السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
انا بقولكم موقف حصل لي
واحس ان ضمــــــــــيري يأنبني
لأن تسجيل الخدمـــــه المدنــيه قرب
السالفه ياطويلين العمــــــر
انه يوم فتح التسجيل قالي الوالد الله يطول بعمــــره تسجلين بالقصيـــم
لأن تخصصك حلو ونسبتك حلوه وهناك أكيد بيقبلونك
مع العلم اني ما أسكـــن فيها مجرد انها ديرتي
يعنـــــي اصلا من البدايه الفكره غلط لأن مالي احد هناك
قلت له ابشــــــــر وسجلــــت مثل ماطلب الوالد
وبعد يومـ من تسجيلي جتنـــــــي تهزيئـــــه من الوالد على كيف كيفكم بخصوص التسجيل
والسبب زوجتــه الله يسامحها <<< كأن اللي بيسجل هم مو أنا
وأنا قعدت أصيــــح من القهر وحلفت بالله العظيم ان اللي هي تبغاه ماسويـــــــه
اصلا انا من البدايه بروح هناك واتشرد
يعني بيسجلوني هناك واقعد في غربه لحالي
ورحت وغيرت طلب التسجيل الى المنطقه اللي انا اسكنها
بدون علم الوالد الله يحفظه
بس خبرت امــــــــي
وبعد اغلاق التسجيل
تشوفون اي حرمه تجينا البيت
تسألني
الحرمـه :_ يقولون انك سجلتي بالقصيم
انا:_ ايه بس ماطالع لي شيء
الحرمـه :_ لا لا بالقصيم فيه نقص ومليون بالميه تخصصك بيطلع شوفي بنت فلان الفلاني مامداها تخرجت الا توظفت وانتي تخصصك ونسبتك احسن منها
انا :_ مستخيره ومتأكده ان مالي خيره بالقصيم
وهذا الحوار دار بيني وبين اخوي
أخـــــوي :_ دوري اسمك ترى 100 % بيطلع لك
انا :_ اتحداك اذا طلع شيء بالقصيم والله لو تحج البقر على قرونها
أخــــوي :_ ليش ؟؟؟؟؟
أنا:_ بنات القصيم اولى بالتسجيل منـي
أخوي :_ بإذن الواحد الأحد اسمك طالع
أنا :_ ايه افلقني ان طلع اسمي
حوار بيني وبين اخوي2
أخــوي :_ خلاص بقدم نقل على القصيم
أنا :_ ليش؟؟؟
أخــــوي :_بروح معك اسمك بيطلع هناك تسكنين عند مين ؟؟
أنا :_ يالله حياة خير هذا اذا طلع اسمــي
أخـــــــوي :_ لا لا ان شاء الله طالع
أنا :_ ايه اجل روح لحالك
وأخيرا حواري مع الوالد وأمـــــي
الوالد :_ جهزي عفشك انتي وأمك عشان تروحون للقصيم
أمــــي :_ أنا وش دخلنــي فيها انت اللي سجلتها انت اللي تروح معها
الوالد :_ انا ماني برايح معها ولاني بتاركها لحالها هناك
أنا :_ ترى التسجيل بالخدمه المدنيه تسجيلين تسجيل قديم وتسجيل جديد
الجديد القصيم والقديم غير القصيم <<<<<<<كذبـه من راسي ابنقذ الموقف
الوالد :_ وش يحسب لك ؟؟
أنا :_ مدري عنهم بس يحسبون الأثنين يعني اذا ماطلعت هذي تطلع هذي
الوالد :_ 
أنا :_ اللي يسمعكم يقول محد مسجل الا انا اسمي مو بطالع والله مو بطالع
ملاحظــه :_
جمـيع الحوارات مغبـره ومضى عليها أكثر من ثلاث اسابيع
وش حسيتوا فيه كأن مافيه أحد مسجل الا انا
خلاصة الموضوع
احس ضمـيري يأنبني لأنـي اخفيت عليهم التسجيل لايجي احد يقولي اعترفي لهم
لو اعترفت
من بكره مابتشوفوني بالواحه
اروح لمكان لارجعه فيه
ارائكـــــــــــم
اللي سويته صح او غلط ؟؟؟
27-06-2010, 07:20 AM
اللي انا سويته صح ولا غلط ؟؟؟؟
العرض الشجري
