20-07-2010, 10:39 AM
|
 |
عضو مهم
|
|
تاريخ التسجيل: Dec 2009
المشاركات: 305
معدل تقييم المستوى: 888969
|
|
الدمام .. سوق الحب بالقرب من حي العدامه
عند جامع الملك فهد الكبير .. فيه كل شيييييييي بالدرازن
يبغاله رواقه و معرفه للي يزوره اول مره .. لأن العطور لهم شارع والعبايات شارع والمكتبات شارع تجيك محلات جنب بعض ماعليك الا تسأل وتفرفر بالسياره ..
احلى وقت لتسوق الحريم الاربعاء والخميس لأن فيه عوايل وناس يعني مافيه خوف .. الايام العاديه تلاقي ناس بس الهنود بكثره لا اله الا الله
اما الي محرمها معها مافيه خوف ..
لما تجي الصلاه انصح الحريم يصلون في مجمع الؤلؤه لأن جامع الملك فهد فيه حراميات الشنط<الله يآخذهم
انصح كل احد يروح للسوق يقول الاذكار ودعاء السوق عشان يكون في حفظ الله .. هذا السوق فضيع فيه شحاذات كثر التراب فلا تعطيهم مجال ابداَ <بصراحه يخوفون يهجمون عليك هجمه مو طبيعيه فـ حطي رجلك خخخخ ..
فيه بياعات بالطريق تلاقيهم يبسطون لاتشترين منهم المويه ابد .. انا مره اشتريت لما جيت افتحها انفتحت بسرعه يعني كأن احد معبيها ورميتها ع طول خفت فيها سحر اعوذ بالله
<السوق هذا في اشياء حلوه لآكن ماعندي خبره كافيه فيه لأني رحت له كم مره لغرض شراء الهدايا لمكان خيري ..
ان شاء الله اروح له وانزل لكم تقرير حلوو ..
|
العرض العادي
