بنات اسمعو
يقول الرسول
من فرج كربة مؤمن فرج الله عنه كربة من كرب يوم القيامه
اورجوكم ساعدوني
في حل مشكلتي انا اخذت الكشف بس موعدي في 13\5فرحت لاني مسافره لزيارت الوالده
ورجعت للاحول قالت الموظفه خلال الاسبوع الجاي نتصل عليك تداومين
وبعدين تكملين الكشف سالتها اي يوم قالت ماعرف
انا مسافره سياره من الرياض الئ الباحه 1200كيلو دعواتكم لوالدتي لانها مريضه
اخاف يتصلو ونا في الجنوب يارب ساعدني في تفريج همي وش اسوي يابنات

ياحياتي الله يفرج همك ياكريم
بس لازم تردي عليهم قبل ماتنتهي ال15 يوم تبع المراجعه ومن حسن حضك قالت لك باشري قبل ينتهي الكشف
انا مارضيت توريني العقد تخيلي كان بيدها واقولها قوليلي بس على اي مرتبه قالت لا بكره نتفاهم
والله يشفي الوالده ويطول بعمرها ياارحم الرحمين
وانصحك لاتفوتي الفرصه وبحق الواحد الاحد ان مديرتك تكون متساهله ودامي بكره اشرحي لها الوضع وان شااء الله ترضى
بس لاتنسي تبشرينا

يا بنات الرياض اللي خلصت الله يفرج عليها كل أمر دنيا وآخره

تقول لنا على الطريقة اللي سوتها ربي يسعدها ويدخلها الجنة

الله يوفقكم قولو لنا حرام والله يتأخرون ويمرمطون البنات كذا

وتخيلوا قريبتي اتصلت على الإشراف وقالت لهم ان موعدها في

13 / 5 قالت بتتاخرون وبتروح عليكم أماكنكم تخيلوا

فالفزعة يا بنات الرياض اللي تعرف طريقة تساعدنا فيها

نخلص هالكشف قبل تروح الأيام والله أني سلت هم البنات اللي عطوهم

مواعيد بعيدة والله ظلم لا ويعطونك ورقه كاتبين ان التأخير منهم لكن

الإشراف رفضوا يقولون لازم تخلضون أوراقكم بالفترة المحدده



فالله يوفق كل من تسعى للخير وتساعد غيرها

والله ياحلم سسسسساره لو لا عندي واسسسسطه ومدير مستشفى الملك فيصل براسه واذانيه
ولا كان ررررررحت وطي وجلست اطارد من مستشفى لثاني لانهم محددين حتى النفسيه والصدريه وكمان تحليل في بنك الدم تحليل المخدرات تخيلي هذي كلها نسويها
بس الحمدلله مشيت اموري بالواسطه وانا في السياره بعد اشرب عصير
وباقي كشف الحساب لو ماحصلت احد بتمرمط بس خالتي اخت زوجها بالراجحي وبتكلمها لي
يعني شغل واسطات وبسسسسس
خليها تدبر حالها تشوف احد من هنا ولا من هنا

مافي احد من بنات جدة ليه كذا نبغ نسمع اخبار مارسلو رسائل ومو عارفة أية فرع اروح حلا الورود وينك ماعندك اخبار

اهلين بنات
ورد القصيم يعنى نروح بكره ناخذ الكشوف
الله يعين ويسهل الامر