تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم وظائف القطاع الخاص > إستفسارات ونتائج وظائف القطاع الخاص

الملاحظات

إستفسارات ونتائج وظائف القطاع الخاص لإستفسارات ونتائج وظائف القطاع الخاص فقط

قالو جب شهاداه وجبنا شهادتين قالو جب خبره تورطنا

إستفسارات ونتائج وظائف القطاع الخاص

السلام عليكم اخواني كيف الحال شلونكم طيبين طبعاً اول موضوع لي وشفت مواضيعكم وشكاويكم واللي تمرون فيه ماهنتو علي قلت ياولد مابدهاش خلنا نصفط بهذلتنا...

موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 17-08-2007, 06:54 PM
عضو نشيط
 
تاريخ التسجيل: Aug 2007
المشاركات: 142
معدل تقييم المستوى: 36
متورط بشهاداته يستحق التميز
Thumbs down قالو جب شهاداه وجبنا شهادتين قالو جب خبره تورطنا

السلام عليكم اخواني كيف الحال شلونكم طيبين
طبعاً اول موضوع لي وشفت مواضيعكم وشكاويكم واللي تمرون فيه ماهنتو علي قلت ياولد مابدهاش خلنا نصفط بهذلتنا اللي صارت معهم وهم اللي يحكمون

بعد ماخصلنا الثانويه العامه بنسبه 88% علمي عام 1422هـ جا وقت التقاديم وقدمنا على حاسب الي دبلوم سنتين والحمد لله تخرجنا عام 1425 بمعدل 3.98 جينا نقدم قالو مالكم لزمه طيب وش نسوي مالكم الا تكملون الدراسه رحت انا وكذا واحد نبي نقدم على ابتعاث مافاد رحنا نبي نقدم على جامعه تقبل شهاداتنا قالو لازم تدرسون 3 سنوات يعني دراستنا صارت سنه وحنا كادحين سنتين
طارت سنه بلوشي
ماعلينا من هالشي
جاء واحد وقالي ليه ماتدرس تمريض تراه كويس وبالنسبه لشهادتك بينفعك
والله قامت تلعب الفكره براسي قلت مادامني توني صغير خلني ادرس وش وراي واتسلح بهالشهاده بعد يمكن تفيدني
دخلت احد الكليات التابعه لجامعه الملك سعود واخذت فيها سنتين ونص دبلوم تمريض وتخرجت من التمريض بمعدل مدحدر شوي يعني (2.88) ماعليه حال الدنيا

وطبعاً مع دراستي للتمريض ادرس انقليزي واخذت دوره انقليزي من اكادميه صحيه على حسابي مدتها ست شهور

واللي صار معي ( دبلوم حاسب الي - دبلوم تمريض - دوره انجليزي - شهاده خبره من اداره التربيه والتعليم مدخل بيانات على بند القبور<< مسمينه هالاسم )
قلت اللحين ان شاء الله بس ابي اتنقى احد المستشفيات الكبار وابي اسنع اموري ماحدن رادني

جا اليوم اللي بهذلوني فيه
رحت للحرس وامتحنوني امتحان يشق الوجه من صعوبته كل هذا علشان يشوتون السعوديين ويوظفون الاجانب
رحت لقوى الامن قالو بكلريوس تمريض << طيب التمريض بالسعوديه كلها ماتدرس بكلوريوس الا بجامعه الملك سعود واول دفعه مابعد تخرجو>> طيب ماعليه
رحت للعسكري ردوني قالو تقديرك جيد لازم من جيد جدا وفوق << طيب مابقى على الممتاز شي
رحت بعدها مدينه الملك فهد الطبيه وللحين اوراقي عندهم مادري وش صار عليها قالولي ندق عليك والظاهر مواعيدهم عرقوب(( مع العلم اني كنت اقدم انا ووحده كانت متخرجه على ماظن من معهد اهلي وشالوها شيله والظاهر انها تداوم اللحين ))
ماعلينا الله يوفقها دنيا واخره
رحت لمستشفى الملك فيصل التخصصي اخذو اوراقي وقالو ندق عليك وللحين مادقو والظاهر انهم طقوبي اصبع

نجي اللحين لوزاره الشؤون الاجتماعيه ومواعديني خير ان شاء الله (( الله يبيض وجهه المسؤول هناك والله يستاهل كل خير ياحبيلهم هم وتعاملهم ياناس ازين وزاره شفتها للحين هي ))
نجي للحين لوزاره الصحه اللي شوتتنا مع الباب تقول ماوظفنا طلابنا نبي نوظفكم انتم يابتاع جامعه الملك سعود
طيب وش نسوي ياوزاره الصحه
قالت روحوا للديوان ورحنا للديوان وقالو على مساعد صحي أ (( هاتوها حنى لقينا شي)) وللحين لنا فوق شهرين ماشفنا شي منهم
والهلال الاحمر قدمت عليه وقالو امتحان وان شاء الله نعلنه بالجريده
ولنا فوق شهر ماشفنا اعلان ولا شي
نجي عاد لمدينه الامير سلطان للخدمات الانسانيه << قالولي خل السي في بالانجليزي على بالهم بيفشلوني كاتبها لهم >> طبعاً تفشلو قالو والله حالياً حنا ماحنا بحاجه حاسب الي نبي تمريض لو معك تمريض وظفناك قلت طيب وانا اللي امصعها من الظرف واقوله خذ السي في حقت التمريض تورط بعمره وتفشل وقالي خلاص ندق عليك
والظاهر من قو الفشيله مستحي لا يدق علي للحين
مع العلم ان المتسشفيات اللي مريت فيها قالولي لو معك خبره بالتمريض مانبي الحاسب
قلت طيب اللحين بروح للمستشفيات الخاصه يمكن يفرجها ربك ويسنعون امورنا
حتى المستشفيات الخاصه طقوبي ركبه
قلت مالي الا انحرف واخربها
ياحبيلكم لاتصدقون بلا والله من حر مافيني

واللحين ماسمع طاري تقديم الا وانا طامرن له

طبعاً جلست من بعد ماتخرجت مايقارب ست شهور حتى المستوصفات الاهليه ام 1000 ريال ماعطوني وجه
واللي مريت عليهم من مستشفيات اهليه هي :
1- السعودي الالماني
2- دله
3- المملكه
4- مجمع الرياض اللي بالربوه << طبعاً اهلي وناسي اسمه
5-العيادات التخصصيه
6- الحمادي
7- مستشفى الحبيب << هذا شاتوني بسرعه قالو مانبي سعوديين تمريض طيب وحاسب قالو انتظر دور
7- المستوصفات الخاصه عد واغلط لدرجه حتى مستوصفات الاسنان رحت اقدم عليها

وبيني وبينكم والله يالشروط التعجيزيه تفقع القلب

واللي عنده نصيحه او فايده او شي يفيدني (( او واسطه )) شفتو حاطه بالتسبير علشانها هي الدارجه اللحين بكل شي
وان شاء الله اكون عبره للي يبي يدرس لان خلاص ماعاد يفيد شي الا بواسطه ولا شهاده تشق الوجه شق من قوها

تحياتي اخواني

  #2 (permalink)  
قديم 17-08-2007, 07:03 PM
الصورة الرمزية السكب
عضو ماسي
 
تاريخ التسجيل: Sep 2006
المشاركات: 1,645
معدل تقييم المستوى: 434902
السكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداعالسكب محترف الإبداع

ماشاء الله

المفروض إنك تفتح مكتبه

اقول شوف لك أرض غير هالارض الي انت ساكن فيه واطلب رزقك وناخوك

  #3 (permalink)  
قديم 17-08-2007, 07:07 PM
عضو مهم جداً
 
تاريخ التسجيل: Feb 2007
المشاركات: 522
معدل تقييم المستوى: 38
$$ محمد $$ يستحق التميز

خربت عيونه من كثر ما قــرأ ==>
هلابك يا أخ تورطنا في عالم البطــآلة .. ياخي الدنيــآ كلها واسطة في واسطة عندك(و) على طول حتى الظاهر لو مامعاك شهــآدة تتوظف

بس أنت لا تتحطم من بـدري حـآول لعل وعسي ربي يكتب لك نصيب في وظيفة تنــآسبك

واليــوم جمعة وفيها ســآعة لاترد فيها الدعــوة ادع ربي يسر أمـرك وامورنا ونلقى وظائف وننفك من القعــدة في البيت

  #4 (permalink)  
قديم 17-08-2007, 07:08 PM
الصورة الرمزية عشقي عيونگ
عضو نشيط
 
تاريخ التسجيل: May 2007
المشاركات: 170
معدل تقييم المستوى: 96
عشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداععشقي عيونگ محترف الإبداع

كل هذي شهادات ولا لقيت وظيفه طيب انا ما معي الا ثانوي بس وش اسوي

اي والله من شاف مصيبة غيره هانت عليه مصيبته
الله يوفقك اخوي وتلقى ازين منها

  #5 (permalink)  
قديم 17-08-2007, 07:27 PM
عضو نشيط
 
تاريخ التسجيل: Aug 2007
المشاركات: 142
معدل تقييم المستوى: 36
متورط بشهاداته يستحق التميز

الله يجزاكم الجنه ان شاء الله

خلوها على ربكم والله يانا متورط بعمري
العمر وصل 26 ولابعد تزوجنا ولاتوظفنا واخواني اثنين اصغر مني كلهم متوظفين تزوجوا الله يرزقهم
واناجالس احايل بشغله منا ولا منا لاني من جد مليت من كثر ماقول لبوي عطني
ويالله يارزاق ياكريم بهالساعه المباركه اللي جمعتني باخواني العاطلين انك تسمع دعائنا وتوفقنا وتوظفنا وترزقنا دنيا واخره يارب ياعلي ياعظيم برحمتك نستعين

  #6 (permalink)  
قديم 17-08-2007, 07:55 PM
عضو سوبر
 
تاريخ التسجيل: Nov 2006
المشاركات: 432
معدل تقييم المستوى: 38
ولـيـد تم تعطيل التقييم

الله يرزقك ان شاءالله ويوظفك بالقريب العاجل

  #7 (permalink)  
قديم 17-08-2007, 09:40 PM
عضو متواصل
 
تاريخ التسجيل: Aug 2007
المشاركات: 78
معدل تقييم المستوى: 36
bassmh يستحق التميز

الله يوففكم ويسر امركم والله الدنيا هاذي مايمشي فيها الا الواسطه
رحت لسعودي الالماني وعندي ثانويه ودورة دبلوم حاسب الي تطبيقي ست شهور وبعد شهر من الانتظار اتصلو علي وقالو تعالي رشحناكي ولما جيتهم لقيتهم مرشحيني عاملة نظافه مع الهنود بالبدروم حسبي الله عليهم انصدمت

  #8 (permalink)  
قديم 17-08-2007, 09:56 PM
عضو نشيط
 
تاريخ التسجيل: Apr 2007
المشاركات: 123
معدل تقييم المستوى: 37
rengar يستحق التميز

اقتباس:
المشاركة الأصلية كتبت بواسطة bassmh مشاهدة المشاركة
الله يوففكم ويسر امركم والله الدنيا هاذي مايمشي فيها الا الواسطه
رحت لسعودي الالماني وعندي ثانويه ودورة دبلوم حاسب الي تطبيقي ست شهور وبعد شهر من الانتظار اتصلو علي وقالو تعالي رشحناكي ولما جيتهم لقيتهم مرشحيني عاملة نظافه مع الهنود بالبدروم حسبي الله عليهم انصدمت
لا حولا ولاقوة الا بالله

حسبي الله ونعم الوكيل

الله يرزقنا اجمعين
  #9 (permalink)  
قديم 17-08-2007, 11:21 PM
الصورة الرمزية فيصل الفهد
عضو ماسي
 
تاريخ التسجيل: Feb 2007
المشاركات: 1,712
معدل تقييم المستوى: 40
فيصل الفهد يستحق التميز

ايييييييييييييييييييييييييييه ياحزم الضامي

  #10 (permalink)  
قديم 18-08-2007, 01:08 AM
الصورة الرمزية واسطتي ربي
عضو مهم جداً
 
تاريخ التسجيل: Dec 2006
المشاركات: 535
معدل تقييم المستوى: 78
واسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداعواسطتي ربي محترف الإبداع

اقتباس:
المشاركة الأصلية كتبت بواسطة فيصل الفهد مشاهدة المشاركة
ايييييييييييييييييييييييييييه ياحزم الضامي
ههههههههههههههههههههههه والله منتب صاحي ... حللللللللللوه


ياخوي (تورطنا بهالشهادة):

المشكلة يقولون انه الحكومة تعاني نقص شديييييييييد في الممرضين والصيادلة السعوديين !!! وش هالتناقض هذا والله شي يفقع المرارة

والله إني حاسة فيك خوي لكن عليك بما يلي :

أولا : بالصبر الصبر والدعاااااااء في الثلث الاخير من الليل وبر الوالدين والاستغفار
ثانيا : انشب لهم خلك دايم على اتصال بكل الي قدمت عليهم عالأقل يدرون انك مهتم
ثالثا : ابحث عن اي عمل مؤقت لين يفرجها الكريم.
وأخيرا : أسأل الله العظيم باسمه العظيم الذي اذا دعي به اجاب واذا سأل به اعطى أن يرزقك عاااجلا غير اجل الوظيفة التي تحقق لك الاستقرار والسعادة ..آمين

أهم شي لاتتحطم خلك متفائل دايما ماضاقت الا لتفرج بإذن الله
موضوع مغلق

(( لا تنسى ذكر الله ))


مواضيع ذات صله إستفسارات ونتائج وظائف القطاع الخاص

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 02:02 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين