بسم الله الرحمن الرحيم

السلام عليكم ورحمة الله وبركاته

ولاحول ولا قوة الا بالله

وانا لله وانا اليه راجعون..

قسم بالله اني منقهر ودي امسك قلب المملكة والا هيبة فنان واعلقهم في اكبر عمود في القصيم واجلدهم بالحزام...ابي اطلع حرتي فيهم...بس المشكلة كيف اطلع لهم وهم معلقين في اطول عمود؟؟؟...والا اقولكم ...جيبوا لي البنشري وزير البطالة اطلع حرتي فيه....واذا مو موجود جيبوا لي الاصلع زيدان ....


قدر الله علي واشتريت سيارة من شركة كيا الكافرة الساحقة الماحقة



... واجهتها تشبه الى حد كبير جدا واجهة السيارات الاوروبية الفخمة زي الجاكوار والمرسيدس






....اول يومين جوني ناس يباركون لي ونص الحارة صاروا اخوياني مع انهم كانوا يمرون من عندي ومايسلمون علي يقولون اني مرتد لاني انتقدت امام المسجد....حتى امام المسجد صار خويي يقولي عطني دورة واخليك تأذن .....

بعد اسبوع صرت لما اشغل السيارة ينزل القزاز....والكهربا تضعف شوية...وديتها للشركة قالوا السيارة جديدة ومافيها شي...

وقعدت على ذا الحال اسبوع كمان....رحت بها لاكبر ورش في جدة وكلهم يقولون ان الموتر سليم مية في المية ومافيه اش شي...

جاني واحد قالي اهييييييييييييب علااااااااااااااااك بكم شريتها قلت له ب 70 قالي كذاب هذي ب250 الف اقل شي قلت له الله ياخذك اذكر الله....

راح وجاني واحد ثاني وقالي ترا الجاكوار غالية يبي لها محافظة وانت غشيم حرام فيك وانيت مصدوم....قلت هذولي انتم ياوجيه الفقر...حقكم حنطور بدون كفرات ويخب عليكم بعد ...عندك كلمة طيبة قولها...ماعندك رد لسانك في حلقك وضف وجهك والا بتصير علومن ماهيب زينة ابد...

والله العظيم يا خوان اني كلما مامريت من الحي حقنا العالم يوقفون ويطالعون فيها...واحد مرة يقول لخويه...هذه من اموال حرام....اعتقد انها من مساهمات سوا....قلت له تبي تعتقد رح اعتقد بعيد عني...انا ماني ناقصك...اللي فيني مكفيني....

حبيت اثبت لهم ان السيارة كورية وهي قسم بالله كورية من بلاد الالحاد والشيوعية والكفر ....جبت لهم استمارة السيارة....المشكلة ان المرور كاتب في خانة نوع السيارة اوبيروس....قالوا قايلين انها جاكوار والا مرسيدس....قلت لهم طيب اوريكم العلامات اللي قدام وورا...وريتهم اللي قدام...طلعت علامة اوبيروس واللي ورا علامة كيا.....حتى اللي في الدركسون طلعت علامة اوبيروس....ياااااااااااااالله وشذا الدوخة بس...

راح واحد وجا واحد يقولي لماذا لا تشتري هايلوكساً فلقد فيه خير عظيم لهذه الامه...قلت له والهايلوكس هذا مصنوع وين؟؟؟؟ لايكون مصنوع في الرصيفة والا في كدي؟؟؟ هذا مصنوع في اليابان واليابان يشبهون الصين والصين قتلت المسلمين في جريمة بشعة قبل اقل من سنة والكل يذكرها مجازر الايجور

بعد كم يوم جات السيول وكنت من اوائل الضحايا المسحوبين في السيل...وتعلقت فوق الرصيف جاني واحد يقولي انا كنت شاك انك شيوعي ملحد....فلتذهب الى الجحيم....

طلع الموتر وجلس عند باب البيت شهرين متتاليين والحمدلله اشتغل....

والعالم عيونها علي انا وسيارتي....جاني شخص يقول لي اللي صابك هذا عقوبة من الله لانك كذبت علينا وقلت انها كيا وهي مرسيدس..

امس رحت الكورنيش وانا طالع حصلت اثنين مصارية شحاتين وجالسين يمشون وراي يبون فلوس....عطيت كل واحد نص ريال وقاعدين وراي وراي اليين وصلت السيارة...يوم شافوني ركبت السيارة قالي واحد منهم معاك مرسيدس وتتصدق بريال...؟؟؟ ياخي استحي من ربك دافع فيها 250 الف ومستخسر تدفع لنا 100 ريال لكل واحد قلت والله ماعندي الا النص ريال اللي عطيتك شريت بيبسي ورد لي نص تبيه خذه وروح ماتبيه رجعه لي ابزيد عليه ريال ثاني واشتري به بيبسي..قالي انتا تمن علي خلاص خذ النص بتاعك ويرميه ويجي في عيني....واورح البيت بعين وحدة

عاد مشكلتي اني ماقفلت الدرج حق السيارة دايم مفتوح ومليان انصاص والناس لما يشوفونها يحسبون اني ولد امير والا امي مديرة بنك....

قبل اسبوع جاني شريطي قالي ابعطيك 150 الف في الموتر ...بس يكون بدون صدمات والا مخوش....قلت له كلا البتة لن ابعيك الموتر...قالي ولماذا ايها الفتى الارعن...قلت له لقد انها من بلاد الشيوعية يعني اللي يركبها يصير شيوعي قالي وش يعني شيوعية...قلت له يعني يصير املط بدون شنب قالي زيك....قلت له بالضبط زيي!!!

صار الرجال يمر كل يوم من قدامي ويطالع فيني من فوق لتحت ويقول لي ..اتمنى يجي يوم القيامة في اسرع وقت...قلت له تبي الحور العين؟ قالي لا ابي اشوفك وانت تتشقلب في جهنم.... قلت له اتشقلب في جهنم هذي ملاهي ماهي جهنم....قلت له تصدق ودي يجي مطر بكرة...عشان اشوف السيل وهو يسحبك وانت تقول اغيثوني اغيثوني عشان اوريك كيف....

وياليتهم صكوني على شي يستاهل قسم بالله انها كورية....

عاد انا فكرت في هالحركة من كوريا....
طبعا الكوريين يعرفون ان الحسد عند المسلمين امر شائع جدا ويسبب الوفيات ..
هم قالوا نسوي واجهة الموتر زي الجاكوار ونخلي سعرها في المتناول 70 الف فقط....عشان الشعب السعودي يقدر يمتلكها...بعدين يتحاسدون ويصكون بعضهم عين الين يموتون ...وبكذا نقدر نسهل المهمة على الاوروبين عشان يحتلون السعودية وطبعا الأوروبيين ياخذون تبوك الين جدة....وكوريا تاخذ الحوية الين قيا مرورا بوادي وج ومخطط السحيلي وميسان ....واليمن تاخذ الربع الخالي وتزرعه قات وتدعم اقتصادها المتهالك...بالنسبة لحايل وانت طالع شمال هذي تكون قطة بين روسيا والصين ...الرياض تبقى زي ماهي عليه....

اهم شي بالنسبة لي ان الواحد اذا شاف شي يعجبه يذكر الله عليه....

اللي يعجبه الماضوع يكتب في رده ق ب أ خ وتعني (قسم بالله انك خطير)

واللي مايعجبه يكتب ض ج و ل ت ل وتعني (ضف وجهك ولا عاد تعود لها)

هذا والسلام عليكم ورحمة الله وبركاته ....دمتم بافضل حال..اخوكم ابو فجر المنفجر

ق ب أ خ

< فطسست ضحك


ق ب أ خ

عوضك الله خيراً


بّ التوفيق عمْو

ق ب أ خ
والله رهييييييييييييييييييييييييييييييييب
اسلوبك مرررره حلو

هههههههههههههههههههههههههههههههههههههههههههههههههه هههههههههههههه

ق ب أ خ