[ALIGN=CENTER][TABLE1="width:95%;"][CELL="filter:;"][ALIGN=center]
سلام الله عليكم ياحلوين واللي موحلوين واللي نص ونص

السلام عليكم ورحمة الله وبركاته


< لزوم تردون السلام تروني مانيب مسامحتكم ليوم الدين مارديتوا السلام


عارفه الحال والأوضاع


بعد الترشيح ولا تضيقون صدوركم هالدنيا ماتستاهل بنروح ونتركها

ماهنا الا دار فانية الوشسمه وترون البطالة ماهيب بشعة زينة نوم ومسدح

ماهناك دوام وتنغيصه وتحضير وقروشة الوظايف الكل يتمناها < انفصام مره تمدح بالبطالة مرة تقلب

صادقه انا اجل وشهولة درسنا
واشترينا قلم ابوخمسة ريال يقالكم بنصلح خطوطنا ندور الدرجات ذيك الحزة نحسب وزراة الخدعة
بتوظفنا مدرينا هاسنعهم كان ماشدينا حيلنا بدراسة

< اللي يقرا شلامها يقول انها مره قطعت المذاكرت والكتب وقسم بالله مره
كان عندي اختبار ودخلت القاعة ووصلت وانا مانيب عارفه اسم المادة

من سوء حظي دخلت القاعة قد توزعت الاورق ماسمعت البنات يسولفون ويراجعون

داخله متاخره القاعة يوم جلست سلموني ورقة الاختبار وكتبت اسمي اشوا ماضيعته

ورقمي الجامعي ووصلت عند خانة الماده انا والله مانيب عارفه اسمها لني ساحبة عليها

هي شبكة كانت وماكنت احضر المحاضرات البنات يحضروني عند الدكتور طول الترم
ياربي وش اسوي تلفت يمين ويسار اشوا البنت اللي بطابور الثاني حست اني متوهقه هي تحسبني ابي اغش قالت وش تبين قلت ابي اسم المادة وش اسمها

هي صارت شذي وقالت لي اثر الحضارة الاسلامية بالعلوم

وانا شفت البنت تضحك تقول اسم المادة وتضحك وتنزل راسه ماتبي المشرفه تشوفها

وقلت وش هالاسم ماعجبني حسيتها تتريق وانادي بصوتي كله المشرفه وتجيني ماتتدري عن سؤال الفاهي ولا ماكان تعنت وتزحف بالكراسي يوم وصلت عندي قلت ابي اسم المادة
هي شكت فيه اني داخله القاعة عن وحدة وبعد عرفت اني فاهيه وقالت المادة اثر الحضارة الاسلامية بالعلوم
طلع نفس الاسم


تروني بسنين الاولى ايام كانت الاجابه بالفرخ الابيض
الفرخ يعني ورق خارجي نكتب الاجابه فيه والاسئلة تجيك بورقة مانجاوب بنفس
الورقه لا بالفرخ الابيض نكتب الاجابة
خخخخخخخخخخخخخخخخخخخخخخخخخخخخ
والمشكلة والغباء الزايد اللي نزل عليه اسم المادة مكتوب بورقة الاسئلة
بس انا ذكيه مسكت الفرخ ع طول ورقة الاجابة ومختوم عليها
الاسم......... وفراغ
والماده........ وفراغ يعني انت تكتب اسم المادة < عساكم فهمتوا وش اقصد
تروني زلابه بشرح




اللي علينا سويناهـ واللي كاتبه الله بيجي عند باب بيوتكم





هماني فاتحة الموضوع الليلة عشان لمست وقريت ردودكم وعشني احبكم ومااحب


اشوفكم متكدرين وضايقه صدوركم قلت لزوم ننفس ونروح عن انفسنا الليلة بس

اللي يقول موقف واللي بيعلمنا وش صار له
واللي يعطينا نكته واللي بيشطح ويقول وش تحلم

وشذي ترون طيراني جاهزه وبحي الليلة خبيتي وسامري اهم شي اشوف ضحكتم




الموضوع بس الليلة عشان خاطراللي ماترشحوا ولا طلعت ارقامهم تكفون طلبتكم
طلب عشان نوسع صدورهم خلو الموضوع مفتوح بس اللية ثمن قفلوه الفجر







المايك لمنّو الوناسة فلتشطح لنا وتونسنا بعلموها الشذي
[/ALIGN][/CELL][/TABLE1][/ALIGN]