بما أن العطله شرفت>>شوفوا حال البنات إذاعندهم زواج..:)

منايا الجنه · #1 (**permalink**) 01-07-2010, 06:36 AM

لما تجيك دعوة الى حضور حفل زفاف لاحد الأشخاص

فإن الحريم في المنزل يعانون حالة الطوارئ في اليوم الموعود فتلقاهم صافين طابور عند باب الحمام .. من أجل أخذ دش بارد

<<<

لأنهم مؤمنات بالقاعدة الفيزيائية التي تقول: أن الأجسام تتقلص بفعل البرودة

************ *******

ثم يهبون الى غرفة العمليات فتحصلهم مايخلون مراية في حالها ..

**

فتلقى منيرة عند مراية التسريحة تتمكيج

**وخلود عند مراية الدولاب تركب عدساتها

** وسآره عند مراية المدخل حق البيت تستشور شعرها
المشكلة لا انحرق السشوار ,,انواع ضيق الخلق والبرطمة

**

وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ<<
رمز الانوثة هالكلمة..

**

ورغد تترجى اخوها : تكفى ود فستاني للمغسلة وقول لهم يخلونه مستعجل

** وأبتسام متوهقة مالقت الحلق اللي يناسب لون فستانها

** وشوق تقول لأخوها : تكفى مر على جارتناوخذ من عندها الأكسسوار التفاحي

** ومزنه .. انفرط سحاب فستانها .. وتبي الخياط يصلحه

<<< والله من السمنة الزايدة

مالكم حق ابد

************ *****

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

************ ********* ********* ******

بعد ذلك .. يركبون السيارة بعد ما بح صوت ابوهم وهو يناديهم ..

حطوا العشا عند الرجال <اعتقونا من هالكلمةتكفون

هم ورا مايوحدون الرنة وخلصنا ؟!

**

والمصيبة إذا اخذوا مسافة بالسيارة وجتك فاطمة تشهق شهقة قوية .. ويقولون : اشفيييييك ؟؟؟ وترد عليهم : نسيت شنطتي تكفى يبه رجعنا للبيت

************ ********

وبعد عناء طويل يوصلون إلى القصر ويدخلون

************ ******

ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي

************ ********* *
ثم يتوافدون إلى المسرح وشف الرقص كيف

** اللي تحط رجلها من شرق المسرح إلى غربه ولا احد يدري وش بلاها

طيب خلاص لاتدفون

**********

**

واللي تهز وهي واقفة مكانها بركادة << على بالها أنوثة ..

************ ******

وتعال شفهم اذا غنت الطقاقة .. ( يالتكسي)وقالت : وخذ يمين وبعد يمين ..

تلقا الحريم فعلاً ماخذين اللفة يمين في يمين

<<< طبعاً من غشامتهم .. يتصاقعون في بعض

************

والوحدة فيهم بتتشقق من الفرحه إذا جت الطقاقة بجنبها وقالت : ( يا أحمر يا أحمر .. عاشو .. على قلبي )

<< طبعاً الافندية فستانها احمر ..

************ *****

**

وتلقا ثنتين هناك يرقصون نفس رقص العراقيات في ( عرب شمّر )وطبعاً العجايز منصدمات .. ومافيه الا قوة دعاوي على هالبنات

************ **

**

وإذا جت اغنية مصرية ..

تلقا الأغنية والأيقاع في وادي .. والرقص في وادي آخر إلا من رحم الله ..

<<

واللي تعرف ترقص مصري .. تلقى البنات يتشحذونها تقوم وهي ترفض ..

طبعاً من حقها .. تخاف يصكونها بعين على كيفك
***********

والوناسة إذا قالت الطقاقة : ( رقصة خاصة لأهل العروس ) تلقاهم يستلجون إذا قالت : ( كل آل ' فلان ' خيّالة )

<<< وهم في الحقيقة .. لم يركبوا حصاناً قط ..

هههههههههههه

منقول..

لاتزعلون علي حبيت ارسم الابتسامه على شفاهكم

تسجيل الدخول

بما أن العطله شرفت>>شوفوا حال البنات إذاعندهم زواج..:)

إستراحة الأعضـاء

لما تجيك دعوة الى حضور حفل زفاف لاحد الأشخاص

بما أن العطله شرفت>>شوفوا حال البنات إذاعندهم زواج..:)