بسم الله الرحمن الرحيم
السلام عليكم والرحمه والاكرام ,,
قالوا هات الشهاده ويكون وضعك حلو بــ المجتمع !!
قلنا هذي شهادة الثانويه ,, قالووو ....
للأسف مالك مجال واسع ,,
ومالك حضوض وافره ,,
ومجالك راح يكون محصور ,,
,,
,,
,,
,,
,,
بعد تفكير ,,,,,
قلناااا ومالوووو ما نكمل الدراسه ,,
نكمل ,, ما دام الدراسه بترفعنا فووووق !!!! >> على نيااااتي
سعينا ورحنا وجينا وسافرنا ,,,
وراحت السنووووون ...
الله وفق وألتحق بجامعة الملك سعود - اداره ماليه >> تخصص مش بطااال
المووووهم
تخرجنا ولله الحمد واخذنا الوثيقه ,,
,,
,,
,,
,,
,,
,,
وبداء مشواااار طرق الابواااااب ..
اول خطوهـ بعد التخرج سويتهاا اجمع معلومات من النت , مثل منتم عارفين حنا بدوله ما شاء الله من أرقاء الدول بالعالم من ناحية مواكبة التطور والتكنلوجيا ,,
يعني عندك جميع المنشئات لها مواقع على الانترنت ,,
هذا من باب التسهيل على المواطن للحصول على العمل المناسب والذي يطمح مقابل الشي اللي قدمه يعني ..... طموح على قد امكانياااتك !!!
جمعنا المعلومات من النت وبدينا بأرسال الـ cv على تقريباً اغلب الشركات مضافاً إليها البنوك .........
هامش >>> محسوبكم مايعترف بشي اسمه التقديم عن طريق الأيميل لأني ادري عن بعض الشركات ليه حاطه الايميل تسكيت لمكتب العمل والسعوده !!
الموووهم ما أكتفينا بألأرسال بس قلنا لأزم نروح ونشوف ويشوفونا ,,
على قولتهم ( خذ العلم من الراس ولاتاخذه من القرطاس )
..
..
..
..
..
ولي شهر تقريباً كل صباح اروح ولا ارجع الى الظهر , اللي يطردني وللي يصرفني ,,
وأذكر لكم موقف حصل لي الاسبوع اللي طاف
ملاحظه / اللي من طبيعته حااار وعصبي يأخذ السطرين هذي مطب عشان مايرتفع معاه الضغط وأكون انا السبب >> ضميري يأنبني ,,
واللي فله مثلي يأخذ زقارتين بعد مايقراء الموقف هذا !!
رحت لبنكً ماء ودخلت على مدير شئوون الموضفين وقدمت اوراقي وقال والله التقديم عن طريق النت وووو .... !!
قاطعته وقلت له الله يبارك فيك مقدمين عن طريق النت من فتره طويله ولا جاء شي وتخصصي مرغوب بالبنوك وحبيت اني اجيكم واقدم اوراقي مباشره لكم لأن يوم مارديتو لي على الايميل خفت ان النت متعطل عندكم او ماجدتو الاشتراك
قال والله ما اقدر اخذ اوراقك !! لكن وش تخصصك ؟؟
قلت له اداره ماليه
قال من اي جامعه ؟
قلت من جامعة الملك سعود !
قال عفواً جامعة الملك سعود مو معتمده عند البنك
!!!!!!!!!!!!!!!!!!!!
قلت اييييييييييييييييييييييييييييييييييييييييييش مو معتمده !!!!!
اجل وش المعتمد عندكم ؟؟؟!!!!!!!!
قال التقنيه >> حسيت يوم قال التقنيه اني غلطان ورايح لوكالة سيارات !!
ومعهد الاداره >> مقبوله معهد الاداره
وجامعة الامام محمد بن سعود
الاسلاميه >> لا تعليق
وبس !!!
همسه / انا ما انتقص الجامعات والكليات والمعاهد اللي ذكرتها سابقاً ,لكن لكل تخصص مجاله فهذا مادعاني للسخريه بهذا الموظف المعتوه !!!!
جلست اضخك طبعاً عنده شوي وقلت من جد هزلت !!
قال ليه >> قالها بكل براااائه يربي عليه شكله اخر العنقووود
قلت ارحم لك تقول ماعندنا وظايف ويالله اقضب الباب ولا تقول مو معتمد انا جايك من جامعه حكوميه وأول جامعه تعتمد بالمملكه عالمياً !!
قال والله هذا النظام اللي عندي !! >> برضوو قالها بكل برااااائه
قلت لا أبوكم لا ابو النظام اللي تعرفه !!!!!
قد يسئل سائل ويقول ممكن مو معتمد عندهم ؟؟
اقول لا يبوو الشباب معتمد واعرف ناس متوظفه في هذا البنك بـ ثانويه عامه , ومن جامعة الملك سعود !!
لكن الواااااااااااااااااااااو تمشي لو انك بالربع الخااااالي !!!!
طبعا ما دعاني اكتب هذا الموضوع مو سالفة هذا البنك ,,
اللي دعاني هو اليوم كان عندي مقابله شخصيه عند احد الشركات وكان الموعد الساعه 10 صباحاً ,,
رحت لهم وقابلت مدير التوظيف وقال ان امورك ان شاء الله ماشيه وعطاني استمارة التوظيف وعبيتها ,,
وقال خلاص روح لمكتب المدير العام بالدور الفلاني يبيك بيدردش معاك !!
رحت للمدير العام ودخلت عليه وبداء الأختبار قصدي المقابله الشخصيه
طبعاً المدير العام أردني وشكله الكل بالكل !!
طبعاً الكلام اللي دار بيني وبينه طويل بس احب انقل لكم بعض من المهازل اللي سواهاااا فعلاً شي يقهر اجنبي يسوي معاك مقابله !!!!!!!!!!!!!!!!!!!!
عطاني مسئله بالمحاسبه وقال كيف تحلهااا ؟؟
قلت عن طريق كذا وكذا ,, لكن كيف الحل بالضبط ما اعرف ؟؟
قال كيف ماتعرف وانت محاسبه ؟؟
قلت انا اول شي مو محاسبه وياليت تطلع على السيره وتشوف وشوو تخصصي !!!
ناظر اوراقي وقال مو انت اداره ماليه خلاص الادجاره ماليه هي المحااااسبه !!!!!!!!!!!!!!!!!!!!!!!!!!!!!
قلت له لا وشرحت له الاداره الماليه وان المحاسبه فرع من فروع الاداره الماليه وماهي تخصصي ,,
قال لا وجلس يكابر !!!!
سكت ....!!!
وواضح من اسلوبه التعقيد للسعودي >> المعادله واضحه اجنبي يسوي مقابله مع سعودي !!!
طبعاً بداء يقل ادبه شوي على الشباب السعودي وبداء يتفلسف على مخي !!
طبعاً انا خلاص وصلت ابو الوظيفه على ابو كلب !!
شرشحت فيه شوي ولقيته مقفااااي ومشيت !!!!!!
وانا توني راجع من عندهم وكتبت لكم هذا الموضوع نوعاً من الفضفضه
>>> زقاره وراء زقاره خل الضغط ينزل شوي
.
..
.
..
.
..
.
عذراً على الاطاله ,,
واتمنى للجميع التوفيق والسداد
اخوكم / بـــراق العطاله
21-08-2007, 03:28 PM
للأسف اني سعو......!!!!!!
العرض الشجري
