السلام عليكم ورحمة الله وبركاته
بنسبه لسوق الجمله للعطور والمكياج =شارع سويلم
وبنسبه للملابس الرجاليه الداخليه وقمصان الحريم والبجايم والشرابات حقت الشتاء ....الخ=سوق التعمير
تدرون القمصان في السوق على عشرين وخمسه وعشرين وعندهم على عشره ووالله نفسه واحلى بعد
وبنسبه للساعات =شفتو البطحاء شفتو العماره حقت المواقف هناك تلقون الساعات البطله والشماغ من ماندفان وغيره والسراويل الطوال وكل شي
وبنسبه للشناط والاكسوارت وشناط الاب توب =عند الشارع حق الساعات يعني الساعات شارع والشارع اللي قبله للشناط والباقي وفي مبنى فيه الساعات البطله والاكسوارات والشناط اللي تقليد ماركه درجه اولى
وش بعد زش بعد
الاواني المنزليه =شارع السباله
والعاب الاطفال=بعد شارع سويلم
المضيات والرومنسيات=كمان شارع سويلم
وذا بغيتو شي راسلوني على الخاص صح القرطاسيه =سوق اوشيقر
ادعولي ان اتوظف ويسخر لولدي من تولى امره واذا كبر يلقى وظيفه على طول مو مثل امه