في سطح البيت ... مشروع برأس مال 1500ريال ...

مثابر خانه زمانه · #41 (**permalink**) 14-11-2011, 04:27 PM

ولله مشروع اعجبني صراحه وودي ادخل فيه وجرب

بس عندي استفسارات اخوي

انا عندي غرفه مكيفه < تنفع ان شاء لله بصيف وشتاء

وهل بأمكاني اني اجيب الارانب بدون ماجيب هالبطاريات < يعني ينفع او لا

ثانيا الاكل حقها لها اكل مخصص ولا عادي نحط لها رز وخس ومن هالكلام < لان اذكر واحد عنده ارانب يحط لها خس ومدري ايش

ثانيا كيف نعرف البلدي لان مالي خبره بالارانب ابدا ابدا

ثالثا الاسعار لزوج كيف وهل اجيب مع كل انثى ذكر ولا 4 انثيات يكفيهم ذكر واحد <

وهذي استفسارتي لعل يتستفيد منها غيري واستفيد الله يجزاك خير

الحارث همّام · #42 (**permalink**) 14-11-2011, 05:26 PM

اقتباس:

المشاركة الأصلية كتبت بواسطة مثابر خانه زمانه

ولله مشروع اعجبني صراحه وودي ادخل فيه وجرب

بس عندي استفسارات اخوي

انا عندي غرفه مكيفه < تنفع ان شاء لله بصيف وشتاء
تنفع ماشاء الله .. ولكن كم مساحة الغرفة ..

وهل بأمكاني اني اجيب الارانب بدون ماجيب هالبطاريات < يعني ينفع او لا
البطارية تفيدك من الناحية التنظيفية والتنظيمية لنسل الأرانب والصحية .. وهي الأهم ، تعرف أن الأرانب من أكثر الأرانب تناقلا للأمراض .. اذا مرض واحد ، ومعه عشره .. العشرة كلهم يمرضون .. فمافيه أفضل من العزل في البطاريات .. أنت عطني مساحة الغرفة وأنا أفيدك .. حتى لو ميزانيتك ماتساعد على شراء البطاريات ، بالإمكان تحطهم في البداية في أقفاص متنقلة حديدية أو الوممنيوم ، وانحش عن الخشب .. لأنه يجيب الجرب لهن .. والأقفاص ذي متوفرة في سوق الحمام في الرياض .. في محل اذا رغبت علمتك اسم المحل

ثانيا الاكل حقها لها اكل مخصص ولا عادي نحط لها رز وخس ومن هالكلام < لان اذكر واحد عنده ارانب يحط لها خس ومدري ايش

الأكل الله يسلمك أفضل شي الي على شكل مكعبآت .. وهي معروفة في السوق ، لا الخس مايصلح اخوي بأي وقت .. يسبب لبعضهن مشاكل في البأطنية والبقدونيس يقتل بعضهن .. أفضل شي مكعبآت الأرانب . خمسين كيلو بستين ريال .. خيشة كبيرة ، .. خليطة بين الشعير والبرسيم والفيتامينات .. ولايمكن بحال الاستعاضة عن محاليل الفيتامينات والأملاح التي توجد في صيديليات البيطرة ..

ثانيا كيف نعرف البلدي لان مالي خبره بالارانب ابدا ابدا
الأرانب أنواع طبعا .. والبلدي اللاحم المشهور .. وفيه ارانب زينة ،،
طبعا التفريق هذا عن طريق الخبرة والممارسة والنزول للسوق كل خميس وجمعة ..
اعني حراج الطيور الي بالعزيزية .. اذا انت من الرياض ..
وفيه موقع أوربتكلوب .. ومنتدى توزو .. فيه اقسام كاملة عن الأرانب ،
فيه فائدة كبيرة جدا .. تفيدك وتعلمك بالصور وبالتعليمات العلمية الصحيحة

ثالثا الاسعار لزوج كيف وهل اجيب مع كل انثى ذكر ولا 4 انثيات يكفيهم ذكر واحد <
طبعا الذكر اذا هو حار ونشيط يكفي لخمس الى عشر أناثي ..
أما اذا هو وسط .. يكفي لأربع خمس بالكثير ..
تعرف هالشي من خلال التجارب والفحص للأعضاء التناسلية وتجربته بإدخال انثى عليه ،

وهذي استفسارتي لعل يتستفيد منها غيري واستفيد الله يجزاك خير

ويجزآك خير اخوي .. وأنا تحت امرك في أي استفسأر
تعجبني عزيمتك .. توكل على الله
الآن أمامك تجميع معلومات .. وبعدها اعزم وانطلق .. بتشوف الخير ،
وأبد .. أنا معك في اشكال .. أو مشورة
تحيآتي لك .. وموفق

مثابر خانه زمانه · #43 (**permalink**) 14-11-2011, 05:33 PM

بيض الله وجهك يالغالي والله انك ماقصرت

طيب الغرفه طال عمرك والله المساحه بضبط مو عارفها لكن اتوقع انها 5 في 7 او 6

انا من جده طال عمرك ماني من الرياض وشفت صوره للبطاريات واتوقع اني اقدر اصمم وحده
<<< اني ارسمها رسم وضبطها ومن الى وروح للحداد واخليه يفصلها لي واذا لازم الامر انا اجيب الشبك والحديد وهو عليه التلحيم

بنسبه لغرفة التوليد الخشبيه هذي بس خشب ؟ وش بيكون داخلها لو سويت انا بطاريات ان شاء الله

كم المساحه اللي اخليها لكل بطاريه طول عرض لان اتوقع الغرفه تشيل 5 بطاريات ان شاء الله صفين يعني يسيرون 10 كل صف جنب بعض

الاكل كم سعره وكم يكفي ارنب لمدة شهر

واسف اذا كثرت الاسئله لكني ابي ابدا وانا عامل حسبه كامله للمشروع واعرف اللي للي ولي علي

الحارث همّام · #44 (**permalink**) 15-11-2011, 02:23 PM

اقتباس:

المشاركة الأصلية كتبت بواسطة مثابر خانه زمانه

بيض الله وجهك يالغالي والله انك ماقصرت
ووجهك يابعدي ، عزيز وغآلي
طيب الغرفه طال عمرك والله المساحه بضبط مو عارفها لكن اتوقع انها 5 في 7 او 6
تمام .. ماشاء الله رائعة كبدآية .. يلزمك فتحة تهوية تركب فيها مروحة شفط الروائح .. ، ولكن نسيت أسألك كم راس مالك الي تبي تبدأ به ،
انا من جده طال عمرك ماني من الرياض وشفت صوره للبطاريات واتوقع اني اقدر اصمم وحده
<<< اني ارسمها رسم وضبطها ومن الى وروح للحداد واخليه يفصلها لي واذا لازم الامر انا اجيب الشبك والحديد وهو عليه التلحيم
طيب هل في جدة سوق طيور وحيوانات ؟ .. انت شف اذا عندك صبر فأفضل تفصلها انت ، لأنك بتكسب فارق في المال لصالحك ، وبتفصل على حسب مساحة الغرفة ..

بنسبه لغرفة التوليد الخشبيه هذي بس خشب ؟ وش بيكون داخلها لو سويت انا بطاريات ان شاء الله
لا الخشب ابتعد عنه اخوي .. ماوراه الا الأمراض ويمسك الرطوبة بشكل فضيع وتتأذى األأرانب كثيرا .. لابد حديد ، والأفضل يكون مجلفن ، يعني ضد الصدأ ..

كم المساحه اللي اخليها لكل بطاريه طول عرض لان اتوقع الغرفه تشيل 5 بطاريات ان شاء الله صفين يعني يسيرون 10 كل صف جنب بعض
طبعا البطارية عبارة عن : عين ، وبيت ولادة ، ومعلف .. العين هي المساحة التي يآخذها الأرنب لراحته ومشيه ، تقريبا سبعين سنتيمتر في خمسين ، تزيد تنقص .. مايضر .. وبيت الولادة : يكون لاصق في العين نفسها ، للأمهات فقط .. والمعلف يكون في نفس العين .. عبارة عن صاج معمول بشكل يسمح لوضع المكعبات من فتحة علوية لتأكل الأرنب من خلاله بفتحة مقابله لها .. والأفضل تبدأ بتفصيل نظام الأدوار .. نفس الصورة في الصفحة الاولى .. الدور العلوي للمفاطيم ، من شهر الى ثلاثة اشهر .. ووالتحتي للأمهاات .. توليد يعني .... وبين الدورين صاجة تشكل زاوية حادة تجعل فضلات الأرانب الي في الدور العلوي تنزل للأسفل .. الله يكرمك ،،

الاكل كم سعره وكم يكفي ارنب لمدة شهر
الأكل الله يسلمك خمسين كيلو بستين ريآل تقريبا ،
من أراسكو والشويعر .. تجدها في أسواق الحمام ..
أما كم يكفي فيختلف ، الأرنب يمر بحالات ، من شهر الى ثثلاثة اشهر يأكل بشكل طبيعي ، اذا وصل للبلوغ يزيد معدل الأكل .. في اشتاء يتضاعف معدل الأكل .. الأنثى التي ولدت صغارا تأكل بشكل مضاعف .. وهكذا .. بالمجمل الأرنب البالغ قد يكفيه خمسة كيلو شهريا فما فوق ..

واسف اذا كثرت الاسئله لكني ابي ابدا وانا عامل حسبه كامله للمشروع واعرف اللي للي ولي علي
بالعكس عزيز وغالي وكلنا كنآ لانعلم شيئا .. احرص على البحث عن الأرانب التي ستشتريها ، مواصفاتها ، حياتها ، انتاجها ، .. والأهم كيفية التصريف .. هذا المهم حقيقة .. وتبشر بالخير .. ان شاء الله أفصل لك في بعض سلالات الارانب ان سمح لي الوقت .. بالمجمل عندك البلدي اللاحم هذا يلد في البطن الواحد معدل من سبعة الى ثنعشر مولود .. ولكن سعره زهيد .. الجوز يتفاوت بين سبعين الى ميتين على مدار السنة .. تقريبا .. وعندك سلالات الزينة هذي مواليدها ماتتعدى سبعة .. ,الغالب ثلاثة مواليد اربعة .. ولكن سعرها غالي .. الجوز من ميتين وخمسين إلى سبعمية وربما أكثر .. حسب مواصفات الشعر واللون والمستوى .. تحياتي لك ،،

وبـــــــــــــالله
التـــــــــــــــوفيق

اغتم الفرصه · #45 (**permalink**) 18-11-2011, 05:47 PM

والله روعه مشكور على الفكره الجيده ونتمى دراسه اكثر وتفاصيل اكثر

زاد الشقى · #46 (**permalink**) 19-11-2011, 03:37 PM

طيب وش رايك في اللي عنده مزرعه وفيه مساحه والفكره هذي كنت مسويها
ولكن غير طريقتك مسويها بالطريقه الشعبيه شبك وخليتها تحفر في الارض بيوت

والاكل برسيم طبيعي من المزرعه

بصراحه خلال سنه ونص وصلة 82 اررنب والبدايه عدد 2 انثى وذكر

بس انا اهملت فيها ولا اهتميت وراحت على البيت حبه ورا حبه لين قضينا عليها

مواطن معطل · #47 (**permalink**) 19-11-2011, 04:20 PM

الله يرزقكـ
فكره حلوه

قهوة عربية · #48 (**permalink**) 19-11-2011, 04:57 PM

شـكرا لك وبارك الله فيك... لك مني أجمل تحية .

الحارث همّام · #49 (**permalink**) 22-11-2011, 04:22 AM

اغتنم
زاد
راندي
قهوة
أشكركم جزيل الشـكر ،

اخوي راندي . تصير
أعرف واحد مسوي زي شغلك ..
بس هو يبيع بالاجواز ..
علف غنمه ، ومصاريف الماء الديزل والفواتير .. من بيعه للارانب ..
ماشاء الله .