استفسارات عن دورة الامن العام

السرا · #1 (**permalink**) 01-07-2010, 04:49 PM

السلااام عليكم ورحمة الله وبركاته

اخبااااااااركم اخواني

..

عندي استفسارات واتمنى اجد حل هنا
وانتم ما شاء الله عليكم ( وقسم بالله مو مجامله ) .. افضل موقع شفته يساعدون بعض وقلوبكم على بعض . وهذ الشئ اللي خلاني اسجل واتشرف بالتواجد بينكم

//

انا معي تخصص شبكات حاسب ( دبلوم ) .. من كليه المجتمع <-- والكوبه
ومثل ما انتم عارفين كليه المجتمع ودبلوم ( معناه ردد ياليل ما اطولك بالتوظيف )

والترم الجاي هو الاخير لي ان شاء الله .. وناوي اقدم على االامن العام

الاستفسارات :
1- لو قدمت على الدوره في الامن العام . ياخذون اعتبار انه معي دبلوم في وتكون لي الالولويه في القبول ؟

2- لو خلصت الدوره .. اكون مثل رتبه من حصل على الثانوي فقط ؟ و وش هي رتبه من معه دبلوم لو يفرقونا عن غيرنا ؟

3- اللي عرفته بعد ال45 يوم تحدد القطاع اللي تشتغل به ( شرطه . مرور ؛ الخ ... ) هل لو اخترت مثلا الشرطه ( 100% يخلوني ادخل قطاع الشرطه ) او حظ يا نصيب ^_^

4- ادري انه الدوره راح تكون متعبه .. بس عطونا كلام يريح القلب ويطمنا هههههه من الوزى ما لقينا وظايف محترمه وتأمن مستقبنا ..!! والشكوى لله

..

وشششششششششاكر لكل من قدم مساعده وحتى من يمر مرور الكرام

][ اسنع واحد ][ · #2 (**permalink**) 01-07-2010, 05:17 PM

حيـاك

1- لو قدمت على الدوره في الامن العام . ياخذون اعتبار انه معي دبلوم في وتكون لي الالولويه في القبول ؟
دبلوم كم سنتين ؟ اذا سنتين فيه تقديم لهم خاص ولكليات التقنيه الرتبه اعتقد عريف او وكيل رقيب
فيه ناس قدمت بالتقديم الاخير ( حق التجنيد ) ومعهم غير الثانوي : شهادات كمبيوتر من 6 شهور ومنهم دبلوم سنه ومنهم من قدم جامعي على جندي .. اللي بيستفيدونه هذولا .. الترقيه تكون اسرع من اللي بدون شهادات .. وطبيعة العمل مكتبي اكيد وعليها اصناف الشهادات الاضافية ..

2- لو خلصت الدوره .. اكون مثل رتبه من حصل على الثانوي فقط ؟ و وش هي رتبه من معه دبلوم لو يفرقونا عن غيرنا ؟
اذا التقديم لحملة الثانوي وانت ثانوي واضفت شهادات : تصير جندي زيه بالرتبه بس لك صنفها

3- اللي عرفته بعد ال45 يوم تحدد القطاع اللي تشتغل به ( شرطه . مرور ؛ الخ ... ) هل لو اخترت مثلا الشرطه ( 100% يخلوني ادخل قطاع الشرطه ) او حظ يا نصيب ^_^
مافيه اختيار .. هم يحطونك على حسب فرزهم يخلونك بتخصص معين .. وسمعت انه تقدر تغير بالمداقشه داخل الدوره او بالواسطه تكلم فلان يحول تخصصك اهم شي قبل ماتخلص ال45 يوم

4- ادري انه الدوره راح تكون متعبه .. بس عطونا كلام يريح القلب ويطمنا هههههه من الوزى ما لقينا وظايف محترمه وتأمن مستقبنا ..!! والشكوى لله
تذكر ان فيه 3 ملايين عاطل من حملة الجامعه والدبلومات والثانوية .. ينتظرون فرصة القبول في اي قطاع .. واحسن شي : تذكر انك بعدين توقف عند الصرافه يوم 25 .. عكس العاطل يحتري شايبه يعطيه قريشات

-
( على فكرة .. لاتخلي كل املك بالامن العام روح لكل قطاع وقدم بالدبلوم بتحصل اعلى من الجندي )

وبئه كده خلصت الحتوتــه .. ربي يوفئك

السرا · #3 (**permalink**) 01-07-2010, 06:20 PM

عسى الله يرزقك ووالديك جنات تجري من تحتها الانهار يا اسنع عاطل

اقتباس:

دبلوم كم سنتين ؟

دبلوم كليه المجتمع ( 3 سنوات )

اقتباس:

وطبيعة العمل مكتبي

والله ياليت الدوام يكون مكتبي .. ما ابي شئ غير كذا ^_*

اقتباس:

هم يحطونك على حسب فرزهم يخلونك بتخصص معين .. وسمعت انه تقدر تغير بالمداقشه داخل الدوره او بالواسطه تكلم فلان يحول تخصصك اهم شي قبل ماتخلص ال45 يوم

اهاا كذا .. طيب الواسطه لازم تكون قويه والا عاديه ؟
او / المداقشه : يعني اغير انا وشخص ثاني بدون تعقيد ودوخة راس من المسؤول ؟

طيب سؤال اخير جاء في بالي /
: في موعد دوره مخصص لحملة شهادة الدبلوم ؟ او كلنا نقدم مع الثانوي ؟
وكم راتب العريف مع البدلات ؟؟ <<-- *_^

..

اسنع عاطل .. قسم بالله بردت قلبي جعل ربي يرزقك من كل خير ويوفقك
وتذكر : من كان في عون اخيه . كان الله في عونه ( ويشهد الله انك كنت عون لي في الاستفسارات )

ولا قصرت يالغالي

عسكري متفرغ · #4 (**permalink**) 01-07-2010, 06:41 PM

بقولك شي في خاطري

انا معي دبلوم تمريض من الأكاديميه الدوليه

طبعاً عاطل ومتعطل هههههههه

يوم صرت افكر بالعسكريه حسيت انه صار عندي طموح

عاطل من بعد الدبلوم صارلي أكثر من سنتين

البطاله ياااااااي وعععععععع قررررررف هههههههههههه <--- هذا تأثيرها

شي في نفسي وقلته لك وياحلو تاريخ 25 اذا جيت عند الصراف ما تلقى الا 2000 والباقي قرض ودين هههههههه

بس أحسن من البوك اذا صار فاضي

بس انت شهادتك تسمى دبلوم عالي اعتقد وحاسب بعد يعني امورك زينه بإذن الله

فيه شي أحذر منه

اذا قالولك معك شهاده اعلى من الثانوي وداخل عسكريه

وقتها بتعرف ان الناس يبون يسولفون ويطقطقون عليك

بس لا ترد على أحد وأدخل العسكريه أخدم دينك ثم مليكك ووطنك

قال رسول الله ـ صلى الله عليه وسلم ـ: ( عينان لا تمسهما النار أبداً : عينٌ بكت من خشية الله ، وعين باتت تحرس في سبيل الله )

يارب أنقبل بالعسكريه

الله يوفقنا وياك

يمكن ما افدتك بشي عن الأمن العام بس مثل ما قلتلك شي بالخاطر وقلته

بحر بلا سواحل · #5 (**permalink**) 01-07-2010, 07:06 PM

اسلام عليكم 00 كيفكم اخواني 00بغيت استفسر انا قدمت بالامن العام بمنطقة الشرقية الحمد لله كل شي تمام
حتى تجاوزت المقابله الشخصيه00 وتفاجات انهم حاطيني انتظار لدورات التاليه بس السؤال00 هل الي يجيه
انتظار لدورات القادمه يبقلوه لدوره 1432هـ ((

السرا · #6 (**permalink**) 01-07-2010, 07:50 PM

اقتباس:

اذا قالولك معك شهاده اعلى من الثانوي وداخل عسكريه

وقتها بتعرف ان الناس يبون يسولفون ويطقطقون عليك

بس لا ترد على أحد وأدخل العسكريه أخدم دينك ثم مليكك ووطنك

قال رسول الله ـ صلى الله عليه وسلم ـ: ( عينان لا تمسهما النار أبداً : عينٌ بكت من خشية الله ، وعين باتت تحرس في سبيل الله )

ياخي قسم بالله جبته بالصميم هههههههههههههههههه .. يجيك واحد ويتفلسف فوق راسك ( حرام جامعي وتدخل عسكريه ) من يسمعهم يقول الجامعي لاقي وظيفه محترمه
ياخي الحين ناس بكالوريس يالله لقوا وظايف ..!!

لكن بعض العقول وانا اخوك حط عليهم إكس ..

وكلك إفاده وبركه يالغالي ... ونورت

//

اخوي انتظار بلا سواحل : ان شاء الله الاخوان يفيدونك

لكن ما انتظر الناس اللي يكونون انتظار (دورة 1431 ) ما له خص في دورة 1432 <<- أعتقد والله اعلم

الحاله الشقيه · #7 (**permalink**) 01-07-2010, 08:49 PM

يجي من يفيدك

هلالي20 · #8 (**permalink**) 02-07-2010, 01:28 AM

بالتوفيق للجميع

][ اسنع واحد ][ · #9 (**permalink**) 02-07-2010, 04:23 AM

اقتباس:

المشاركة الأصلية كتبت بواسطة السرا

اهاا كذا .. طيب الواسطه لازم تكون قويه والا عاديه ؟
او / المداقشه : يعني اغير انا وشخص ثاني بدون تعقيد ودوخة راس من المسؤول ؟

طيب سؤال اخير جاء في بالي /
: في موعد دوره مخصص لحملة شهادة الدبلوم ؟ او كلنا نقدم مع الثانوي ؟
وكم راتب العريف مع البدلات ؟؟ <<-- *_^
..

لا الواسطه اي واحد بس يعرف احد في مدينه التدريب يكفي ..
انا واحد من جماعتي قال لانقبلت ودخلت الدوره علمني اخليك بتخصص ادله جنائيه
وهو دوامه بالشرطه بس له معرفه مدربين .. جوال وانتهى كل شي ,,
بس ماشاء الله دام تخصصك دبلوم 3 سنوات اكيد بيحطونك بتخصص على كمبيوتر ومكتب
مثل : علوم شرطيه او غيرها ..
موعد تقديم حمله الدبلوم والله ماعندي خلفيه .. نزل موضوع لحاله واستفسر يمكن تعرف
راتب الجندي من 5300 الى 6 الاف .. فما بالك بالعريف يمكن يوصل لـ 7 < تخمين
والله يوفقك ماسوينا غير الواجب