ماهي افضل التخصصات المطلوبة لوزارة الخدمة المدنية

هياس · #1 (**permalink**) 05-07-2010, 04:09 PM

السلام عليكم

شبااب انتم عارفين ان الحين رااح تفتح الجاامعاات والكلياات التقنية
وانا محتاار ادخل اي تخصص
من عنده معلوومة عن التخصصات التى تنزل لها ارقاام اكثر في الخدمة المدنية

انا نااوي ادخل الكلية التقنية تخصص حماية بيئة,,

هياس · #2 (**permalink**) 05-07-2010, 06:59 PM

مااشااء الله مشااهدااات كثير
لكن ولا رد!!!!!!!!!!!!!!

يبي يفتك · #3 (**permalink**) 05-07-2010, 07:11 PM

أهلا بك وبالتوفيق

تخصصات الطب - الهندسة بأنواعها ،،

تصدق عاد انه هذي التخصصات بس اللي التوظيف فيها مباشر الحين بدون مفاضلة أو مسابقه

غيرها تتعب زينا كثير الله لا يجيب لك التعب خاصه اذا انك دبلوم صحي والا تقنية

------------------

تقنية بصراحه يعني بصراحه

انحش

شف لك كلية ثانية سواء معلمين أو خلافه

مؤسس · #4 (**permalink**) 05-07-2010, 07:13 PM

انتبه من الكلية التقنية وسلامتك...

كيمياء الفقر · #5 (**permalink**) 05-07-2010, 08:35 PM

طب - هندسة كهربائية - هندسة مدنية ( كلها توظيف مباشر من الديوان حاليا ) .

و مثل ما قال اخوي ( يبي يفتك ) انحش من كلية التقنية .

و نصيحة من عندي انحش من اي تخصص فيه كيمياء .

اجتما · #6 (**permalink**) 06-07-2010, 03:00 AM

علم الإجتماع بدوووووووووووووووووون منازع

لاني علم اجتماع

حلمي الامنية · #7 (**permalink**) 06-07-2010, 04:03 AM

حرام عليك الكيمياء تخصص مطلوب في كل الجهات وخصوصا الخدمة المدنية تعين فوري بالنسبة للتعليم .
ثانيا الكليات العسكرية تخصص الكيمياء مطلوب عندهم .
ثالثا الشركات الكيميائية على قفا من يشيل لو يوزع سيرته الذاتية على الشركات اللي في الجبيل شرط ياخذونه .
==============================
لا تحسبن المجد تمراً أنت آكله ,,, لن تبلغ المجد حتى تلعق الصبرا

كيمياء الفقر · #8 (**permalink**) 06-07-2010, 11:21 AM

اقتباس:

المشاركة الأصلية كتبت بواسطة حلمي الامنية

حرام عليك الكيمياء تخصص مطلوب في كل الجهات وخصوصا الخدمة المدنية تعين فوري بالنسبة للتعليم .
ثانيا الكليات العسكرية تخصص الكيمياء مطلوب عندهم .
ثالثا الشركات الكيميائية على قفا من يشيل لو يوزع سيرته الذاتية على الشركات اللي في الجبيل شرط ياخذونه .

و الله يا خوي انا اكتب نتيجة معانتي من ها التخصص الفاشل ما جبت كلام من فراغ و بالنسبة للنقاط اللي طرحتها احب اوضح عليها التالي :

1- بالنسبة للخدمة المدنية و احتياج الكيمياء من 11 سنة وهو في حدود ( 300 ) معلم كل سنة و اذا منتب متاكد من كلامي راجع الاحتياج من عام 1421 الى 1430 هـ .
بالنسبة للتعيين الفوري ؟ انا اول مره اسمع واحد تخصصه كيمياء يتعيين مباشرة يعني موب لازم يعدي القياس و بعده المقابلة و بعده يطابق و بعده يفاضل ( انواع المطبات ) ؟
ولا عطوهم كشف طبي اثناء المطابقة خلاص يعني تعيينوا كل اللي تخصصهم كيمياء ؟

2 - الكليات العسكرية مطلوب عندهم ؟ عندك تقدم الحرس الوطني للجامعين قبل اسبوع اسئلك طلبوا تخصص كيمياء ؟ لا طبعا

3 - بالنسبة للشركات الكيميائية هذي يبيلها موضوع كامل ما يكفي رد لكن بعطيك مثال ( وظيفة براتب 3900 ريال بالمدينة الصناعية الثالثة اللي تبعد عن بيتكم 80 كم و دوام من الساعة 8 الى الساعة 5 المغرب و احيانا تستلم شفتات توصل دوامك الى 11 بالليل و طبعا لأنك ببلد بطالة و حالتك المادية متدهورة لازم تقبل غصبا عنك و يوم توظفت لقيت زميلك بالعمل طيب و ابن حلال مثلك و لكن معه جنسية عربية و مسمى وظيفته مثل مسمى وظيفتك ويكبرك بسنة واحده لكن يستلم اربع اضعاف راتبك و بما انك انسان جامعي مثقف ما همك كم يستلم خويك الاجنبي بالعكس تتمناله الخير لكن المشكلة كل يوم وراك مشوار ساعة رايح الدوام و ساعة راجع منه يعني عندك ساعتين بالطريق تقعد توسوس تقول ليش يوم اني اعمل نفس العمل اللي يعمله باخلاص و تفاني و اتقان وبالاخير راتبي ما يجي ربع راتبه انا في اي بلد عايش في بلده ولا في بلدي

)

ملاحظة : 3900 ريال مع البدلات و بعد خصم التامينات .

للإطلاع اكثر على معاناة الكيميائين انصحك تراجع الموضوع اللي في الرابط :-
https://www.btalah.com/t31970-50.html