30-01-2011, 03:16 PM
|
عضو جديد
|
|
تاريخ التسجيل: Jan 2011
المشاركات: 1
معدل تقييم المستوى: 0
|
|
اهلين بنات توني مسجلة عشان اقولكم ايش صار في مقابلتي اليوم
المقابلة سهلة اسألة عامة مافي اخبار او سياسة بس انا لخبطت وجبت العيد شوي
اول شي دخلت غرفة فيها تقريبا 6 موظفات وحدة كبيرة بالعمر هي اللي تسال والله يعافيها مررره ذووق وعسل ومبتسمة اما الباقي كانو ساكتين وجلست وقالو وين اثباتك -ليه ماطلعتي بطاقة لك - عرفينا عن نفسك - ليش اخترتي تخصصك - ليش اخترتي وزارة الداخلية بالذات - ايش معنى الوظيفة من مفهومك او ايش تعنيلك - ايش الدورات اللي اخذتيها - انا اخذت 2 تطويرية سالوني عنها وايش العلاقة بينهم - اخر كتاب قراتيه واذكري نبذة عنه ومين مؤلفة - لمن نوظفك ايش راح تضيفين لنا وكيف راح تنجزين العمل
.
يابنات ترى كل وحدة وحظها في بنات دخلو وسألوهم أسأله غير يعني مثلا لو واجهتك مشكلة بالعمل كيف تحلينها ؟؟؟وكيف وكيف
مدة المقابلة لي كانت حول 5-10 دقائق
ماطلبو مني اوراق غير الاثبات وشهادة الحاسب لاني ماقدمتها اول بس قدمت تعريف طابقتها واخذت الصورة يعني الشي اللي ناقصك جيبيه معك
وبما اني الوحيدة من بنات الرياض اللي قالتلكم عن تجربتها وجبت العيد فيها وابيكم تستفيدون ياليت ماتنسوني من دعائكم وربي يكتبلي اللي فيه الخير انا وصديقتي
بنات لا تشيلوون هم المقابلة مرره عاادي وماحسيت انهم مره دققو في المقابلة اتوقع راح يفاضلون حسب المعدلات والدورات والشهادات << هذا توقعي بعد المقابلة
وربي يكتبلنا اللي فيه الخير
بالتوفيق لكم وخاصة اللي جاين من برى الرياض الله يعينكم .
التعديل الأخير تم بواسطة صح أجنن ; 30-01-2011 الساعة 03:18 PM
|
العرض العادي
