^^
الله يجزاك خير كلامك اثلج صدري
ونصيحتك اخويه صدق الله يعافيك ويجزاك ماتتمنين ويكتب لي ولك الخير عاجل غير اجل
الله يرزقك الترسيم يختي وتوصلين لاعلى المناصب

طيب اختي الله يعافيك بنظرك وتجربتك وين تشوفي افضل الجامعات عندنا هنا واقواها مزايا ؟

والله ياقلبي ماعرف
انا بأحد الجامعات الناشئة

الله يكتب لكـ ما فيــه الخير ..

^^
الله يجزاك خير اخوي مجيدي ويكتب لك معي مافيه الخير

اختي بنت كول الله يوفقك حسبتك في الرياض لكن ماقصرتي الله يجزالك الجنه
ان شاء الله يفيدوني اهل الرياض الموظفين في هذي الجهات او اللي عندهم خبره

استغفر الله العظيم

معقووول
مافيه رد شافي وآفي !! :"(

انا بكالوريوس حاسب آلي اسعى لوظيفة اداريه
ايهم افضل لي كمستقبل ومن جميع النواحي تكفون مع الاخذ بعين الاعتبار تخصصي الدراسي ؟

ادارية في احدى الجامعات (الامام - نوره - سعود ... ) ام اداريه في وزارة التربية والتعليم ؟؟


-اعتقد كلاهما التوظيف على المرتبه السادسه يكون في البدايه صح ؟
-لكن التطور الوظيفي اين ؟
-فرصة اكمال الدراسات العليا اين توجد اكثر ؟
-الجامعات كثير يقولون مستقبل جامعة الاميرة نوره افضل لانها جديده هل ترون هذا صحيح ؟


ارشدوني وانيروني جزاكم الله كل خير واسعدكم وورزقني واياكم الوظيفه واغنانا بحلاله عن حرامه

?؟؟



استغفر الله العظيم
سبحان الله وبحمده سبحان الله العظيم

كلمت دكتورتي بالجامعة
وسالتها
وش افضل معيدة في الجامعة او مدرسة في القطاع الحكومي
قالت العمل في الجامعات افضل بكثيرررررررر من وزارة التربية والتعليم

بس بغيت اسالكم كم رواتب المعيدات وهل لهم بدلات وتقاعد اللي يعرف ياليت يفيدني

^^

اختي الاعادة والعمل الأكاديمي في الجامعات كعضو هيئة تدريس اكيييد افضل بكثيييييييير
ومعروف هذا الشي لكن كل شي فيه حقه يحتاج تحضير ودراسه وفهم وعمل جدي بذمه وضمير
داخل الجامعة وخارجها في المنزل لان هذي مسؤولية تعليم جيل لازم الواحد يكون قدهاا وبالمقابل ياخذ مزاياها ..

لكن السؤال عن العمل الاداري في الجامعات ام وزارة التربية والتعليم ؟؟ وين الافضليه اكثر !

بخصوص سؤالك عن رواتب المعيده تلقينها بالتفصيل في سلم رواتب اعضاء هيئة التدريس على موقع الخدمة المدنيه
تبدأ من خمس آلاف ونعم فيه بدلات تضاف لها شاملة النقل تقاعد اذا التخصص نادر فيه بدل ندرة وبدل حاسب وكذا ....

الله يوفقنا وياك اختي