8

8


8



8

السلام عليكم ورحمة الله

باختصار أجمل مشروع هو البقالة حسب كلام عامل يمني داخل السوبر ماركت الي جنب بيتنا

مساحة البقالة طول = 5 متر وعررررض = 3ونص متر

البقالة تعتبر صغيرة جدا وعلى شارع تجارري من اشهر الشوارع التجارية في السعودية وفي الخبر تحديدا

تقفل الساعة ثنتين ودخل شهري صافي حسب كلام العامل والعامل ثقة من عندي
دخل صافي 10,000 ريال سعودي ( عشرة الاف ) .


حسب كلامه يقول
مانرمي أي شئ من البقالة
محل الجملة اللي يتعاملون معه يسترد اي شئ مايمشي أو يخرب
وشركات الالبان والعصاير تسترد اي شئ ينتهي مدته أو حتى ينكسر داخل المحل
وقس على ذلك شركات مياه الشرب والمشروبات الغازية وغيرها

فقط فاتورة كهرباء ورواتب عمال

وش رأيكم ؟؟
وكم يكلف الديكور ؟؟

حلوه بس وين تلقى الموقع اللي فيه احتياج
البقالات ملت الشوارع

وش رايك في محل ملابس رجالية قطاعي تكلفته 50,000الف ريال فقط وربحك بين هذا شار على واحد شغال فيها لها حوالي ما يقارب 23سنة ويقول اللحمد الله ربحنا بين في الرياض في البطحا داخل السوق

ما شاء الله

البقالة كمشروع حلوة خصوصا اذا معاها محل خضار بس مشكلتها مشكلة
اسعار المواد الغذائية ارتفعت بشكل جنوني واصبح التاجر الكبير لة الحصة
الكبرى في الربح اما التاجر الصغير ماله الى شئ بسيط .
يعني مكسبك في كرتون البضاعة من 3-10 ريال حسب البضاعة
ولازم يكون عندك عامل امين وثقة لان السرقة فيها مجال كبير

اخوك / صاحب بقالة من اكثر من عشر سنوات

السلام عليكم
حسب كلام اليماني
اقول لك شي اخي العزيز انتبه جيد الفلوس فلوسك ماهي فلوس اليماني ان خسرت قال مع السلامة وان ربحت قال عطني حقي
لو فيه خير ما عافه الطير
المشكلة ماادري ليش هاليمانية مسيطرين علينا بشكل
البنت تقول عندي يماني يقول
والشباب يقول عندي يماني يقول
والله يالغالي اني اتمنى لك الخير لكن قلت احذر بقدر الامكان
وبالتوفيق لك في مشاريعك
اخوك عمر

السلام عليكم
بصراحه المشروع جيد بس يبغى صاحب الحلال هو اللي يداريه
وللمعلوميه صحيح انا العامل هو المستفيد الاول والاخير وصاحب المحل تلقاه ياخذ 250 ريال بالشهر ويقول مالي شغل لا في ايجار ولا كهرب يعني ماتلاقي واحد سعودي فاضي يجلس من الصباح الى الساعه 2

البقالة بنك ،

خلك متفائل وافتح في مكان تستطيع ان تثبت جدارتك فيه

البقالة ذهب وفي بالي

وباذن الله بفتحها اذا توفرت لدي السيولة

الارباح بعد سؤال الكثير من الخبراء واصحاب المحلات

هي : من 10% الى 20 % لجميع البضائع