بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين .. اما بعد :

وكيفكم ياشباب عساكم على دوم على الصحه والعافيه
المهم ياشباب اني خايف من المقابله الشخصيه لاني كل اموري توب الطول والوزن والنظر وعمى الالوان كل شي الحمدالله عديته لكن المقابله بعلمكم وش حصل معاي
دخلت المقابله ثم رديت السلام وقالوا اسمك بصوت عالي قلت اسمي ثم قال وين درست بعد الثانويه قلت درست حاسب آلي في بريدة قال ابوك وين شغال قلت بالمباحث العامه قال وش رتبته
انا احسبه يقول وين قلت بمباحث القصيم قال اقولك وش رتبته قلت رقيب المهم
قال من وزير الدفاع والطيران والمفتش العام قلت صاحب السمو الملكي الأمير سلطان بن عبد العزيز ال سعود وسالني الضابط الثاني قال وش انظمة نظام ساهر والله الحس مخي قلت اي نظام يابوي وهو جايبلي مخالفات كبر راسي المهم قلت والله رصد المخالف وزي كذا قال لا اقولك النظام قلت والله مافي الى انه يرصد المخالف المهم وقالي وش رايك بالحوثين قلت فئه ضاله وهم محاولة هدم القيم الاخلاقيه والدينيه ثم سالني الضابط الثالث قال من هم المبشرين بالجنه نسيتهم وسكت قعدت افكر ثم قال وش اركان الايمان قلت له الركان الاسلام يعني نسيتها ثم قال كم عدد الخلفاء الراشدين قلت 5 قال عددهم قلتهم طلعوا 4 نسيت قال باقي الخامس سكت قال تفضل وطلعت
والله اني خايف يالربع املي الوحيد بالمباحث وكل شي حلو معاي الى يوم دخلت المقابله تلخبطت
ومعليش على الأطاله يالربع والله مانزلت الموضوع الا ابيكم تعطوني رايكم وشكرا كلم

لا تعليق

والله شوووف ياخوي
اللخطبه هذي تحصل في ارقى المقابلات والعائلات
هم عليهم من اسلوبك وجرأتك وثقتك بنفسك وطريقة ردك على الاسئله والاخذ والعطاء معهم لا تشيل هم الاجابات الخطا
منت داخل اختبار ،،، مجرد تقييم للشخصيه مو للمعلومات ،،،

ان شاء الله انهم اعطوك درجه زينه واموورك الباقيه تمام
يعني ان شاء الله ما بقالك القبول النهائي ،،،
وبإذن الله انك من اهل القبووول النهائي
تفااااااااءل بالخير وانا اخووووك ولا تشيل هم


الله يوفقك وييسر امرك ويسخر لك عباااااااااده يااااااااااااااااارب

هلا

اذا كان صوتك مرتفع وما سكت هذا أهم شي

اللهم اجعلنا من المقبولين نهائياً

لا تشيل هم هو اهم شي يشوف اسلوبك بالكلام مو لازم تجاوب صح اهم شي انك تكون واثق بنفسك وربنا يوفقك ويسهل لك امرك اغلموعد 7/8 والله مشواررررررررررررر

ما فيه رسوب المقابلات الشخصيه ..

أهم شئ أنك مو مرتبك

و بالتوفيق يا بعدي

الله يوفق،،،

ابو الفوز

لاتشيل هم امورك طيبه

اهم شي الطول والوزن والامور الباقيه مثل منت خابر
اما اهم شي ما لعثمت بالكلام وتردددت بالاجابه اهم شي

الثقه بالنفس والابتسامه والهدووء

اهم شيء يكون صوتك واضحه ومرتفع ولا ترتبك .
هذا اهم شيء ..
وبعدي اللخبطه اللي قلت عليها تطمن ماتظرك بإذن الله ..

اذا لك نصيب بتاخذها ولا تشيل هم وزي ماقالو لك الشباب

هم مايبون اجابات صحيحه يختارون ع حسب الاسلوب والطريقه

الله يوفقك وانا بعد شوفني بكره رايح الله يعين