بسم الله الرحمن الرحيم
[align=center]
السلام عليكم ورحمة الله وبركاته
[/align]

الحمدلله والصلاة والسلام على رسول الله وعلى آله وصحبه أجمعين


المهر 30 الف والبيت 20 الف والدقاقه 5 الالف والمشكله واللي قاهرني إني اشتغل طول الشهر وبالاخير تجي دقاقه وتاخذها،، بارده مبرده،، بس رساله اوجهها للكل من اباء وابناء وامهات
وبنات (العنوسه) وعاداتكم وتقاليدكم مع العلم إني سعودي لاكن ماتوصل للمواصيل هذي واللي يقهرني اكثر واكثر من بعد ماينتهي الزواج الا ان الناس يتكلمو فيك يعني سويتها بقصر ولا مو بقصر الناس لازم تتكلم فيك وإذا تدينت فلوس صدقني راح تكره الحرمه بسبب الديون واهم شي راحه البال وانا من وجهه نظري اسويها في استراحه او شي من هذا القبيل ولاتسوي شي اكبر منك من شان لاتندم بس هذا احنا كل ماقلنا شي قولتو عاداتنا وتقاليدنا اجل خلي عاداتكم وتقاليدكم تفيدكم ولا لازم نقول ليش فلان احسن مننا وليش وليش وليش الخ
فالله سبحانه وتعالي : فضلنا علي غيرنا بنعمه العقل اتمني تستغلون هالفكره وتتركون عنكم المهايطه والكلام الفاضي
اقسم بالله هالموضوع مزعلني للاخير

وهذي نهايتك

والحين اترك لكم الحكم في موضوعي وانا علي الرحب والسعه في ردودكم وبيشرفني



شـكرا لك وبارك الله فيك ... لك مني أجمل تحية .

موضوع مهم ويهم شريحة كبيرة من شبابنا وفتياتنا
ونرجو من كافة فئات المجتمع مثل العلماء والخطباء والكتاب أن يركزوا عليه وخاصة في جانب
العادات المعيقة للزواج مثل المغالاة في المهور وتكاليف القصور وخلافه بالاضافة إلى إشتراط القبيلة والنسب
فإن الرسول صلى الله عليه وسلم لم يضع لقبول الزوج إلا شرطين فقط هما الدين والخلق فقال عليه الصلاة والسلام ( إذا أتاكم من ترضون دينه وخلقه فأنكحوه، إلا تفعلوا تكن فتنة في الأرض وفساد كبير )
وبالنسبة للزوجة رغب في ذات الدين هذه هي الشروط وماعداها مثل الراتب والوظيفة والقرابة
والمغالاة في التكاليف فما أنزل بها من سلطان
وفي مثل هذه الأيام التي كثرت فيها البطالة وشحت الوظائف ومن وجد وظيفة فراتبها ربما لايكفي لجمع تلك التكاليف ربما لسنوات طويلة
لذا فانه يتحتم أن يتم محاربة هذه العادات المعيقة وحتى لو تدخلت الحكومة في ذلك بما أنها تمنع الزواج بالأجنبيات فلتعمل على تيسير وتسهيل زواج السعوديات وذلك حتى نتجنب ما حذر منه صلى الله عليه وسلم
( إلا تفعلوا تكن فتنة في الأرض وفساد كبير ) ولاحول ولا قوة إلا بالله العلي العظيم

صباح الخير هي على اهل العروس نبغا قصر مدري كيف نبغا الطقاقة الفلانية اشووو ان اخوي ملك على بنت عمي وليلت العيد عمي قال تعال خذ حرمتك والحمد لله لا مصريف ولا شي ناس عن ناااس مع ان الجمااعة عندنا المظااهر والهياط مسيطر عليهم ههههههههههههه

موظوعك اعجبني جدا
مستغرب من الي يطلبو مهور كتير
مايراعو ظروفنا حنا الشباب سوي وسوي وكل حياتك تقظيها ديون وماتنام زين
واكبر مشكلة من البيت يقولو وسوي ويجبورك وانت ماتبقى تسويي عشان تراظيهم
وفي كلمة استراحه صغير صدقت
مو شرط زواج قاعه لو حفلة في بيتكم الاهل تكفي
وربي يوفق الجميع

مشكورين على مروركم


تحياتي

والله أتفق معكم في وجهة نظركم وأني أشوف أن الفلوس الي يصرفونها على الخرابيط الي مالها سنع مثل الطقاقات مامن وراها غير الذنوب والقاعات الي بهذيك القيمة فالعرسان أحق بالمبالغ هذي بدل التبذير اللي ماله داعي ,, وأذكرهم بالحكمة الي تقول ( ارضاء الناس غاية لا تدركـ )

ودمتم بود

إذا هي على هاالشرووط هاذي ..( المهر 30 الف والبيت 20 الف والدقاقه 5 ) كان ماتلقى عوانس ولا عزابية بس سوري خيوو ماعرفت تحصىء !
...
والله يوفق الجميع ويغنيهم بحلاله عن حرامه يارب ياكريم ..

المهر والقصر وبعض تكاليف الزواج
حاجه ضروريه بغض النظر عن التكلفه
لان كل ناس ولهم عاداتهم

للي يقهر في بعض الأمور التكمليه
مثل الحلا في الزواج من المحل الفلاني والصنيه الوحده شوف بكم
وكم عدد الصواني
غير الفطائر والعصائر ولازم من محلات معينه ولا يخرب البرستيج
وبعدها يجي البوفيه( والله الحلا وافظائركافي عن العشا) المعازيم تلقاهم 500 والبوفيه يكفي 1000
ليش كل هالاسراف؟؟؟ بس علشان مايقلون اكلهم شوي
والاخير بزباله(وانتم بكرامه)
يعني هذي المصاريف للي لا من عاداتنا ولا تقاليدنا
ليش ؟؟من وين جتنا؟؟
الله يذكر أيام الطفوله بالخير
لما كانا نروح اللزوجات مانشوف غير القهوه وشاهي ونعناع
<لازام تعطيني أمي من بيالتها


آآسفه على الأطاله

المهر أكثر من أربعين لاتدفع .. الحريم واجد لو من برى
القصر .. أرخص صالة أفراح أو أستراحة اللي يبي حياه اللي مايبي يعنّس أبرك له
العشاء .. أقل تكاليف لاحلويات ولافطاير ولاخرابيط ولا شي هذا زواج مو حفل للأكل
الطقاقات .. لاتجيب .. الله يخلي الستيريو شغله واللي في راسه حب يطحنه .. وغيره مافيه
وأعزم الناس القريبة بس

الفلوس اللي تضيع على ليله وحده احنا أولى فيها أقل شي أخليها تلبس وتعيش زي الناس
مو استلم راتبي واسدد تكاليف زواجها واذا شفتها كني شايف شيطان