السلام عليكم طاب صباحكم

اولا اعتذر لكم عن غيابي بسبب حادث وبعدين عملية...قررت اغير جو قلت ابطلع لأبها ويوم وصلت مرضت جاتني نوبة الحساسية والان مضطر اني اروح لجدة....ماجلست اكثر من 12 ساعة

ماعلينا....قدر الله علي وسويت حادث بس الحمدلله مو بسيارتي بسيارة اجار وكنت لوحدي...والسيارة راحت تشليح والحمدلله عاد يقول كفيل السوداني اللي صدمني ان الحادث قضاء وقدر...انا ما بلعتها قلت له شوف الكروكي الزول عاكس الشارع....يعني يدفع قيمة اصلاح السيارة وهو مايشوف الدرب لانه ماعكس الشارع الا بقضاء الله وقدره ....ولو اني سلمت من الحادث كان فقعت وجهك انت واللحجي اللي معك عشان تعرف وشهو القضاء والقدر


المهم جاني خلع في الكتف....سويت عملية تثبيت كتف ...والله حسيت اني عمارة ايلة للسقوط....وتنومت لمدة 5 ايام ...قسم بالله طفشت....بس اشين شي عندهم الاكل ماعندهم تونة وكبدة ...اكلهم كله بيض وجبنة وزبدة.....البيض اخر مرة اكلته يوم كنت في خامس ابتدائي كانوا يضحكون علينا في كتاب العلوم يقولون انه مليان بروتين ...والحين اكتشفت انه مصنوع من الرز


المهم دقيت على اخوي قلت له جيب لي أي شي ترى قسم بالله طفشت ....قالي وش تبي قلت جيب أي شي اتسلى به....وانتبه تجيب لي العاب ذكاء تراني نطحت القزاز براسي وتكسر ....يعني مابوه ولا حبة ذكاء....ولا تجيب لي كتبتك اللي زي وجهك الحب في زمن الكوليرا ...والثورة البلشيفية وسقوط جدار برلين....يرحم والديك شوف غيرها...

المهم ذيبان جاب لي بلاك بيري ....صراحة اول مرة اسمع بهالاسم انا احسبه نوع من انواع الشاورما....والا رفرف جمس....طلع جوال فيه نت

وماقصر شحنه لي ...خشيت على النت ....قسم بالله معاناة الازرار صغيرة واصبعي كبير...اضغط حرف الالف يطلع نون ادق الهاء يطلع لي سين ماعرفت وشلون اتعامل معه.....

شوي دخل علي الدكتور قالي تبي تطلع...قلت ايه اشحن لي واطلع معاك....قصدي ابي خروج الحين قبل مايجي خويك اللي يقيس الضغط قسم بالله جنني يصحيني الساعة 2 الفجر يشوف الضغط....تقول بياع بليلة

المهم طلعت والحمدلله وانا الان اكتب هذه السطور الاليمة من منفاي في ابها....عند سوق الغنيم في المدينة العسكرية ثاني لفة على اليمين فيه اوبيروس فضية واقفة ثانية عمارة بعدها

فمان الله ...ابو فجر اللي كسر القزاز براسه

وترقبوا قصتي مع لينكون بن علي واعضاء البطالة

ههههههههههه...الحمدلله على السلامة ويعطيك العافية
بس مو كأنك دايم تسوي حوادث خخخخخخ...متعود
والله ماتشوف شر والحمدلله انها في الحديد

لآ حول ولآقوة الا بالله

الحمد لله على السلآمة وهو الأهم

الله يحفظك لأهلك وبنتك يآرب

وتتعوض السيارة

وحصن نفسك

لا حول ولا قوة الا بالله

متاكد ان الحادث ماوصل للقدارت العقلية ؟؟؟



لا باس طهور باذن الله

اجر وعافية

لاحول ولاقوه الابالله

الحمد لله على سلامتك وماتشوف شر اخوي..

والله يحفظك لاهلك ..

الحمدلله على سلامتك ابو فجر

وماتشوف شر بس لازم من التحصين

وننتظر جديدك ياامبدع ^_^

حمدلله على سلامتك
بالتوفيق للجميع

لاحول ولاقوه الابالله

الحمد لله على سلامتك وماتشوف شر اخوي..

والله يحفظك لاهلك ..
الصراحه انت انسان شكلها جايتك عين ومن كلامك ماتمر فتره الا وأنت في حادث الله يكفينا الشر ..
دام كذا فجوره لمن تكبر خليها تصير دكتورة جراحه ..
الله يحفضها لك ..



وفالك العافيه..

الحمد الله على السلامة

ههههههههه الله يرج بليسكـ
ماتشوف شر ان شاء الله

والحمدلله على سلامتكـ