السلام عليكم ورحمة الله وبركاته....

والله مدري من وين ابدا بس احترت فالعالم هذي

مشكلتي مع اختي وسببها ازعاج جوال

اسمعوا وعطوني شوركم من مين الغلط مني والا منها؟



فية رقم دايم يرسلي كول مي وطنشت بس كل يوم يرسل له اسبوعين حتى باختباراتي اشغلني

ودقيت بس مايرد ابدا

وبعد ارسل ودقيت وبعد مايرد

وقهرني وارسلتله مسجات مين وتراي مامزح واذا ازعاج ترى عادي ازعج وخذ راحتك ماضربتلك حساب ومن هالكلام وبعد يرسل كول مي ودقيت وصار يفتح الخط بس مايرد بس باين من الاصوات انه بنت مو ولد لانه اكيد بيرد اذا ولد هنا انقهرت وبعد جلس يرسل كولميات قلت طيب اوريكم فيه لااااااااااااااااايمكن اسكتله

وجلست ادق ويرد ونفس الحاله بس اصوات وتكلمت وهددت وقلت تراي بنشر الرقم بالنت انا قلت كذا ابي اخوفهم عشان يعترفوا بس مافاد معهم وفعلا نشرت الرقم وبعد دقيقتين دق الرقم ورديت وطلعت اختي وجلست تلعن في وتسب وصكت الخط وانا اكبر منها بس ماضربتلها حساب وطنشتها

والحين الغلط من مين وش اسوي لاتقولوا اعتذري لها لانها طولت لسانها علي خلها تستحمل فعايل يدها


عطوووووووووني شوركم وين الغلط ومن مين ووش اسوي؟

انا نشرت الرقم لان رقمي مميز ودايم تجيني ازعاجات بالهبل

وانا ماعطيته اخواني لاني قد عطيتهم رقم كان يعرفنا ويجيب معلومات عن عايلتنا نعرفكم وانكم كذا وعندكم كذا ورحتوا يم كذا من هالاقاويل ولما عطيته اخواني طلعوا عيال جيرانا وصارت مشاكل لليل ولهالحين مستمرة


انتظركم

انتي يوم نشرتي الرقم نشرتيه على اي اساس ؟ هنا المشكله

على اساس انتقااااام للنكد هذا

وانا معروف عني اني دائما جادة في كل شي اقولة لما قولتلها انا بنشر الرقم وكان بس تهديد ابي اشوف يمكن يهرجوا ماردت وهي عارفة ان الكلمة لاقلتها مارجع عنها وعارفين ان هذا اسلوبي

المفروض يااختي دام رقمك يجي عليه ازعاجات تغيريه واذا ما تقدري ماتردي ابد واهو راح يطفش وماعاد يدق واللي يبيك ويعرفك بيرسلك مسج

غريبه انا بعد رقمي مميز بس مايجيني ازعاجات

عموما

هي أخطئت وانتي اخطــئــتـي

والمسامح كريم

لاتنسين قبل كل شي تراها اختك من امك وابوك

ومهما كان نوع المزح تبقى الذكرى بيناتكم


وارجوك نصيحه مني لك دام انك تقولين انك نشرتي رقمها بالانترنت

رجاء خليها تغير رقمها

فيه شي اسمه بلاك لست
لما يجيك ازعاج تطلبي من الاتصالات يحطونه بالبلاك لست وخلاص
مايجيك منه رسايل ولامكالمات ولاحاجه
مايحتاج كل هالدوشه ..
اللي صار صار وانتم خوات مصيركم تتصالحوا.. وخليها تغير رقمها لانه انتشر خلاص
المسامح كريم
الله يهدي الجميع ..

الامبرطور...انت ولد وانا بنت عرفت الفرق بعدين رقمي صااااااعقة له سنين معمر معي

روح مغليها لو دريت كان سويتها

يصير خير

إذا رقمك صاعقه انا رقمي زي البرق

على العموم اهم شي الأعصاب

الامبرطور استهبل مو بانت اللي محترقه اعصابه

ماقلنا شي رقمك برق بس انت ولد واحنا بنات ومو متعودين ازعاجات من بنات كلها تلقاها شباب يحقلي انشرة

أول حاجه انتي غلطانه واسمحيلي يعني ..

حتى لو جآكي كووول مي المفرض ماتتصلين .. واتصلتي على الرقم وبالأخير يفتحون الخط ومحد يتكلم .. وآضح انها لعبه .. غلطتك هنآ انك كررتي الإتصال أكثر من مره ..

والشي الثاني اللي غطتي فيه انك نشرتي الرقم .. وبالأخير طلع رقم أختك ..

في أمور زي هذي حلو فيها التأني .. يعني لو طنشتي الكووول ميي كآن أحسن يقول لك الحقرآن يقطع المصرآن لو انها مالقيت غير الطناش كآن ريحت ملايكتها وبطلت ازعاج

وفي خدمة بالإتصالات اسمها جوآل كنترول تقدري تسوي حجب لأي رقم مزعجك

عموماً اللي صآر صآر .. بس انتبهي ثاني مره ..


بالنسبة لأختك هي شكلها كآنت تلعب عليك وقآعدة تطقطق على رآسك .. وشكلها عآشت الجو..
ولما نشرتي رقمها ندمت وقآمت تسب وتنآفخ ..

الحل .. دآمك أكبر منها .. هو انك تعاتبيها لو برسآله وتوضحين لها انها غلطت وسببت لك ازعاج وقروشه طول الوقت .. وبالأول والأخير انتوا أخوآت .. واللي بينكم أكبر من هالخلاف اللي من البدايه ماكان له داعي ..بس قدر الله وماشاء فعل


وبالنسبة لرقمها .. ضروري تغيره <<<وهذا أكبر درس لها .. كل ما تذكرت ان الرقم توزع وخسرته .. هذا بحد ذاته عقاب لها ..


وسعي صدرك يا الغلا ..

يسعدك ربي دنيا وآخرة