الاتصالات توقع في اي مكان
موجود في كل القواعد
لكن الاغلب في وادي الدواسر و نسبه قليله الرياض
انا ما ادري ايش الاليه اللي يعينون الناس عليها
لكن محتمل يحطوك في الصيانه حقت الطايف
والله يرزقك بس هم يراعون الرغبات اللي انت تحطها وهذا احسن شي فيهم
انا تعينت على حسب رغبتي الاولى ولله الحمد
صل استخاره وانا اخوك واذا لك نصيب بتاخذه
انا اكتفي بكلامي اللي قبل

طيب الفنين وش شغلهم ميدان ولا مكتبي

السسسسسسسسلام عليكم
اخواني انا قدمت عليها
ابي اعرف دورتها كم
وكم راتب الجندي
ومافي امل تصير بالشمال
تحياتي

طيب سؤال يااخ هوب هوب او ياقصيمي ممكن تعطينا نبذه سريعه عن طبيعة الدوره ...؟؟

والله مدري يا عطلاوي اتوقع يحطوك في التموين مجرد توقع
كلنا ما نمارس التخصص اللي ناخذه في الكليه
هم يعطوك دوره تخصص في القسم اللي يعوننك عليه

اقرب شي للشمال الشملي

الدوره طبعا لازم تنكرف
تصحى قبل الفجر بساعه
تصليبه الى الاذان
تصلي وعلى الميدان حصه هروله
بعدين التمام الصباحي
بعدين حصص مشاه الى اذان الظهر
تصلي وتروح الميز
بعد الميز اضافه والا داخليه
الاضافه : جزاء .. امتد .. انهض .. دحرج .. وضع البشم .. قفز ..اجلس .. انهض .. بلاط احمر هههه ياويلكم
ستره آنزع .. بسطار انزع .. وازحف على البلاط في عز الشمس .. والبلاط طبعا يكون بارد جدا هههه شوايه.
الداخليه : تصليبه في الشمس : يقمرونك .. قبوع أنزع .. عشان الشمس تضرب في الصلعه طبعا ما تتحرك زي الصنم.
ياذن العصر تصلي وترجع الميدان حصص مشاه الى المغرب
تصلي وترجع الميدان هروله تايم الى العشاء
تصلي وتروح الميز عشاء
بعد العشاء هذي على حسب انظباطكم بعض الاحيان
وعلى حسب المناوبين وعلى حسب الظابط خفر
يا الكل عنده اضافه
يا يطلع المتجازين والباقين على السكن نووووووم تايم

اعلمكم الاشعار عشان تغنون زين هناك

سيرتي داخله الميدان
ارضا وبحرا وجويه
نبي نداهم جبل دخان
والرمي ميه على ميه
ونسوقهم سوق بالنيشان
يم الحدود اليمنيه
ونسوقك يالحوثي التعبان
برا الحدود السعوديه

ياهلي عيني شقيه
والبلا حب بدويه
ياهلي
وضع البشم قطع ايديه
والمصيبه اذا قالوا داخليه
جلستن في الشمس ماهي في الظلالي


الله لا يسقي زمان العسكريه
والزمان اللي على البدله رماني
طوعوني مثل تطويع المطيه
والصحيب اصبح عليا مطوعاني
العريف خليف والجندي عطيه
والملازم من طحاطيح قحطاني

الا يالله ياعالم بحالي
تزيل الهم عن قلبي تزيله
عشنا ايام وشهور وليالي
وبنفترق ولا باليد حيله

متى على الله نطوي العفش ونروح
يم العجوز الذي ذبحني غلاها


باقي على التخرج الباقي شهرين
ونودع مدربي هالمدينه

يالسريه الثانيه مابقى الا القليل
التعب راح والفرحه بدا زولها
والله ان الرجل مايعرف المستحيل
وارفع الرجل فوق وقوه نزولها
استعد واستريح وشكلوا يافصيل
ومرجح اليد فوق وقوه رجوعها

الله ياهي ايام احلا الايام الدوره ذكريااااااات

يا وهابي يا وهابي تعوذ من ابليس
ادعو الله في كما كنت للمركز جميع

يالله ياوالي تنصر ملكنا
وتنصر ولي عهده
وتنصر وطنا

ياطير ياللي ترفرف في سماء الوادي
بلغ سلامي لي اهلي وخلاني

يالله اني طالبك يا ودود
جعل بعض الليالي ما تعود
في الدواسر على رتبه جنود
والليالي كفى الله شرهاا


يا شمس يا مطله .. يالكوكب العالي .. ول ول عليك ول ول .. ما اسرع نسيت اول
ياحلالي يابعدي ياحلالي يابعدي.. لا تحزم بالردي لا تحزم بالردي .. الردي ولد الردي .. الردي ولد الردي

صاعقه شعار حديد ونار .. لا للموت لا للعار .. ضحي بصوتي وانا فداء .. فدااااااااااااااااء .... فداااااااااااااء

السيل ياسدره الغرمول يسقيك .. اغنيه محمد عبده
لنا الله ..لمحمد عبده
الله الاول :: طلال مداح
الوداعيه : يوسف الشافي

سيدي حسن وارد الماء .. يسقي ذلوله بطاسه .. يا نخلتي ياطويله .. زارعتها في المدينه .. والله لو قيدوني .. قيد الجمل بالسلاسل .. لفك انا القيد واسري .. واسلك دروب المحبين

وانا صابر صابر .. صاااااااااااابر

لو زحوفنا .. صااااااااااااابر
لو هرولونا .. صااااااااااابر
لو صلبونا .. صااااااااابر
لو دحرجونا .. صااااااااار
لو جوعونا .. صاااااااااااااااابر
وانا صابر صابر

صااااااااااااااااااااااابر
لاجل المعيشه صااااااااااااااااااااابرين

ظابط خفر مستلم زعلان
كل السرايا مجازيها
مسكين يا شارب الدخان
الهروله ما يدانيها
يا شين ثابت وانا جوعان
والملعقه رزها فيهاا

وزنا لا لا مافيه صوت
وزنااااااااااااااا

هوووووووووووب

هاااااااااااااااااااااااااااااارول

واحد اثنين واحد اثنين

1 2 3 واحد 123 واحد

هوب هوب هوب

يا صباح الخير يابلادي
يابلادي يا سعوديه
نحمي حماك يابلادي
بسيوفنا الطويله
واقفز من الطياره
طياره سعوديه
والله لصير مظلي
ههههههههههههههههههه

الله يعينكم

والله لعبي 10 صفحات وسوسه الدوره وانا ما خلصت الاشعار

هههههههههههه

عساكم على القوه بس