تسلمين يالغلا بس الي اعرفه المتعاقدة لايحق لها الحمل مثل المدارس الآهلين
ولكن وكلنا أمرنا لله وانشالله يحطون كل مرشحه حسب المكان الي تطلبه يارب أنا الوشم يحطوني فيه ههههههههه
وع فكرة حلم وين اختفوا البنات لايكون فرحة بالوظيفه يارب يوفقهم ههههههههه

تسلمين ياعمري إحنا حظنا كذا الرياض المفروض اول مباشرين لأننا بالعاصمة هههههههههههه
لكن ربك كريم والله يوفق الجميع -------

[align=center]
حلم ساره
ننتظر جديدك
[/align]

كيفك حلم سارة

ها بشري وش صار

بصراحه اتفائل فيك انا

خبر اليوم

تقول قريبتي الحبيبه انها راحت اليوم من بدري للاشراف

وسلمتهم ورقة الفحص وقالوا لها خلاص بنتصل عليك

وتقول قلت ابقابل المديرة تقول الموظفة طارت عيونها

وقالت ليش وش فيه ؟

تقول قلت ابيها بكلمة راس

قالت مااظنها بتقابلك عندها اجتماع ..

تقول قلت ابنتظرها عادي ما عندي شي متى ما خلصت انا ابيها

(وتقول بخاطري اقول زوجي عندي الباب لو اتاخر بيدخل ياكلني وياكلهم )

قالت الموظفة طيب قولي لي وش تبين وانا بوصله لها علشان ما تنتظرين عالفاضي .

تقول وهنا عرفت انهم يتهربون ويصرفونا ..

قلت لو ابسال سالتك من قبل وريحت نفسي بس انا ابي المديرة ..



تقول وتروح وتدخل عندها وتقعد شوي وتطلع وتروح الغرفة الثانية وما حاكتني وانا

قاعدة منتفشه فوق كراسيهم الزرقاء

والمشكلة تقول اني اشوف المديرة ماعندها الا وحده من اللي سووا لنا المقابلة

وين هالاجتماع اللي تقول عنه ..


تقول وبعد ربع ساعة جت موظفة ثانية ودخلتني بمكتب جانبي

وقالت انتظري بتجيك المسؤلة ..



تقول وفرحت ..

الا شوي وتدخل على وحده لها هيبه طويلة وملامحها جامدة



سلمت وسالتني سمي وش بغيتي ؟؟

تقول انا لساني لزق بلهاتي من الروعه

وقلت ابي اعرف كل شي عن وضعنا من قدمنا الى يومنا هذا وكل شي مبهم

وان سالنا قالوا موظفاتكم ماندري والا قامو يعطونا من هالاحتمالات والتصاريف

تقول قالت بصراحه هم ما يقدرون يجاوبونكم على كل شي

قلت طيب من حقنا نعرف وضعنا ووش احنا صايرين عليه

قالت وش تبين تعرفين

قالت وانهد عليها بالاسئلة عن المراتب والرواتب

ردت ان الرواتب كانت محدده بمبلغ مقطوع يوزع على المرشحات

( تقول ما فهمت ) ولا حتى انا بصراحه ...

واكملت حديثها لكن تغير الموضوع من الوزارة بعد القرارات الملكية الاخيرة

وللحين ماندري عن موضوع الرواتب لكن ان شاء الله خير





تقول وبعدها سالتها عن المراتب ليش وليش

وقلت لها عن شهاداتها ومؤهلاتها

ردت عليها :

ان التوزيع لبنات الرياض بالذات اعتمد حسب الاحتياج للتخصص وحسب المهارات اللي سجلتوها بالتقديم بعض النظر عن درجة موهلك هل دكتوراه والا ماجستير والا بكالوريوس

؟؟

تقول كثييييير ركزوا على المقابلة

وقالت احنا طلبنا بكالوريوس يعني حطينا احتياجنا مسبقا واللي جايبه مؤهل اعلى ترضي

باحتياجنا او تنسحب ..


وقالت نفس كلام الموظف التخصصات الللي هم يبونها

حطوها بمراتب عليا والدنيا حسب احتياجهم خصوصا بالرياض




وتقول قريبتي نسيت كل الكلام من الحره ولا عرفت اكمل


الين قالت هي :

وترى مباشرتكم اخر الشهر وبيتصلون فيكم البنات ياكدون عليكم الموعد


وبس يا حبايب..


وملاحظة هامه //

كل ماذكر اعلاه منقول لي ويخص بنات الرياض فقط حسب علمي

والله اعلم

ربي يعافيك يا مذيعتنا

ان شاء الله الرواتب تسووووى


وان شاء الله نباشر قريب

على نهايه الشهر باقي اسبوعين برضو يعني
:/