السلام عليكم ورحمة الله وبركاته

ياخوان انا في ورطة مابي سلف ولا شحاته ولا من ذا الكلام ابي شي يدخل لي 3000 ريال في 10 ايام
ضروررررررررررررري جداجدا راح انسجن البنك طالبني

ابي اي حد ياشيخ حتى لو اشتغل زبال من الصبح الى اخر الليل اهم شي اطلع 3000 في 10 ايام ماهو على طول بس العشرة ايام هذي من يوم 19 /7 الى 28/7

تكفون متزوج وعندي بنت وعاطل وحتى سيارتي مفقوع الكفر له اسبوعين

والله يخوك مدري ايش اقولك
بس اقدر اقول الله يوفقك وييسر امرك
انشالله راح يجيك احد ويقدملك نصيحه
الاخوان ميقصرون بالتوفيق

وش التطور

هد اعصابك وريح بالك من متى البنك يسجن احد
ياليت توضح اي بنك اللي يطلبك انا مااذكر ان البنك توصل معهم يشتكونك لين تنسجن بعدين هل تمت الشكوى ولا لسا لان اقل شي من يوم الشكوى معك فرصة شهر الى شهرين لين يصدر حكم.

اعرف ناس عليهم 60 الف و70 الف ولا سجنوهم

ممكن نعرف المشكله

ياخوان هذا بنك الرياض لي فوق سنتين مادفعت وداخل بالثالثة وابي اعطيهم وافتك وسالت واحد من العيال وقال لازم تدفع والا راح يجيبوك وفيها سجن وقلت ابعطيهم 3 الاف شهريا وش السواة يا شبااااااااب والمبلغ حوال ي61000 ريال وتراها كل شوي تزيد

الله ييسر امورك وعليك بالاستغفار

اول شي الله ييسر امورك ويسدد دينك ويفرج كربتك وجميع اخواني المسلمين

انت عاطل وتملك سيارة الحمدلله عط زوجتك اجازة ودق سلف الى مكة واذا كنت صادق مع نفسك رايح تحصل خير في المكدة داخل مكة فيها خير للي يريد الرزق

وترك جلست البيت ومقابل النت مادام متزوج وعندك مسئوليات انفض الغبار عنك وتوكل على الله وروح لمكة

حتى لو سيارتك ماهي جديدة مكة لو سيارة من ايام الفراعنة تشتغل خذها نصيحه مني وعتبر نفسك موظف في مكة وخصص لك ايام تزور اهلك فيها

وانا اضمن لك لو جربت مشاوير مكة ماعاد تطلع منها وخاصة رمضان على الأبواب

انا من اشتغل في مكة وقت رمضان ولا اشتغل الابعد المغرب حتى السحور صافي يومياً500ريال
والنهار مكبر المخدة