السلام عليكم ورحمه الله وبركاته



اخواني ودي بس كذا اطلع مافي قلبي
لما تخرجت من دبلوم التمريض قت ان شاء الله كلها كم شهر واتوظف واكمل نص ديني
ولكن واسفاه على التخرج ليتني للحين ادرس علشان اقول في نفسي لما اتخرج بتوظف

طبعاً تخرجت من الكلية بديت بالتقاديم انا وشنطتي حقت المعقب
بكتب لكم بس اللي قدمت عليهم ولا ابي ادخل بالتفاصيل علشان تعرفون بس ان حقنا بديرتنا مهضووووووووووووووووووم وكل يوم نسمع ان مطلوب عدد كذا تمريض وعدد كذا تمريض والمملكه بامس الحاجه للتمريض وللكفاءات السعودية
بس كل الكلام هذا لما تجي تشوفه بالواقع يطلع بس على الفاضي
حبر على ورق
اول شي قدمت على الحكوميات
1- الحرس الوطني <<< هذا شاتنا شوت من امتحانهم اللي يشق الوجه من صعوبته
2- قوى الامن << شاتتني مسؤوله التوظيف الفلبينيه لابارك الله فيها تقول (( وي نيد بكالوريوس نيرسنق )) طيب والدبلوم ماتبون (( قالت لا )) بغيت افتح الدريشه اللي عندها واشوتها معها بس فكها الله
3- العسكري <<< للحين مقدم عليهم ولي فوق الشهرين مادقو علي
4- مدينه الملك فهد الطبيه << حشرتهم حشر بالاخير قالو نبي خبره (( مع العلم ان عدد الممرضين السعوديين المستقيلين من عندهم يمكن 60 ممرض )) بس مايبونا
5- وزاره الصحه <<< قالو التابعين لجامعه الملك سعود تونا مافتحنا لهم باب التقديم
6- جمعيه الهلال الاحمر
7- ارامكو << شاتوني شوت
8- وزراه الشؤون الاجتماعيه << ابي اقدم على التاهيل الشامل تمريض قالو ماعندنا للحين وحنا طالبين من وزاره الخدمه المدنيه انها تعطينا علم
9- التخصصي << قالولي ندق عليك (( ردد ياليل ماطولك ))
10- المستشفى الجامعي << قالولي فيه شي بالجرايد قلت لا قالو اجل مافيه توظيف (( قلتلهم اجل طلابكم ولاموظفينهم من يوظفنا اجل الا اساساً وشوله فاتحين قسم التمريض عندكم )) سكت ولا تكلم وطلعت من عنده
11- مستشفى الملك خالد لطب العيون <<< << قالولي نبي بكالوريوس ولا تكمل دراستك عندنا تصير مساعد طيب عيون قلت اكمل وش وراي قالو هات اوراقك وندق عليك قبل الدراسه قلت طيب وللحين مادقوا(( للحين وبراسك دراسه ))
12- مستشفى الملك عبد العزيز الجامعي << قالو مانبي تمريض سعودي حالياً (( ايه روحوا تمشو بالفلبين ودورو ممرضين وممرضات لان حنا نبي نقطع عليكم تمشيكم ))
13- مدينه الامير سلطان للخدمات الانسانيه << حتى مالها نفس تقابلنا قالنا الحارس خلو عندي السي في بالانجليزي وكلموهم يوم الاربعاء الصبح (( مقدم عليهم يوم الاربعاء يعني نطق اسبوع على نار ))
14- مستشفى الملك خالد بالمجمعه على بند التشغيل << اخوي مافيه توظيف عندنا حالياً على بند التشغيل قلت من حقي انكم تشيلون اجنبي وتحطوني محله قالي صح من حقك بس مافيه اجنبي على بند التشغيل (( لاعبينها صح ))
--------------------------------------------------------------------------------------------
نجي اللحين للمستشفيات الخاصه
1- السعودي الالماني <<<< ماعندنا توظيف لاننا مكتفين (( كلام الموارد البشريه )) والمدير يقول (( اومال ياباشا محتاقين تمريض سعودي ))
2- دله << ندق عليك
3- العيادات التخصصيه << والله ياخوي للحين ماجاء مسؤول التوظيف من اجازته (( لا ياشيخ ))
4- مستشفى المملكه << احنا بأمس الحاجه للتمريض بس كيفك بالاسعاف والطوارء قلت 100/100 ومافيه سؤال ماسألني الاجاوبته (( قالي خلاص ندق عليك )) هع ونعود لنفس الحكايه
5-سليمان الحبيب <<< اخوي مانوظف تمريض سعودي كل الطاقم اللي عندنا اجنبي (( ليه والسعودي منتف يعني ))
6-مستشفى رعايه الرياض << قدمت عليهم وللحين ماسمعت شي منهم
7-مستشفى المواساه << نزل السي في وان شاء الله ندق عليك (( عدنا من حيث بدانا ))
8-مستشفى سعد التخصصي بالخبر << خلاص اخوي ارسل لنا السي في بالفاكس وان شاء الله نكلمك (( هع × هع = جلسه بالبيت الى ان يفرجها ربك ))
9- مجمع جينات الطبي << نزلت عندهم السي في ومشيت حتى مافيه ابلكيشن اعبيه
10- مستشفى الحمادي الطبي <<< اخوي مانوظف تمريض سعودي بس اللي عندنا الكونتر والاداره و الاشعه بس (( ليه التمريض شاذين يعني ))
----------------------------------------------------------------------------------------
على كثر اللي قدمت عليهم ماجاني اي اتصال للحين
ومن زود القهر رحت وجالس امر على المستشفيات الاهلي واقدم عليهم من جديد بالشهادتين الحاسب والتمريض
يعني وراكم وراكم
ورحت لمكتب العمل وقلت ان كذا مستشفى اهلي مايوظفون تمريض سعودي
وانا واياهم اخذ وعطاء