تحياتي لك
باختصارمشرف في شركه معي سعوديين معاملتي لهم عسل لكن احيان اجدتذمر او تثاقل عندما امر عليهم000رغم تلطفي وحاول اكسب سمعه طيبه فقط لوتركتها -لكن البعض ماينفع الطيب معه -المهم جاء موظف جديد سعودي استقبلته بطيب وقلت اي شئ تبيه قلي هناك مشرف سعودي اخر معطيهم العين الحمرا واذا جو عندي يسبوه احيان العمل عندي واحيان عنده دخلت مره وهو يعمل عنده الموظف الجديد فحاولت التخفيف قلت للموظف الجديد عادي ضغط العمل واصبر ووووتفاجئت برده (حنا مو مكاين وانت تفتح الابواب داخل طالع تعال اشتغل وووفنظرته بنظرة جمر وتكلمنا لم يعجبني الكلام والموقف قال انت فهمت غلط جنبه سعودي يضحك ويشحنه بطريقه غير مباشره قلت خلاص مانسالك بمزح او سخريه قلتها له فذهبت بعدها حقد لاسلام ولاكلام رغم خطأه واذا دخلت يحش في وعنده من يشحنه ويسمع له بدل من ردعه بالحقيقه هالموقف ضايقني فالي يدور ببالي اشياء كالتالي

1-لوحسيت منه رجوله كان ممكن اتناقش معه لله فقط للتوضيح والصلح خير لكن كسره وله اسبوعين ومسوي فيها لا مايسو

2-اكسر خشمه ولي تاثير على استمراره من عدمه لانه الان تجربه3شهور فهو وماقدم لاتقول تقطع رزقه والله مابيها لكن ليه الخبث والوساخه هذي مع الاصرار والموقف وصورته عيا يروح من راسي احاول اجد حل افضل
بعقلانيه وهدوء ابي رأيك اما 1 او2 او راي تراه افضل مع وافرالتحيه لك

لو انا في مكانك كان علمت الشغل زين لان فيه نااااس ماتستاهل معهم الطيبة والليونه يبغااالك الصلابه معاااهم علشان يمشون صح وهذا الشغل مو لعبه

يعني اختار 2

اشكرك ذكرى المحبه على مرورك ---------------------تحياتي لك يصير خير

السلام عليكم
اخوي حنا سمعنا من طرف واحد
معليش لا تزعل ترا هذا الحق
ما احد يقول رايه لين يسمع الطرفين
لانه مثل فيه موظفين حشرات فيه مدرا زيهم
صدقني هالشي موجود
انت الله يعينك وانت ادرى بنفسك وموقفك من اهل المنتدى
اذا انت صادق في اللي تقوله الله يعينك اتخذ الخطوات النظامية بحقه
اما اذا الموقف حقد وموقف شخصي ترا انت تجني على نفسك امام الله
وشكرا

عمر شقراء -----> مبدأنا الصدق لكن مو في محكمه حنا ترا

اولا: الحاقد والي له اهداف شخصيه يسويها ماينتظر احد يتفلسف عليه او حل افضل خصوصا اني مسئول وقادر
اخي موضوعي عطيته من الاخير بشفافيه وصدق الله فوق الجميع ومالي هدف اكذب

ثانيا:يوجد موظفين و مدراء سيئين وفي كل مكان ماجبت جديد بس كنت اتمنى تترقى وتتنقى كلمات مناسبه تحترم بها طرحك والمنتدى الي تكتب فيه موحشرات ترا مهما اخطأ الانسان يبقى بشر(ولقدكرمنا بني ادم)


كنت اتمنى استفيد من مرورك-اكثر-------شكرا لك

السلام عليكم
انا كنت مشرفة مثلك والله كأنك تتكلم عن حالتي
اقولك هي من واقع تجربة ، صدقني حالتك الحين مريت بيها من قبل
اعطيه العين الحمرا ولو وصلت لطرد فحلال فيه هو اللي يبغى يقطع رزقه بيده مو انت ، اذا كان هو في فترة تجربة ومسوي كدا اجل كيف لما يترسم؟؟
صدقني كنت مثلك احاول امشي بالطيب وكان بالضبط في مين يحرش عليا وانا اسوي ماني فاهمة وامشي بالطيب بس عشان لا يكرهوني كمشرفة
في الاخير عرفتهم مالهم غير العين الحمرا اللي تسنعهم وندمت اني عاملتهم بالطيب لأنهم تآمروا علي بالنهاية ولفقولي تهمة
وهذا المشرف اللي مربيهم هو الصح وخليهم يسبوا فيهم من اليوم لبكرة مو ضاره شي اهم حاجة مسنعهم
واللي يحرش عليك وقفه عند حده لا تخليه كدا ماشي على حل شعره
واخيرا نصيحة من ذهب :
افعل ما تراه صحيحا فإنك في كل الاحوال لن تسلم من الانتقاد
وترا ربعنا ما ينعطوا وجه

فعلا في ناس مايحترمو لكن اتمنى انك تسايسو وتتكلم معه باسلوب وحاول انك تحرجو باسلوبك اذا مانفع مسكو الباب ممكن هو بس يبي ياخذ راتي شهر ويمشي

Dazzling girl شكرا00000000على مرورك


كلامك بالصميم لأنك مجربه0000000000اجمل التحايا لك

majnoon11//احترم وجهة نظرك بس بأي اسلوب وبصراحه ممكن تكون هذي الفرصه الأخيره لوفعلا قدر وقدرت اسوي هالخطوه ومن ناحية راتب ويمشي فهذامحتمل يارب تصير//


شكرا 000لك

مو تكسر خشمه إلا أكسر عينه الطيب ما ينفع في الزمن هذا
أنا مثلك سعيت لواحد من منتدانا الغالي عاطل له 4 سنين لوظيفة وخليناه سكرتير رغماً أنه مؤهله ما يوافق يكون سكرتير وشوفه الحين كل ما شافني سلام رب العالمين ما بيرده ولا كأنه يعرفنا وهذا جزاتي الإحسان بالسيئة

انتبي وأنا أخوك في العمل لا تسوي محسن ترى تنعكس لك بسيئة ما يبغى يشتغل الباب يفوت جمل ألف واحد غيره يجي مكانـــــــــهـ