السلام عليكم ورحمة الله وبركاته تووتي مشكوره ياقلبي بس حابه اقول لك انا اذا ترجمتي لازم يختمون لك الكليه عليه خلي اختك تروح تختمه وبعدين تصوره وهم يختمون الكليه لها طبق الاصل مشان ما تتلعوز بعدين

وحاجه ثانيه يا تووتي خلي اختك تودي الكليه ظروف يختمونها لها يعني كذا حول 4 ظروف عشان بعدين كل ظرف تحط فيه وثيقه عربي وانجليزي وحسن السيره والسلوك عربي ونجليزي و 3 توصيات عربي وانجليزي وسجل كشف الدرجات عربي وانجليزي وخليها تسوي لها سيره ذاتيه انا سويتها في محل ترجمه معتمده وصورتها 4 نسخ وخليتو يختمها لي مشان بعد احط في الظروف وبعدين اسكرها واذا رحت الجامعه الامريكيه هم يفتحون الظرف

السلام عليكم عني سوال كذا واتمني من اللي استلمو القبول يفيدوني الحين جااا ايميل لي اختي العزيزه (لا يقولون عشان يبي يروح معها صارت عزيزه هههههههه) المهم الايميل يقول
لقد تم تأمين فبولكم الدراسي من الملحقيه الثقافيه السعوديه بالولايات المتحده نرجو منكم المتابعه والتنسيق معهم على العنوان التالي rtep@sacm.org
الحين بكره يعني اتجه لمكتب تجسير الفكر واستلم القبول من هنااااك علمااا اني اليوم الصباح كنت عندهم
وشكرااااااا
وربي يوفقكم ياااارب ويحقق امانيكم

أنوار
الله يسعدك و يسهل كـــــل أمووورك يآرب و يرزقك من غير حسآب

اختي لسا ما وصلها القبول و بنراسل المكتب عشان يرسله لنا
الله يعين و يسهلها على الكل

السلام عليكم ورحمة الله وبركاته تووتي حتى انا ما جاني قبول بس هل اشياء تجهزها مشان بعدين هناك للجامعه والله يوفقك

السلام عليكم ورحمة الله وبركاته لا لا لازم تروحين تترجمينه في محل معتمد للانجليزي تخيلي انا وحده اعرفها جابت اوراقها لهلها ارسلتهم با البريد من امريكا مشان يترجمون لها لانه اهي ما ترجمت مسكينه الحين متلعوزه اهلها يطاردون لها

عندي كشف الدرجات English

السلام عليكم ورحمة الله وبركاته هلا تووتي اذا عندك كشف درجات انجليزي خلاص الكليه معطينك اياه صح احنا ترجمنا لانه كليتنا ما رضو يعطونا الا عربي مشان كذا ترجمنا في محلات معتمده وبعدها ختمناها في الكليه وبعدين صورنا وهم خلينا الكليه تختم لنا على المصور مشان يصير طبق الاصل

السلام عليكم ورحمة الله وبركاته جاتني رساله من مكتب تجسير عزيزي الطالب/الطالبه
يود مكتب تجسير الفكر إعلامكم بأننا بدأنا بتسليم القبولات الدراسيه على الطلبه الاعزاء وذلك حسب وقت (بدء دراسه الطالب).
ويقوم مكتب تجسير بتوزيع القبولات الدراسيه بشكل يومي على الطلبه وعلى مراحل بناءا على استلامنا للقبولات من الجامعات والمعاهد الامريكيه وختمها من وزاره التعليم العالي.
كما نود إعلامكم بأن كل طالب استلم هذه الرساله بأن ملف الطالب موجود لدى مكتب تجسير
وسيتم الاتصال بكم قريبا لاستلام القبول وذلك نظرا لظغط العمل والتنسيق مع الجهات المعينه.
شاكرين لكم حسن تعاونكم
فريق تجسير