سؤال مهم: دبلوم المعاهد الاهلية يمديهم يقدموا والا بس الكليات التقنية.
أرجو الرددددددددددد

كم مدة الدراسة للي عندهم بكالوريوس بارك الله فيكم

السلام عليكم ورحمة الله

كيف الحال ياشباب ،،، ان شاء الله تمام

أولا / مبروك على التخرج سواء الاخوة الجامعيين أو خريجي الثانوية العامة .

أخواني :

أنا أحد خريجي دورة الضباط الجامعيين بالدفاع والطيران لهذا العام 1431 هـ .

وودي أفيدكم ببعض النقاط واجاوب على كل الاستفشارات اللي تبونها وانا حاضر وتحت أمركم .
لأني مريت بالمرحلة اللي انتم فيها الحين وكنت متلخبط ومتردد وأسأل وماخليت ولا واحد إلا وسألته وجبت له المرض .

أنا بفيدكم جميع ان شاء الله سواءاً الثانوية أو الجامعيين لكن تركيزي وخبرتي المحدودة بالجامعيين والثانوية ان شاء الله بنفيدهم باللي نقدر عليه .

المهم :
جميع التخصصات مطلوبة بوزارة الدفاع والطيران والوظائف طيبة وجداً ممتاااازة ولا أحد يفكر بالتربة والراتب والتعيين من الحين لأنك لو بتفكر بيخلص التقديم وانت تفكرررر

ميزة الدفاع والطيران انها تعينك على وظيفة تمارس فيها تخصصك الجامعي ويستفيدون من الخبرات في كل المجالات ... بعكس الكلية الأمنية مع احترامي لهم ، صحيح انها حلوة وممتااازة لكن عيبها الوحيد 90% ماتمارس تخصصك .

يعني مثلا : زملائي : تخصص هندسة حاسب وعلوم حاسب معينينهم بحرس الحدود !! تخيلوا
هل هذا ممارسة تخصص !! وقس عليها كثير من التخصصات والقطاعات .

انا ما أقول لاتقدمون على الامنية بالعكس اشيد بها ولا احد يفوتها !!

وكلها طيبة

لكن الناس يقولون الدفاع ماهي زينة والدفاع .... والدفاع ... الخ !!

وزارة الدفاع ممارسة تخصص للجامعيين عكس خريجي الكلية الحربية ولهم تعامل واحترام خااااااص في كل شي والدورات طيبة ..
وفيها فرصة للابتعاث واكمال الدراسات العليا ..

مدة دورة التاهيل ( 9 أشهر ) والفعلية 8 أشهر ...

العام دخلنا الدورة 21/10/1430 وتخرجنا 25/6/1431 هـ يعني 8 أشهر

وزارة الدفاع تشمل :

القوات البرية *** القوات الجوية *** القوات البحرية *** الدفاع الجوي *** الخدمات الطبية .

وبالنسبة للدبلوم ما أعتقد انهم يقبلوووون يعني : الثانوية أو الجامعة .

هذا ما استطعت افيدكم فيه بعجالة .... وأي استفسار أو شي أنا حاااااااضر وتحت أمركم

وعسى الله يوفقكم جميعا


تحياتي لكم

والله ما أقدر أفيدك بالضبط لأني ما أعرف آلية القبول عندهم وبالنسبة للاستمارة كلها بسيطة وما اعتقد انهم يدققون الا على ( التخصص - المعدل أو التقدير - الطول - الوزن ) .

اذا طولك قصير واقل من المطلوب زوده شوي وكذلك الوزن .

يعني خلها متناسبة وماعليك اذا انقبلت مبدئي راح يكشوفون كشف طبي ومافيه تدقيق والاستمارة ماراح تكون معهم وقت الكشف ... يجيبون استمارة جديدة خاصة بالكشف .. وتتيسر الامور وتمشي وكلها سهالات وانا اخوك .

العام صارت مع ناس من زملاءنا نفس حالتك ذي معدلات أقل وماطلعوا مبدئي وكلها ارزاق .

لكن انت ابذل المجهود والسبب والباقي على الله


اتمنى اني وصلت الفكره


واي استفسار أنا حاااضر

مشكور يافهد وبيض الله وجهك يالذيب

عز الله انك وافي

بخصوص تدقيق الاوراق والبيانات في الرياض والا في جده ؟؟

بتوفيق