[align=center]
بسم الله الرحمن الرحيم الحمدلله والصلاة والسلام على رسول الله وعلى آله وصحبه
السلام عليكم ورحمة الله وبركاته
يا جماعة الخير انا عندي راس تريله مرسيدس موديله 88 والراس نظيف ولله الحمد
ابي ااجرهـ ع احد ياخذه مني ويحط له صندوق او سطحه براحته واتفق وياهـ ع سعر
او الي عنده خبره يعلمني او يوجهني لأحد ياخذه مني وله دعوهـ

لكم احلى تحيه
[/align]

نصيحتي لك المطلووب في الوقت الحالي القلاب
وسعر ايجارالقلاااب بحدوود 4000 الاف اذا كان نظيف
انت حاول تبحث عن صندوق قلاب وتركبه ع راس التريله
وقبل تركبه ابحث عن الشركااات واعرضه عليهم وان شاء الله بتلاقي خيررر

السلام عليكم
اخوي وضح نوع الراس
هل هو البي والا بوز وكم حجمالمكينة ونوع القير وهل هو سست والا مناافيخ
يمكن اشتريه اذا ما عندك مانع

بالتوفيق

لابد من معلومات مكتملة ولو أمكن صور

الله يوفقك

اسعد الله مساكم جميع
يا جماعة الخير انا للحين ما شفت الرد الي يوضح لي الطلب صراحه جزاكم الله خير\

يا عمر شقراء الراس 1635 بس مهو للبيع مشكور

يعطيك العافية اخوي
اذا حاب تاجره ب 5000 انا مستعد

هلا فيك اخوي
الله يعطيك خيره ويكفيك شره
اخوي هل قصدك 35 19
اخوي فيه عندي لك فكرة
انا ولد عمي عنده تريلة مع سطحة ويشتغل في الاعلاف يقول مكسبي شهريا 7000الى 8000 مع انه شمالي ماهو حرك بارد
قلت له فيه منتدى بيصلح لك وبتلقى فيه شغل قال ما اعرف للنت بس حط اعلان لي ورقمي لتوصيل الاعلاف من ساجر والقصيم قلت ابشر والله واحط رقمه الكلام هذا من اسبوعين واليوم كلمته وانا في الدوام قلت هاه بشر دق عليك احد قال ايه بس ما صلح لي الشغل قلت ليه قال يبون اوصل للجبيل واللي المهد واللي في حرض قلت كم بيعطونك قال على اللبنة ريالين قلت يا اخي فرصة يعني مكسبك في الحملة الفين وفي الاسبوع بتحمل ردين ان شاء الله يعني صافي لك 3000 كل اسبوع ليش ماتشتغل قال تبي الصراحة موتري بوز ولا فيه مكيف والحر الله لايوريك اصبر علي لين اشتري راس جديد واشتغل صح
وانت يا خوي توكل على الله واعلن في منتدى وتوكل على الله