لراغبين الالتحاق بالكليات العسكريه لعام 1431هـ ثانوي

الملازم نايف · #31 (**permalink**) 27-06-2010, 10:47 AM

هذي مشاركه جبتها لكم للاخ العضو في طريقي للبطاله عسى الله يوفقه
وهو قدم السنه الماضيه على كلية الملك خالد العسكريه بس ربي ماكتبله نصيب فيها

اترككم مع مشاركته للفائده

اقتباس:

المشاركة الأصلية كتبت بواسطة في طريقي للبطاله

بقولكم قصتي بالمختصر عن كلية الملك خالد للواسطات بعد ماتخرجت من الثانوية كلمني واحد من اخوياي قال في تقديم في كلية الملك خالد قال بتروح قلت ان شاء الله واخواني كلهم قالو لي لاتروح تتعب نفسك لاني من الشرقية والتقديم في الرياض قالو لاتروح كلها واسطات قلت انا بروح اسوي اللي علي ورحت وصلت الرياض الساعه 8 الليل تقريبا وجيت عند باب الكلية الا العالم قدامي صافين سرا من بعد صلاه العشا لين اليوم الثاني وصف معهم لين اذن الفجر ودخلنا وصلينا وصفونا طابور ودخلنا مسرح وعطونا اوراق وبعدين يسئلونك اسمك وابوك وين يشتغل ومن هالاسئلة وبعدين دخلونا صاله مغلقه وفصخونا هههههه وصفينا طابور ماعلينا الا هافات وانا اللي قهرني ان العسكر يقز المهم دخلت على الدكتور وفحصني بس اشوى مانزل السروال بس خويي اللي معي قال ان الدكتور قاله نزل ههههههه وبعدين رحنا من عندهم وعطونا ملف اذا قبلوك تعبيه لهم وتجيبه وقالو تعال لنا في نفس اليوم العصر عشان اختبار اللياقه وجيناهم واختبرنا اختبار البشم اللي يسمى الضغط وبعدين هرولة على الملعب لفتين يمكن 800 متر وفي ناس وقفو خاصة اللي يدخنون بس انا ماوقفت وطبعا الوقت دقيقتين بس بس هو زادها نص دقيقه عشان الجو حار وبدين خلصنا واللي انسدح في الشارع واللي بيغمى عليه ههههههههههه وبعدين قالو روحو خلاص وبتطلع النتايج في الجرايد ورحت وكلمنا واسطه ولا نفعنا وطلعت النتايج وطلع اسم خوويي اللي معي وانا ماطلعت مع ان طولي 178 ووزني 69 ولياقة زينة ونسبتي 95 وقدراتي 94 بس ناقصني اهم شئ واسطة قوية مهب اي واسطة يعني عميد حولها المهم خويي اللي انقبل ماشاء الله عليه فل كامل انا يمكن سقطت في اللياقة شوي البشم ماعرفت لها المهم خويي قبلوه وراح لهم وسوى فحص من جديد واخر شئ ماطلع اسمه قبلو في الاخير 230 من اللي تقدمة تقريبا 20 الف او اكثر فيا شباب لحد يفكر انها بهسهولة تقدر تدخلها يعني لاتعب نفسك خاصة اللي من برى الرياض من الجنوب ولا الشمال البعيدين اما اللي في الرياض يرووح يشووف بنفسه وانا ماكتبت هالكلام ابي احطم احد او شئ بس قلت اللي صار بالضبط واتمنى لكم التوفيق

وفي جعبتي الكثير

متحير · #32 (**permalink**) 27-06-2010, 11:30 AM

ههههههههههههههه

هات اللي في جعبتك يالوااصل..

سعووددي · #33 (**permalink**) 27-06-2010, 11:57 AM

اخوي ملازم بدون نجمه (الواصل) كلام الرجال صحيح ميه في الميه

صحيح كليه الملك خالد اللي ماعنده واسطه لا يتعب حاله ويدق مشاوير على الفاضي

مانبي نحطم الشباب بس الملك خالد مررررررررة القبول فيها صعب كله واسطات

المهم الله يوفقنا في الاختبارات وتتسهل امورنا يارب

متحير · #34 (**permalink**) 27-06-2010, 12:12 PM

طيب كيف القبول بكلية الملك فهد البحريه...؟؟

رجاءً لا تقعطو الموضوع خلونا على تواصل..

قانوني فاشل · #35 (**permalink**) 27-06-2010, 12:16 PM

بالتوفيق لكم ان شاء الله

سعووددي · #36 (**permalink**) 27-06-2010, 12:17 PM

والله ماعندي فكرة عن البحرية بس اظن قليل الواسطات فيها وتعتمد على اللغه الانجليزية

متحير · #37 (**permalink**) 27-06-2010, 12:40 PM

اقتباس:

المشاركة الأصلية كتبت بواسطة سعووددي

والله ماعندي فكرة عن البحرية بس اظن قليل الواسطات فيها وتعتمد على اللغه الانجليزية

يعطيك العافية..

انا عندي كل شي تمام ان شاء الله بس ابي اسألك لأني والله وشوي

متأكد من شغله الانجليزي يعني مأكد نسبي الحمدلله تمام وباقي لي ثلاث ايام واخلص اختبارات الثانويه اختبار الانجليزي آخذت الدرجه كامله الحمدلله..
لكن ارجع واقول متأكد
انا مااتوقع العسكرية وفيها انقلش احس ماهي جايه..

عطري الشوق · #38 (**permalink**) 27-06-2010, 12:52 PM

الله يوفقك الجميع

Eng.computer · #39 (**permalink**) 27-06-2010, 01:18 PM

والله ياشباب

الكليات العسكريها واسطه × واسطه

وجايب لكم خبر طازج

واحد من اخوياي اللي تخرجوا معي قبل العام نسبته 66% والله ياشباب انا قاريها مو كلام ناس

والحين مبتعث تبع الكلية الحربية للأردن

واللي اعرفه ان الابتعاث هذا للطلاب المتفوقين مو اللي نسبهم كذا

ومع ذلك والله انه قصير اقل يمكن من 160 والنظر عنده مش ولا بد

بس ابوه بأختصار وااااااااااااااااااااااااااااااااااااااااااااااااا ااااااااصل

يعني لاتتعب نفسك

ومثال اخر واحد من اخوياي نسبته 98% وكلشي اووكي

ماقبلووه

والله يوفقكم ان شاء الله تقبلون بدون واسطات

يارب التوفيق حليفكم