[align=justify]
بسم الله الرحمن الرحيم
أحبتي أسعد الله أوقاتكم بكل خير


ودي أستشيركم بموضوع حساس ومهم بالنسبة لي
و هذا أمر واقع حصل لي ..



بيوم من الأيام قبل حوالي إسبوعين ، سمعت إنه في فندق محتاج موظفين ، وكالعادة قررت اروح أعطيهم سيرتي الذاتية ، صحيت الصباح من النوم وأخذت لي دش دافي ولبست ثوبي والكبك ولبست الجزمه الله يكرمكم و لبست الشماغ وكنت كأني أمير ما شاء الله ، أخذت السيرة الذاتية حقتي وتوكلت على الله ورحت للفندق .



قابلت واحد هناك وسألته عن كيفية التقديم عندهم ومين المسؤول وقال لي فيه مديرة شؤون الموظفين شوي و تجي ، و رحت إنتظرتها بمكتبها ، المهم إنها جت ودخلت ، وقعدت على مكتبها ، أنا بصراحة بيني وبينكم تنحت ، البنت مو جميلة مرة بس مملوحه شوي ، أخذت سيرتي الذاتية وقعدت تتصفح وتسألني وأنا في عالم ثاني ، وحسيت إني لخبطت الدنيا وجبت العيد بإجاباتي على أسألتها ، و قالت لي بنتصل عليك إن شاء الله ، تركت قلبي على مكتبها و طلعت .



المهم إنها ما فارقت خيالي من هذاك اليوم ، صحيح إنها مو حلوة بس بصراحة إسلوبها حلو وشخصيتها قوية ومحترمة وخلوقة ، وقررت إني أخطبها ، و حسيت إنها تنفع لي مبدئياً ، بس مدري شلون أطلبها وأنا ما أعرف إلا مكان شغلها وإسمها الأول ، أنا ما أقدر اقول إني حبيتها لأني أؤمن إن الحب يجي مع العشرة لكن بشيء داخلي يقول إنها مناسبة .



طبعاً أنا ماني موظف ولا شيء ، ما زلت للأن عاطل .
وش رأيكم؟ وش الحل؟
[/align]