو يبى يتزوج عشان نخليها في ليله وحده ونتقاسم التكاليف هذا لو اتزوجت مع تحياتي لك ( عزوبي 26 )