30-06-2010, 05:17 AM
|
|
Guest
|
|
تاريخ التسجيل: Apr 2008
المشاركات: 203
معدل تقييم المستوى: 0
|
|
وش خمس كراتين الله يهديك الظاهر حجم الكرتون متر في مترين
اول شي وهذي نصيحه لكل من يبي الزراعه لازم من توفر الما والماء الصالح للزراعه والتربه الصالحه للزراعه ثم شفلك خبير زراعي يتأكد من نوع التربه والي تحتاجه من سماد والوقت المناسب للزراعه عشان ما يتعارض وقت الانتاج مع جو مو مناسب يخرب عليك المحصول ويجيب الامراض للنبات المزروع
مافي شي اسمه ضمان انتاج لكن وقت مناسب وارض مناسبه وري مناسب وخبير في الزراعه يكون مشرف على المزرعه وأي مرض او عطب يجي للنبات او اختلاف في الجو يحتاج لنصيحة مهندس زراعي افضل من تقرى في النت لان ( اختلاف المناطق يفرق معاك فعلى سبيل المثال انا ممكن اعطي نصائح وانا في اعالي الجبال ما تناسب ابدا اي منطقه ثانيه اعلى او اقل او عرضه للرياح او عرضه للجو الحار او حتى تختلف تربتها او نوع وكمية المياه الي موجوده فيها ) وحتى في نفس المنطقه وما تبعد عن بعض كيلوات معدوده ممكن الزراعه الي تنجح في مكان تفشل في مكان ثاني
بالنسبه للبيوت المحميه عندنا في الجبال انواع طماطم الجو المناسب لها من 23 الى 27 درجه إذا زادت الحراره تحتاج لتهويه ويقل النمو وإذا نقصت الحراره تحتاج لتدفئه واغلاق البيت المحمي في الجو البارد حتى ما يقل الانتاج ولو انه في العاده يتراجع في الشتا انتاج نفس الكميه تقريبا الى جني كل ثلاث ايام بدل يومين
قلت الخيار وتعرف الكراتين الفلين حجم البيت المحمي 9 × 56 هذا انتاجه في الصيف تقريبا 70 كرتون خيار كل يومين وفي الشتا نفس العدد تقريبا كل 3 ايام ويستغرق نمو لقبل الانتاج من 35 الى 40 يوم وهذا كلام واحد من اصحاب البيوت المحميه وانا جربته في بيت صغير ومو كل البيت الا نص البيت الي مساحته 5 × 6 يعطي في افضل انتاج له لكل يومين 6 كراتين واقل انتاج 3 كراتين كل يومين واقصد فيها كراتين الفلين الي سعرها يتراوح بين 2.5 الى 4 ريال للي يبي يبيع على المحلات وتفرق من مدينه لمدينه ويستمر الانتاج من الشهر ونصف الى الشهرين وهذا مجربه بمعنى ان 70 × 2.5 = 175 × 15 = 2625 ريال مبيعات في الشهر للبيت الواحد تنقص منها تكاليف الفلين والتغليف وتكاليف البذور والري والخيار مضمون تقريبا انه ينتج فجربته مرتين وضبط معاي شغله تمام لكن ارباحه تنزل للرقم الي قلت اذا كان متوفر وممكن ينزل اكثر في منطقه ثانيه وممكن يرتفع ويجيب ارباح افضل لو وفرته لمنطقه ثانيه السعر فيها افضل او وزعته على المحلات وكانت تشتريه بسعر افضل
الطماطم يحتاج وقت اطول حتى ينتج وياخذ قرابة الثلاث شهور لكن مجربه مره اولى واستمر انتاجه خمس شهور لكن شتلات الطماطم عرضه لانواع كثيره من الامراض سواء في بيوت محميه او غير محميه وانتاج البيت المحمي 56 × 9 تقريبا 35 كرتون كل يومين من الكراتين الصغيره والي سعرها يبدى من خمس ريال واحيان يوصل 15 فحط حسابك احتياط على 3 ريال بيع وحط في بالك ان ممكن تصاب الشتلات بمرض يخرب عليك الانتاج اذا ما تلافيت المرض بشكل سريع فاول ملاحضه لاي تغير او مرض اتجه لمهندس زراعي ولا تتهاون حتى ما تخرب انتاجك بتهاونك 35 × 15 مره للشهر = 525 كرتون × 3 = 1575 ريال نزل منها تكلفة الكراتين وتكلفة الري والمبيدات والاسمده ومعليش حطيت الاسعار الاقل عشان يتعرف الواحد على المشاكل الي ممكن تجيه وما يسوي بيوت محميه ثم يواجه مشاكل وينصدم ان ما جت له الارباح العاليه الي قرى عنها او سمعها فالارباح العاليه تصير والمشاكل تصير
في واحد من الشباب عنده بيتين محميه واول انتاج له فشل وكان حاطه في ارضيه يقال ان مو مناسبه للزراعه وجرب الانتاج الثاني وفشل بسبب السيول وله اكثر من سنه وزود بيتين ثانين ويبي يستمر
وفي واحد من الشباب عنده بيتين محميه اول شهرين في الانتاج طلع 25 الف على حسب كلامه بالرغم ان منطقته انتاجها في العاده اقل من انتاج منطقة الاول
وفي واحد من الشباب تبعد ارضه عن ارض الاول حوالي 5 كيلو ونفس الاجواء وبرضوا جرب بيتين محميه وانتجت له اول سنه 80 الف
ما ابغى احطم ولا احمس لكن تأكد ان يختلف وضع البيوت المحميه في المناطق الحاره والمناطق البارده فاهم شي لاجواء البيت المحميه هو تهيئته بالشكل المناسب للجو الي يناسب النبات الي يزرع فيه فما تجيب نبات يلائمه جو حار وتعمل له تهويه او تكييف لين يموت او ما ينتج او تجيب نبات متكيف على الجو البارد وتطبخه بالبيت المحمي وتكتمه انفاسه لين يكمش على حاله ويموت او يقل انتاجه تأكد من منطقتك اجوائها والطريقه الي تكيف فيها البيت المحمي بالشكل المناسب في فصول السنه وتأكد من الارضيه ووفرة المويه وجودتها واكيد كلكم شفتوا البيوت المحميه سواء في المناطق الحاره او البارده فما عليكم الا اخذ النصيحه من المهندسين الزراعيين في مناطقكم ومن اصحاب البيوت المحميه الي فيها
بالنسبه للري فالي يناسب ديرتنا الري صباح لمدة ساعتين وقبل الغروب نص ساعه كل يوم يتم فتح التنقيط بالطريقه هذي بالنسبه للاسمده فتأكد من نوع التربه وكم الكميه الي تحتاجها وكم الفتره حتى تعوض النقص والمبيدات على حسب المرض كوصفه علاجيه لها علاج ووقت معين وهذي تلاقيها عند المهندسين الزراعيين
والبيوت المحميه معموله عشان الانتاج على طوال السنه بتهيئة الجو المناسب للنبات الي تبي تزرعه فتأكد من التربه الي بتزرع فيها والمويه الي بتسقي فيها والجو الي تهيئه ولو حصل مرض لا تتأخر ومعليش على اعطاء مكاسب دنيا وعلى التخويف من حدوث امراض عشان تكون قدام الامر الواقع وتختار بذور نبات مهجن ومقاوم للامراض وبنصيحة مهندس زراعي عشان تتلافى امراض تم تلافيها بطريقة التهجين وتختار بذور تعطي انتاج افضل حتى لو غلت الاسعار عليك
الاسمده والادويه تقريبا كل الف ريال يكفي اربع بيوت لمدة سنه هذا رقم تقريبي لكن تأكد من نوع الامراض ونوع التربه
بالنسبه للري لمدة ساعتين في الصباح ونص ساعه في المسا وتأكد من معدل الري في منطقتك فحسبت معدل ري بيت محمي بمساحة 9 × 56 تقريبا 60 طن شهريا من المويه لو زادت في منطقه حاره او قلت في منطقه ابرد فتأكدوا من مسألة معدل الري اذا يفرق كم من الوقت صباح وكم مساء
البيوت المحميه مو شرط تعمل نفس الطول لان تقدر تقصر وتقدر تعمل تهويه او تقفل البيت المحمي وشوف الطرق المناسبه لمنطقتك وأجوائها وتأكد من الحراره المناسبه لنمو النبات والحراره المناسبه لافضل انتاج له
البيت المحمي تكاليفه الاوليه يمكن باهضه وتوصل في بعض المناطق لاكثر من عشر الاف لكن تستمر معاك لسنوات ما عدى ليات التنقيط فرخيصه هي و خيوط التربيط الي تعلق فيها الطماطم او يطلع عليها الخيار
بالنسبه لكلامك وش الخضروات انت هيء الجو المناسب للخضار و انت ما عليك الا تهيئة الجو المناسب والتربه المناسبه حتى لو تضطر انك تنقل البيت المحمي او تجيب تربه مناسبه للنبات الي تزرعه فيه وبالعمق الي ممكن تتعمق فيه جذور النبات واقصد فيه الخضروات اما الفواكه فما شفت فاكه تزرع في بيوت محميه الا اذا في طريقه ان يتم رفع البيت المحمي حتى ما تقشعه شجرة الفاكهه وما اضن في اشكاليه اكثر من تهيئة الجو المناسب للنبات بدرجة حراره تناسب النمو ودرجة حراره تناسب الانتاج
بالنسبه للزراعه العاديه في الاراضي الكبار فما جربت طريقة الرشاش لكن جربت طريقه الري العادي لثلاث مزارع عرض كل وحده تقريبا 100 متر والطول 600 تقريبا فكانت تعتمد على الري العادي الفلج مدري تسمونه فلج او لا المهم يفتح للمويه طريق في التربه فاستبدلته بمواسير وبرك توزيع بعد كل مسافه عشان تسريع عملية توزيع المويه وما تتسرب في التربه ويضيع الوقت وكانت طريقه مناسبه بشهادة صاحب المزرعه وجيرانه واعطت افضل انتاج لها من اكثر من 30 سنه وارتفع سوم وحده منه من 300 الى مليون وميتين وكانت تعطي انتاج يومي يتراوح من 500 الى 15 الف والمنتج الي كنا حاطين الامل فيه استمر سبع اشهر ثم بدى انتاجه وفي الشهر الثامن جا للمنطقه حالة جفاف وجانا خيبة امل بعد طول الانتضار وفوقها مشاكل الشراكه لكنا كنا نشتغل من الفجر الى المغرب كل واحد بمسحاته من بداية المزرعه لاخرها ثم بدينا الثانيه والثالثه وجتنا الضربه القاصمه بالجفاف عشان كذا مركز على المويه لابد من وفرتها عشان تستثمر كل مكان في المزرعه والتربه تكون صالحه للزراعه وتختار الوقت المناسب للزراعه وأي نقص في التربه او مرض يواجه النبات ما تتأخر عليه عشان ما يتلف عليك المحصول والزراعه بحد ذاتها متعه في تسوية الارض وشقها وزرااعتها وريها وانتضار طلوع النبت وتنضيفه من النبات الضار ومن الحجاره ثم انتضار التزهير للخضروات او التلقيح للطلع ثم متعة الحصاد والبيع بمكسب
|
العرض العادي
