السلام عليكم.....
انا خريج كلية تقنية تخصص الكترونيات صناعية وتحكم هل يوجد جامعات في السعودية تعادلي بعض الساعات أو يقبلوني بشهادة الكلية ولا يعادلولي المهم أني اكمل بكالوريوس

يجيك من يفيدك يالغالي وبالتوفيق لك

اخوي تقديم كلية اعداد المدربين شغال الان اذا تخصصك موجود قدم
اما الجامعات ماعندي علم

في جآمعه البآحــه

وفي جـآمعة تبــوك

وفـي الجآمعة المفتـوحهٍ

وفي أغلب الجآمعات الأهليـهٍ ..

لأن كلهاا بدرآهمٍ ..

مآفي شي حكومي للحينٍ ..

أذأ تبي تكمل بكالريوس

مالك أالاا بكالريوس الكلية التقنيةٍ بالرياض + كلية أعداد المدربين التقنيين ..

السلام عليكم و رحمة الله و بركاته

و أنا بعد خريج كلية التقنية تخصص حماية البيئة وودي أكمل البكالوريس

و نزلت نفس الموضوع في الاهداف و المناقشات وما أحد جاوب علي يا جماعة ما نبي نجلس في البيت ما نستفيد من دراستنا

و الحمدالله على كل حال

وانا شباااب قولولي تخصصي شبكات من التقنيه وابغى اكمل في جامعه بس لايكون فلوووس لاني اوضاااعي تعبااانه وياليت الي عنده علم يقولي وله هديه من عندي هي من يقوووولي؟؟؟؟؟؟؟

انا تخصصي محاسبه ودي اكمل دراسه خخخخخخ اه من مؤسسة البطالة

وانا بعد ابي اكمل دراستي ههههههه

تخصصي كهرباء في مجال او لا

انا الي قاهرني بذا الموسسه انهم فتحو قسم للبنات
الله ياخذهم ضاع عمرنا ع الفاضي
ما استفدنا منهم شي
شهادتهم مخيسه اولا لو اخذت الدبلوم محد معترف فينا واذا تبون تكملون بكليروس صعبه مره ونص التخصصات مو فيه
وثانيا حتى البكليروس من التقنيه ترا مو معترف فيه انا قالو لي شغلتين عن البكليروس من التقنيه يقولو لو اخذتيه ماتقدري تكملي ماستر في الجامعات الثانيه لان البكليروس من التقنيه مو زي الجامعات وحتى بالوظيفه مايتساون الموظف الي معه شهاده بكليروس من التقنيه والي معه من الجامعات الثانيه يعني من الاخر لاتضيعون اعمارك زياده وتكملون فيه
كملو عند بعد من اول وجديد في جامعة عبدالعزيز او فيصل او الامام
احسن من انكم تستمرون في الضياع وشهايد الموسسه المخيسه
بالتوفيق ياارب