[align=center]
السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

أولا اشكر إدارة هذا المنتدى الكبير و الرائع على ما تقدمه من جهود رائعه .. و أعضاءه الغالين

ثانيا ... أخواني انا عندي استفسار لموظفي مدينة الملك عبدالعزيز للعلوم و التقنية .. انا قدمت ..

على احد المعاهد و أجريت مقابله مع احد الدكاتره .. و لله الحمد نجحت بالمقابله و ارسلت اوراقي

الى ( إدارة المدينة ) طبعا توقعت اوراقي من سمو النائب .. و راحت الى ( الادارة المالية ) و

الان . و اقفه عند ( شؤون الموظفين ) و كلمتهم عن وضعي .. و قالوا حنا ننتظر التوجيهات العليا

و بعدها نتصل عليكم عشان الفحص .. المشكله هذا الكلام اسمعه تقريبا من شهر و نص .. و كل

ما رحت لهم .. قالوا نفس الكلام ( ننتظر التوجيهات العليا ) .. فهل عندهم نقص بالميزانية .. او

تعطيل من ( شؤون الموظفين ) .. او ماذا ؟؟ .. اتمنى منكم الافاده لكل من قدم عليهم او من

موظفي المدينة .. أخوكم 10 شهور عاطل .. مع مرتبة الشرف الثانية..الله يعين بس

و شكرا للجميع ..
[/align]

ياعزيزي انا مثلك قدمت وعديت المقابلة وقالو رح نرفع اوراقك للادارة الكلام هذا يوم السبت الماضي

بس سمعت من بعض الاصدقاء الي يشتغلو بالمدينة ان المسألة تاخذ تقريبا شهرين الين تباشر

تطول عند المالية شوي


بس يالغالي ياليت تقولي ايش الاجراءات الي مريت فيها من بعد المقابلة الى الان
وكيف اعرف اني قبلت ولا لا


الله يخليك طمني لي اسبوع ارقص رقصة القلق

الله يجزاك خير يالغالي ماقصرت وربي الله يوفقك يارب ويتصلو عليك وتباشر عملك وانا معك يارب

بس ماقلتلي يالغلا انت مقدم على اي مركز ؟

وفيه سؤال اخير الله لايهينك
قضية رفع الاوراق من المركز للادارة معناها اني قبلت ولا لسا ؟

لله يطمن قلبك مثل ماطمنتني

يارب يارب يارب خلال هالشهر تنتهي امورنا ونباشر ونتقابل ونبارك لبعض
انا اخوك مقدم على مركز النانو وان شاء الله يكتب الي فيه الخير

بس بالنسبة للاجرائات والكلام هذا كله ينطبق على الجميع ولا لا
لاني مثل ماسمعت فيه نوعين من الموظفين
فيه الاكاديمي الي حاصل على معدل جيدجدا
وفيه المتعاقد الي معدله جيد

ااااااامين الله يسمع منك ... و ان شاء الله نتقابل بتوقيع العقد

و الاجراءات هذي ع الكل .. سواء اكاديمي و لا متعاقد .. كلهم رسمين .. لكن فيه فرق بالبدلات و بعض المزايا

و الله يكتب اللي فيه خير ..

الله يكتب الي فيه الخير

تكفى يالغلا طمني لو صار معك شي

و الله ياخوك للحين معللللق ... ااااخر شي رحت و سألت مكتب ( الصادر و الوارد بمكتب سمو النائب ) .. لكن

اتضح ما عندهم سالفه ... و رجعت لشؤون الموظفين و للحين معلقين ( ننتظر التوجيهات العليا ) .. و انت لا

تنساني .. اذا صار معك شي .. تكفى طمني يالغالي .. و الله يعجل و يسهل امورنا ...

أنا أعرف أنه يبغى لهم وقت وأصبروا لاتستعجلون وإن شاء الله أموركم تمام
والمدينة مافيه أفضل منها وللعلم ترى مافيها واسطات أبدااااا
والله يوفق الجميع إن شاء الله..