السلام عليكم جميعا ...

اولا انا مجموعة 1 وموعدي الساعة 7 صباحا .

رحت لهم تقريبا الساعة 6:30
المهم فتحوا البوابة تقريبا الساعة سبعة الا ربع

المهم , مرينا على صالة علشان يتأكدون من رقم الطلب حقك , وبعدين يدخلونك على صالة مكيفة تنتظر فيها وبعدين يركبونكم الباص اللي ينقلكم الى لجنة القبول

بعد كذا فرزوننا على قسمين الاول : اللي معه استمارة الالتحاق .
الثاني اللي مامعه الاستمارة , ويطبعونها له بس تطول شوي

بعد كذا انتظرنا في المدرج >> وسراحة كانت الكراسي مرة متعبة
وبعد كذا مرينا بالتحظير .. بس يطلب منك رقم الهوية

وبعد كذا تتجه الى لجنة الطول والوزن
وكان اللواء الشعلان متواجد هناك وكان يراقب سير عملية القبول
وحتى شافنا فاسخين الفلاين وقال ارجعوا البسوها مالها داعي
المهم كمل قياس الطول والوزن بدون تفسيخ

وبعدين تجي ساعة الصفر يالائق او غير لائق . >> الامور كلها سهالات

المهم الائق يكمل الاجراءات ويروح يسلم الاوراق المطلوبة , وبالنسبة للمشهد والاستمارة الثانية غير مطلوبة والي جابها اصلا ما اخذوها منه

وبعدين تمر على كم ضابط يدقق الاوراق .

واخيرا يعطونك دفتر الالتحاق النهائي وخلاص
ونتائج القبول المبدئي الثاني يوم الخميس القادم


ملاحظة :
الامور اسهل مما تتصورون
اللي مامعه وثيقة ولا مشهد يكتبونه تعهد انه يجيبها
واللي وزنه ناقص او زائد يكتبونه تعهد كذالك


بس نصيحة تأكد من وجود بطاقة الاحوال .
وكمان جيب صور زيادة .

وبالتوفيق للجميع

اخوي اول ما وصلت دخلت من البوابه وجلسونا في صاله انتظار وبعدها ركبونا باص وذهبوا بنا الى الصاله الرياضيه واول ما دخلنا الصاله قابلنا عسكري رقيب اول قسم بالله اخلاق يقول اللي طبع رقم الطلب يدخل يمين واللي ما طبع يدخل يسار علشان يطبع .
انا دخلت يمين لاني طبعت المهم جلسونا في ركن الصاله الرياضيه في المدرجات وبعدها بالدور يطابقون اسمك هل هو نفس اللي بالبطاقه اولا وبعدها تمر على اثنين عسكر رؤساء رقباء يطلبون منك صورة الشهاده والسجل الاكاديمي وصورتين لبطاقة الاحوال والبيانات اللي فيها رقم الطلب بالاحمر و8 صور مكشوفة الرأس يطابقون اوراقك وياخذك عسكري جندي على الطول والوزن .. توصل عندهم بنفس الصاله في ركن ثاني وبالدور كل 5 انفار مع بعض . يقوولن لك فصخ الجزمه الله يكرمكم جميعا وخذ معاك جوالك وبوكك ورقم الطلب فقط والباقي ضعه على الكرسي . تدخل اول شي الوزن ويسجل وزنك على الورقه ويوقع وبعدها الطول ويكتب طولك بدون ماتشوفه ويقول لك خليك على الخط الاحمر . توصل الاوراق عند الضابط وينادي بالاسماء ( طبعا اللي طوله ووزنه مناسب يقولون لائق ) والا مو لائق يقولون اقضب الباب والله يسهل عليك ونتمنى لك التوفيق .
طبعا طلعنا مجموعه كبيره وقابلنا الشعلان والعبيد وقولنا لهم معقوله ننطرد علشان 3 ملي . قالوا والله اجرات الوزاره ما نقدر نخالفها . حتى ورب النعمه معانا ناس جايبين ممتاز انطردوا علشان الطوووووووووووووووووووووووووووول

المهم بعد ذلك خرجنا من الصاله الرياضيه وركبنا الباص مرة اخرى وعوده الى البوابه التي اتينا منها .
طبعا كان الوضع عادي جدا جدا لان الارزاق بيد الله سبحانه وتعالى والخيره فيما اختاره الله .

هذا والله على ما قولت شهيد

طيب أخي سفير ألف مبرووووووووووك قبولك مبدئيًا وتنتضر الفرز الثاني المهم

ماهي الإجراآت التي قمت بفعلها ومتى تراجعهم لتقوم بالكشف الطبي الأول والثاني .

والله يرزقك بأفضل منها أخي عاشق

اخوي حلم طفل الوزن يدققون عليه والا يكتبونك تعهد

شبااااااااااااااب تكفون جاوووبوني ردوا ناااس عشان وزنهم ناقص والا كتبوهم تعهد واذا كان تعهد كم يعطونه يوم عشان يرفع وززززنه انا موعدي يوم الاثنين وبسافر اليوم بعد العصر ان شاء الله والمسافه فوق 1200 كيلو اذا هم يردون اللي وزنه ناقص ماله داعي السفر والتعب