السلام عليكم ورحمة الله وبركاته

اخواني اخواتي ,,

الله يجزاكم خير ويوفقكم ويسعدكم دنيا واخره ويرزقني واياكم الوظيفه اللي تسر الخاطر وتشرح الصدر ويطرح ربي في راتبها البركه ويكرمنا فيها احتاج رايكم ونصيحتكم ..

بدايةً :
ارجوا عدم التحطيم بالواسطه وسواها رب العالمين فوق كل شي والحمد لله على كل حال
نسعى ونبذل الاسباب والله كريييييييم ..

الله اعلم بحالتي الماديه وظروفي وكرف المدارس الاهليه لكن الحمد لله على كل حال
ابي الشور منكم وبسعى وربي يرزقني واياكم عاجلا غير اجل ياكريم

انا بكالوريوس حاسب آلي اسعى لوظيفة اداريه
ايهم افضل لي كمستقبل ومن جميع النواحي تكفون مع الاخذ بعين الاعتبار تخصصي الدراسي ؟

ادارية في احدى الجامعات (الامام - نوره - سعود ... ) ام اداريه في وزارة التربية والتعليم ؟؟


-اعتقد كلاهما التوظيف على المرتبه السادسه يكون في البدايه صح ؟
-لكن التطور الوظيفي اين ؟
-فرصة اكمال الدراسات العليا اين توجد اكثر ؟
-الجامعات كثير يقولون مستقبل جامعة الاميرة نوره افضل لانها جديده هل ترون هذا صحيح ؟


ارشدوني وانيروني جزاكم الله كل خير واسعدكم وورزقني واياكم الوظيفه واغنانا بحلاله عن حرامه

للرفع

والله يوفقكِ ويوفق جميع العاطلين والعاطلات

تحياتي

أنا أنصحك وأنا أخوك بجامعة الملك سعود

خارج دوام ومميزات يحبها قلبك

أنا موظف فيها

والله العظيم ولاأروع

وعلى وش تشغلى نفسك من الحين على شى ممكن مايجيك انتى انقبلى بوحدة منهم وبعدين تعالى قولى اي افضل
اسال الله التوفيق لى ولكم اللهم امين

اولاً الضامن الله يا أخوان وثانياً الاخت ماسألت الا ان شاءالله انها مخيٌرة في احدى هالوظائف والله يزرقها بأفضلهن


اما عن نفسي والله مدري صراحه والا ودي والله أفيدك بس اعرف واحد موظف إداري في جامعة الامام وراتبه حلو والترقية ماشيه عندهم
مع ان شهادته ثانوية بدون أي دورات ولا خبرات .. وموظف من زمااان


صلي لك ركعتين أستخاره والله يكتب اللي فيه خير لك

الله يجزاكم خير اخواني ممرض وقاصد

واخوي قاصد ارسلت لك استفسار على الخاص الله يعافيك انتظر ردك
والله يوفقنا واياكم لكل خير