( الجزء الثاني ) ، تقديم الدورة ال40 للكلية الامنية ..

الشيخ ستيف · #**5591** (**permalink**) 26-07-2010, 04:16 AM

اقتباس:

المشاركة الأصلية كتبت بواسطة الشيخ ستيف

اللي قاسو النظر اليوم

لوحة القياس هل هي نفس الوحة هذي ؟؟؟؟

ياشباب اللي كان موعدهم السبت وكشفو نظر

جاوبني الله يجزاكم خير ..

يوسف الصقري · #**5592** (**permalink**) 26-07-2010, 04:17 AM

اقتباس:

المشاركة الأصلية كتبت بواسطة جامعي بدون وظيفة

أنا خريج علم اجتماع معدلي 4.39 وزميلي ايضا تخصصه خدمة اجتماعية ومعدله 4.20 و واحد من الشباب تعرفت عليه اثناء التقديم على الكلية الامنية السنة اللي راحت تخصصه علم نفس ومعدله 4.77 بمرتبة الشرف الاولى وجميعنا وصلنا الفرز النهائي وكل امورنا تمام في الفحص والمقابله واللياقة ولكن تفاجئنا بالجملة المعروفة عن هذي الكلية وهي نأسف لعدم قبولك كثير منكم راح يشوفها فلا تأملو كثير ولا تحلمو واجد ترى والله تتعبون نفسيا اللي بختصره لكم زميلي نفس تخصصي معدله جيد على الحافه يمكن 2.77 او 2.76 ماني متأكد منه لكن تقريبا حول هذا الرقم انقبل طبعا ما انقبل بشطارته او بضربة حظ الرجال عنده واسطه قووووويه ودخل زي السلام عليكم وعلى فكره من ايام دراستي معه وهو يقول الكلية الامنية في جيبي وخالص منها وفعلا طلع كلام الرجال صدق لذلك لا تتعلقون في هذي الكلية زيادة عن اللزوم لأن الواسطات موجوده والكرش شغال عندهم سواء في مراحل القبول او الفرز النهائي يا ناس والله العظيم انكم مساكين احسكم متفائلين بقووووووووووه بكره بذكركم في رمضان وتشوفون هذي الكلية مهما تظاهرت امامكم بأنها موضوعيه وبأنها خالية من الواسطات صدقوني راح تعرفون حقيقتها بالشكل الحقيقي اثناء الفرز النهائي ...كلامي هذا مو تحطيم لكم ولكن لازم تعرفون ان التفائل الكثير راح ينعكس عليكم بعد الفرز النهائي ..مهما كان تخصصك مطلوب ومهما كان معدلك ومهما أديت من لياقة ومقابله ترى ما تضمن قبولك 1% اتمنى للجميع التوفيق .

عزالله صدقت وانا اخوك .....الواسطه الله سبحانه بس حنا ماخذين بالاسباب

يوسف الصقري · #**5593** (**permalink**) 26-07-2010, 04:20 AM

اقتباس:

المشاركة الأصلية كتبت بواسطة الشيخ ستيف

ياشباب اللي كان موعدهم السبت وكشفو نظر

جاوبني الله يجزاكم خير ..

يالذيب اخوي اختبر اليوم وانا فهمت انها اللوحه اليمنى حرووووف E
بس لاشفت غيرها بكره لاتددعي علي

غربا · #**5594** (**permalink**) 26-07-2010, 04:28 AM

[align=center]وربي وسوست ... هههه
مرة اسأل كل اخوانى وش رايكم برجولى مقوسه والا لا؟؟؟ ههههه

ومرة اروح انا ظر باسناني كويسه ولا لا ؟؟!! هع هع هههه وكل يوم اكتشف شي جديد وكل مرة اروح للطبيب يقولى ايوه فيه وفيه هع بكاااآآآش بس يبي ينعنش جيبه ..<<<وقالى من السنة الجايه بيفتح عياده للطلاب اللى مسجلين بالكليات العسكريه ...عرف انو راح يطلع من ورانا اربااااح سنوات ؛؛<<<ياحليلنا ياهالمتخرجين الكل يستغلنا ,,,ندورها من اطبا الاسنان والمستشفيااات والا حقين القياااس الى كل مرة يجيبون اختراع جديد واسم جديد عشاااان هالمتخرج الى ع قد حاااله ....00

وكل مرة اروح اراقب الوزن خخخخ مرة فوق ومرة تحت ويلعب ع راحته ..

ومرااات اجرب اختبار عمي الاوان وحق البصر ... ومرة انجح في ذا وارسب في الثاني ومرات ايبها هع هع...

ومرات اروح اناظر تحت فى شي مهاجر ولا مسافر والا شي .. الواحد مايظمن ؛؛؛<<<قمت الوسوسة ؛؛؛مابقى الا اوري احد وهو يحكم خخ

ومرااات اراجع الدفتر عشرين مرة عشان اتاكد ....يمكن غلط هنا والا هنا خخخ

وبكرة رايح اسوي فحوصات كاملة دم <<<من كثر ما سمعت من الاعضا هنا هيموجلوبين ههههه؛؛<<<الله يرج شيطانك

ياشباب نبي واحد يرجع الثقة فينا مو يوسوس فينا <<<<<انا خلاص موسوس ع الاآآآآآخـــر
كل يوم اشوف مشكلة جديده ..

وش الحل ؟!!!

احد عنده حل ... شي

ياش
[/align]

الشيخ ستيف · #**5595** (**permalink**) 26-07-2010, 04:33 AM

اقتباس:

المشاركة الأصلية كتبت بواسطة يوسف الصقري

يالذيب اخوي اختبر اليوم وانا فهمت انها اللوحه اليمنى حرووووف E
بس لاشفت غيرها بكره لاتددعي علي

تسلم اخوي وراح ادعي لك

بس ياليت احد يرد علي من الاخوان اللي شافو الوحة

ابن الرين · #**5596** (**permalink**) 26-07-2010, 05:05 AM

انا تخصصي علم اجتماع واخوياي الدفعه الي قبلي انقبلو بدون واسطه والقليل بواسطه والدعوه توفيق
مع العلم ان معدلي 4.12 من 5 ولا انقبلت بوزارة الدفاع واخوياي معدلهم قريب من المقبول وانقبلو بصراحه مدري وشلون افسرها

لولو ه · #**5597** (**permalink**) 26-07-2010, 05:17 AM

المشكله يدعون بأن كليه الامنيه مافيها واسطه وربي بكاشين وبقوه يعني كذابين

لولو ه · #**5598** (**permalink**) 26-07-2010, 05:22 AM

حرام ينقبل شخص اقل منك معدل وانت تعرف انه مو حق دراسه ولا حق شي لا وبعد يقولك مضمونه وظيفتي اول ماتخرج وانا اتعب ودرس وذاكر وهو مطنش ويسهر ولعاب ويحصل على اللي يبيه

ماكنت اصدق حتى شفت هالشئ بنفسي يقبل من هو اقل منك معدل

اين العدل اين الصدق اين الانصاف

جامعي بدون وظيفة · #**5599** (**permalink**) 26-07-2010, 05:25 AM

اقتباس:

المشاركة الأصلية كتبت بواسطة ابن الرين

انا تخصصي علم اجتماع واخوياي الدفعه الي قبلي انقبلو بدون واسطه والقليل بواسطه والدعوه توفيق
مع العلم ان معدلي 4.12 من 5 ولا انقبلت بوزارة الدفاع واخوياي معدلهم قريب من المقبول وانقبلو بصراحه مدري وشلون افسرها

تفسيرها الوحيد الواسطه وانا خوك ترى الفرز النهائي في الوزارة وهناك ناس تطير وناس تثبت ما عليك من اللي يقول لا ما فيه واسطه هذا الكلام كنا نقوله السنة اللي راحت نلعب على بعضنا نبي نرفع في بعض بس ما طلع لنا قلوب الا يوم جا الفرز النهائي تصدق اني قبل ما يطلع الفرز النهائي شاري ملابس الدورة وشاري الله يكرمك جزمة من الفالح ب400 ريال وشاري شنطه ما بقى الا شعري قلت ماني محلقه خلني اترزز فيه ايام العيد وبعدين احلق واثق من القبول وبنسبة 100% وش رايك الى درجة ان اخواني ينادوني الملازم حتى في جولاتهم كاتبين قبل اسمي الملازم تخيل اني عشت هذيك الايام وانا عايش دور ضابط في وزارة الداخلية وفجأة نأسف لعدم قبولك ما اكذب عليك لو قلت لك اني بكيت قدام اهلي وجاني انهيار عصبي وتعبت نفسيا وجلست مده ما كلم احد لو اقعد اشرح لك الايام هذيك ومعاناتها ما بتصدقني علشان كذا انا اقول هذا الكلام علشان اخواني المتقدمين ما يتعلقون فيها بزيادة لأنهم لو مابينقبلون بيتعبون ويمكن يصابون بأمراض نفسية .

جامعي بدون وظيفة · #**5600** (**permalink**) 26-07-2010, 05:37 AM

اقتباس:

المشاركة الأصلية كتبت بواسطة لولو ه

حرام ينقبل شخص اقل منك معدل وانت تعرف انه مو حق دراسه ولا حق شي لا وبعد يقولك مضمونه وظيفتي اول ماتخرج وانا اتعب ودرس وذاكر وهو مطنش ويسهر ولعاب ويحصل على اللي يبيه

ماكنت اصدق حتى شفت هالشئ بنفسي يقبل من هو اقل منك معدل

اين العدل اين الصدق اين الانصاف

ايه يا الانصاف الله يجيب الانصاف من عنده الانصاف دور له في امريكا واروبا واليابان اما بني يعرب ما عندك احد حنا يتوظف عندنا اللي ابوه وااااصل اما اللي ابوه مسكين وعلى قد حاله بيقعد مثل ابوه اصلا على اي اساس ابو معدل تعبان تقبله وتخلي الممتاز تروح تترك الجاد والعملي وتقبل الفاشل و الغير جاد هذا بالله عليك يقبله العقل اصلا الكلية الامنية لو شفت اغلب ضباطها تلقاهم داخلين بالواسطه ومعدلاتهم رايحه فيهم وثلثينهم ثانوي ويجيك شايف نفسه على واحد جامعي متفوق وكأنه اقل منه وما يدري ان حقيقته شخص فاشل وداخل بالواسطه واللي يقهرني يجيك واحد ويقول وش اسوي في المقابله خاااايف من الضباط وما يدري انهم افشل منه وهو احسن منهم علما وشهادة اعرف ناس على ايام الثانوي داخلين هذي الكلية بفلوس كل واحد دافع مبلغ وقدره وهم اللحين ضباط ولا يتكلم الواحد الا من خشمه الله اكبر تقول ماخذها بتعبه صدقني بيئة العمل اللي تشوف افرادها ماهم كفو للعمل فيها تنعااااف لأنك بتنظلم في كل شي في ترقيتك في تعيينك في تقليدك منصب في كل شي راح تشوف ابو واسطه اقل منك مستوى ويجي ماخذها بارده مبرده .

( الجزء الثاني ) ، تقديم الدورة ال40 للكلية الامنية ..

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته أصدقائي الاعزاء هذا موضوع مجدد يتبع الموضوع السابق الذي كان في هذا

( الجزء الثاني ) ، تقديم الدورة ال40 للكلية الامنية ..

تسجيل الدخول

( الجزء الثاني ) ، تقديم الدورة ال40 للكلية الامنية ..

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته أصدقائي الاعزاء هذا موضوع مجدد يتبع الموضوع السابق الذي كان في هذا

( الجزء الثاني ) ، تقديم الدورة ال40 للكلية الامنية ..